17 Civèɗ nengaʼa, civèɗ mwuffè; civèɗ nengaʼa tèlèba, civèɗ gumai.
Alléluia! Mwuffê a sam ndo man a gi zlau Ndo nzi pèc pècèk, a ndo man ma nkwèr nengaʼa ambaha.
Ma ngaya a jènahayè, a fena vongwom te ma.
Ndè a civèɗ ma malwuɗi ngaya a wuffedyè te ndav, a fena skwi mèshèlè tèlèba.
Ndohi man ta woy ma kita ngaya, gumi a zhè a sam ta kumba. Skwa a slafaɗama ta sak azɓai.
Ndo nzi pèc pècèk, i woy skwi mʼmbel ndo ngaya, ma kita ngaya a wuffedyè.
Ma nkwèr ngaya man i woya kumba a wuffedyè.
Civèɗ Ndo nzi pèc pècèk tèlèba, amba, zuraʼa, a sam tengaʼa man ta gshè va a nderzlè-ma nengaʼa, a ma nkwèr nengaʼa.
Aman ndohi a ndav lüɓok-waʼa ta da ndi kokwar, a ta da wuffè a géɗ gumi man a zhè a vata.
Aman Ndo nzi pèc pècèk a wuffè a gèɗ civèɗ ndo ngiɗè, a gi aman ko mayamhi nengaʼa ta tsi gumi a vna.
te man maya a dè a ndav ngaya, nshin skwai a wuffèdè ndav ngaya.
Aman ka ɓirèʼa te ndav ngaya, na zhè a tapiɗaf ma ngaya.
Ndo man a mʼmana ndav na kangaʼa, a nzi a gumai, a géɗ man a pi ndav a ka.
Ta da gèɗè ma malwuɗai, ma gumai a ndohai, ko ndohi dra, ko ndohi ndul ndul; a i mbel ta, Ndo nzi pèc pècèk a gaɗa.
aman a hela ta sam a ndohai, man ta te ruva, man ta te mèzhèɓ mʼmetsai, a da pa nga sak a civèɗ gumai.
Aman anai nga gaʼa a ndohi nzuraʼa te ncè-a-ndav, nga ngots gumi Zhiklè, te Bi nga Yèsu Kristi.