Proverbes 28:18 - Ma Zhiklè

¹⁸ Ndo man a gi mali azɓai, Zhiklè a takaha. Ndo man a beza zlawa, a kèlèhai.

Proverbes 28:18 ပူးပေါင်းရင်းမြစ်များ

Psaumes 125:5

Aman tengaʼa man ta bez ta zlawa a civèɗ tengaʼa ndzaraʼa, Ndo nzi pèc pècèk da zede ta a nda ndohi malihai. Gumi da zhè a géɗ Israel!

Psaumes 25:21

Skwi man mali a te pa ɓai, skwi ntsarayaʼa, da ɓeray ndav ga, aman i zhèr ka, Ndo nzi pèc pècèk.

Psaumes 26:11

Aman iyè, i nzi amba, i gi mali azɓai. Ndo nzi pèc pècèk, pryè auda, vay pombai!

Psaumes 84:11

Aman pats staɗ te gala ngaya a fena mʼmèn 1.000 a dala. Dara man i zlatsa a ntamagi Zhiklè ga, a géɗ man i nzi te gi ndohi ambaɓihiaʼa tʼhwaɗaʼa.

Proverbes 10:25

Aman skwi mwuɗitpa a shkè, ndo ambaɓiaʼa klèng ma; aman ndo nzuraʼa a nzi gedeng-gedengaʼa a mèdèp.

Proverbes 10:27

Zlau Ndo nzi pèc pècèk a nderɗa ka pats nshèffè ngaya a ma ma; aman mvi ndohi ambaɓihiaʼa a helaha.

Proverbes 10:9

Ndo man a gi mali azɓai, a dè zuraʼa; ndo man a dzara civèɗ na, ta gshè a géɗèʼa.

Proverbes 28:10

Ndo man a zlakeda ta ndohi nzuraʼa a civèɗ ambaɓiaʼa, a kèlè a vèvèɗ man a rau a ri na; aman ndohi nzuraʼa ta ngècè manam.

Proverbes 28:6

Dara ndo ntawassaʼa man a de te ngi zuraʼa, a géɗ ndo mèshèlè man a beza zlawa.

Nombres 22:21

Angoslèm a prèk te gai, Balaam a nslambaɗa, a mpeda skwi a deɓ kɗèh, a mdo a verzi ndohi Moab.

Nombres 22:32

A gol Ndo nzi pèc pècèk a ngaɗa na: Ka tsu kɗèh ngaya sak makarèhèmè? I shkè aman i zlatska ka ma, a géɗ man ka slambaɗkaɗi tsam-tsam, ara man i woya ka bai.

Nombres 22:35

Aman gol Ndo nzi pèc pècèk a ngaɗa na Balaam: Do a verzi ndohai! Aman ka da gèɗè sèi skwi man i da gada ka. Balaam a mdo a verzi ndohi Balak.

Galates 2:14

Aman i rka ara man ta gu skwi nzura ɓai, a ta dzodzor ma nzuraʼa te ma mbelaʼa ɓai, i gaɗa na Pierre a sam di ndo tèlèba: Aman ka, ka ndo Juif, a haha ka nzi a nshèffè ara ndo nte deɓa, ara ndo Juif ka ɓai, ka fa ta ma a gèɗ a ndohi nte deɓa, aman ta nzi a nshèffè ara ndohi Juif èhè-mè?

1 Thessalonians 5:3

Aman a di ta gaɗa: gumi a zhè, skwi mwuɗitpa asaɓai, skwi ngedas ta a kèlè a gèɗ ta tsam tsam, ara ngwoz man na hwaɗ, a ɗish va. A ta slaha a ta hi ta asaɓai.

Apocalypse 3:3

Gar haha huro, ara man ka ngotso, ara man ka tsenaʼa. Fu gèɗèʼa, a ka ngwode ndav! Aman ka nzi a di azɓai, i da shkè ara ndo metsar, ka shin sam tèkè man i da shkè azɓi fèt.