Proverbes 28:13 - Ma Zhiklè

¹³ Ndo man a ngheda mali na, a grè a ma ma azɓai; aman ndo man a ngreda auda, a jèkeda, a si Zhiklè te va.

Proverbes 28:13 ပူးပေါင်းရင်းမြစ်များ

Genèse 4:9

A Ndo nzi pèc pècèk a ngaɗa na Cain: Abel, kramam ngaya, tema? A Cain a ngaɗa na: I sun bai. I ndo mɓer kramam ga ɗè?

II Samuel 12:13

David a ngaɗa na Nathan: I gau malai a sam Ndo nzi pèc pècèk. Nathan a mʼmbeɗa na a ma David: Gar haha Ndo nzi pèc pècèk a mpra ka malai. Ka metsi azɓai.

II Samuel 14:32

Absalom a mʼmbeɗa na a ma Joab: I zlündo ndo a sam ngaya, a i gaɗa ka: Washke, i woy a i zlinde ka a sam bai, a ka menda na ma ga: I shkè a deɓa te Gueshur èhèmè? Dara man i nza a pa. Aman antanta i woy a i dè a i zlècè a sam di bai. Man mali ga a zhè, da keɗyè mènè.

II Rois 20:15

A nengaʼa a ngaɗa ta: Ta rka te gi ngaya mè? Ezéchias a mʼmbeɗa na a ma: Ta rka skwi tèlèba te gi ga, skwi ngiɗè azɓai te gi mèshèlè ga man i ngra ta ɓai.

II Chroniques 6:26

Aman giɗfèk mɓaraʼa, a iyam a shkè azɓai, a géɗ man ta gu malai a sam ngaya, ta da tsi rai a sam haha, a ta slébèrdè nzlembaɗ ngaya, a ta menkada deɓa te civèɗ mali ta, a géɗ man ka manda ta géɗ a hai,

Esdras 10:11

Antanta va-ngreda na mali kinèa Ndo nzi pèc pècèk, Zhiklè babhi kinè; va gu skwi man a woyaʼa! Va-ngulko va kinè auda te va ndohi kokwar, te va ngwozi man verzi ta tsaɗ!

Esdras 10:2

A Shecania, kra Jehiel, staɗ te va wudahi Elam, a hüno ngèɗè, a ngaɗa na Esdras: Nga gu mali a sam Zhiklè nga, nga hul ngwozi man verzi ta tsaɗ, te va ndohi kokwar. Aman ko arsa ba, nga zhèr aman Israel a mbel na genè.

Néhémie 9:2

A ndohi Israel ta ngulko va ta auda te va ndohi man verzi ta tsaɗ, a ta shkè a ta ngreda mali ta, a mali babhi ta.

Job 31:33

I ngheda mali ga a sam ndo dè, i ngheda mali ga te ndav ga ɗe,

Job 33:27

A da menda ta ma nengaʼa a ndohai, a gada: I gu malai, i tawaɗaha ma kita; aman a ngay kita ara mali ga ka ɓai.

Job 34:31

Aman ndo malai a gaɗa na Zhiklè: I cè mali ga, i woy a i gi mali te deɓaʼa asaɓai,

Psaumes 51:10

Gay a ndav ga langlangaʼa, da wuffa; slambaɗay va ga man ka gatsedahai.

Proverbes 10:12

Shèwa a ngwèd na a mbèzl va; mwoy-ndo a pizlèda mali a pa tèlèba.

Proverbes 17:9

Ndo man a fa na kwa a gèɗ a skwi man ambaɓai, a hèsh mandala; aman ndo man ma a nzi a gèɗ na azɓai, a ngelè gèɗ mandala.

Esaie 55:7

Ndo man ambaɓai da jèkeda civèɗ nengaʼa. Ndo malai da jèkeda skwi ambaɓiaʼa man a nhuro, da menkaɗa deɓa a sam Ndo nzi pèc pècèk, a da sia te va; a sam Zhiklè nga, aman nengaʼa a prè mali kumba.

Jérémie 2:35

Ka gaɗa: Mali ga azɓai – Zhiklè a gay ndzoan azɓai. Na haha nga woy a nga verslè a ka, a géɗ man ka gaɗa: i ga mali ɓai.

Daniel 4:27

Gar haha, bi ga, i woy a i ngra ka maya: tila mali ngaya a ngi skwi nzuraʼa, tila mphömè ngaya, a mbelawahai ta da se ka te va, wa ngiɗè ba a da gi daraʼa.

Lèv. 5:5

Aman ndo ngiɗè a ngu mali te skwi ar haha, da ngreda mali na, man a ngau, auda.

Jonas 3:10

A Bi Zhiklè a nrka skwi man ta gau, aman ta menkaɗa deɓa te civèɗ mali ta, ta su Zhiklè te va, a njèkeda skwi mwuɗitpa man a woya a nzlinda ta, nʼnga ɓai.

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.

Juges 10:15

A ndohi Israel ta gaɗa na Ndo nzi pèc pècèk: Nga gu malai. Ga nga ara man ka woyaʼa. Aman kam kam, a patsna mbel nga di genè!

I Samuel 15:13

Aman Samuel a ndikè a sam Saul, Saul a ngaɗa na: Ndo nzi pèc pècèk da pshè ka ma! I gau ara man Ndo nzi pèc pècèk a gaɗayè.

I Samuel 15:24

Saul a ngaɗa na Samuel: I gu malai, a géɗ man i tawaɗaha ma Ndo nzi pèc pècèk, a i tawaɗa ma ngaya. I gu zlau ndohai, i gau ara man ambaha ta.

I Samuel 15:30

Saul a ngaɗa: I gau malai, aman sèi ka slebardyè a sam di ndohi nhalaʼa ndohi ga, a sam di Israel. Ngo do a ka, a i tsi ri a Ndo jizi pèc pècèk, Zhiklè ngaya.