Proverbes 3:35 - Ma Zhiklè

³⁵ A slebarde ta ndohi maya, aman a pa ta hori a di a ndohi nrzlaʼa.

Proverbes 3:35 ပူးပေါင်းရင်းမြစ်များ

Psaumes 132:18

Ndohi mayamhi nengaʼa i da paɗ ta a pa a horai; aman skwi mpèɗè gèɗ nengaʼa a da si dai.

Psaumes 73:24

Ka dyè ara man ka huro, te deɓaʼa ka cyè a sam nʼnjèlè.

Proverbes 12:8

Ta ɗèl ndo te maya nengaʼa man amba; aman ndo man ndav nengaʼa nzura ka ɓai, ta dérɗèʼa.

Proverbes 13:5

Ndo nzuraʼa a gi shèwa a ncèkèlma; ndo ambaɓiaʼa a gi skwi horai, skwi mphomaʼa.

Proverbes 13:8

Skwi mpil gèɗ nshèffè, nasa skwi mèshèlè ndo; aman ndo ntawassaʼa a fi ma ndo ngiɗè a ndav azɓai.

Proverbes 4:8

Va na civèɗ, a da slambaɗda ka gèɗ; aman ka gso a ndav ngaya, a va ka nʼnjèlè,

Proverbes 8:5

Kinè madaɗauhai, va-hur maya! Kinè nrzlahiaʼa, va-sundo maya!

Luke 14:9

Aman ndo mbiaʼa, man a baha kin cèw a sam ngolala, a gaɗa ka: Va-na sam nʼnzi a ndo sa! – ka dè a sam nʼnzi te deɓaʼa a hori a dai.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.