Proverbes 28:1 - Ma Zhiklè

¹ Ndo ambaɓiaʼa a hi na, ko ndo a hi a verzi nengaʼa azɓai; aman ndo nzuraʼa a nza, a gi zlau azɓai, ara marizhèlè.

Proverbes 28:1 ပူးပေါင်းရင်းမြစ်များ

I Rois 1:49

A ndohi man Adonia a mbaha ta a sam na tèlèba ta gudzai, ta slambaɗa, a ta venda gèɗ ta.

II Rois 7:15

A to do a ta ndikè a ma woyam Jourdain; a civèd tèlèba ta ngots maslaka a kolongwi man ndohi Syrie ta ksarda pa man ta hu ta tsam-tsam. A ndohi sak ta shkè a deɓa, a ta ngra na bai.

Néhémie 6:11

I gaɗa: I ngur ndo ka, a i hi dè? I ndo ambalai, i slaha a i dè a gi Zhiklè, a sam nkezlaʼa, a i nzi a nshèffè dè? I dè azɓai.

Job 15:21

Ma man a tsena na a zlembaɗ, a pra na zlau a va; man a nza a gumai, ndo ngedassa-ndo a kala na va.

Psaumes 112:7

Aman ta menda na ma ambaɓiaʼa, a gi zlau te pa azɓai. Ndav nengaʼa a nʼnza, a gshè ndav na a Ndo nzi pèc pècèk.

Psaumes 53:5

Ndohi malihai, maya ta azɓi dè, man ta woy a ta ndi ndohi ga a ma a dai, ara man ta ndi movar, a ta tsi ri Bi Zhiklè azɓai.

Psaumes 53:6

Zlau mbiaʼa a dza ta, a sam man zlau az a pa ɓai. Aman Bi Zhiklè a da ksarda vataslhi ndohi nderdè Zhiklè. Ta da ngècè hori a dai; aman Bi Zhiklè a kwol ta.

Exode 11:8

Te deɓaʼa ndohi ngaya haha ta da shkè a sam ga, ta da kèlèhi a deb sak ga, a ta gada: Jè-keɗa kokwar haha, kinè a ndohi ngaya tèlèba – te deɓaʼa i woy a i dè. A Moise a njèkeda gi Pharaon a pa a ndav.

Proverbes 10:9

Ndo man a gi mali azɓai, a dè zuraʼa; ndo man a dzara civèɗ na, ta gshè a géɗèʼa.

Proverbes 27:27

A ka ngots skwi mandai a kinè a ndohi gi ngaya a ɓèlèlihi ngaya kin ndiaʼa.

Esaie 30:17

Ndohi gozhèm gozhèm kumba ta da hi ta auda a sam ndo staɗ man a guv ta. Kin hi kinè a sam ndohi zlam man ta guv kinè, skwi ngiɗè a jèka a sam kinè azɓai, sèi bata kinè a géɗ za, a ndohi ta sen kinè te pa.

Esaie 7:2

A ndohi ngiɗè ta hodko ta ma haha a ndohi gi David: Ndohi Syrie to do a ta derzla ma ta a ndohi Ephraim. A ndav bi a ndav ndohai mʼmana hi ɓai, ara wof te dak man a nzi tètè azɓai te ri kozlar.

Jérémie 20:4

Gar haha Ndo nzi pèc pècèk a gaɗa: Na haha i praka kinè zlau a va a mandalahi ngaya tèlèba. Ta da bazl ta a tsakwal mayamhi ta, a sam di ngaya. A Juda tèlèba i vi a ri a bi Babylone. Nengaʼa a da hel ta ma a kokwar Babylone, a da bazl ta a tsakwal.

Lèv. 26:17

I ngwoda kinè gèɗ a va, a mayamhi kinè ta da dum kinè. Ndohi shèwa ta gi bi a gèɗ kinè, a kin hi kinè, ko ndo nha a verzi kinè ɓai.

Lèv. 26:36

A njèkèɗia te ndev kinè i gi a ndav tengaʼa a mbeɗè te kokwar mayamhi tengaʼa. Ngidè ko kwolala vah wof a dzam ta, ara man ta hi auda a sam tsakwal, a ta kèlèhai, ko ndo a dzam ta azbai.

Actes 14:3

A ta nza a pa nʼnzi a zhè, a ta nju ma Bi Yèsu a mwuffè, a Bi Zhiklè a ngu malwuɗi a ma pombi nengaʼa, a ngu nrkedai a skwi tsaɗ tsaɗ a tengaʼa.

Actes 4:13

Aman ta rka ara Pierre a Jean ta goɗ a zlau ka ɓai, ta rzl ta, aman ta suna, ta ndohi man ta sun ɗèlèwèr ɓai. Ta sen ta tengaʼa, aman pèc pècèk ta nza a nda Yèsu pats ngiɗè.

Deutéronome 28:25

Ndo nzi pèc pècèk a gi a ndohi mayamhi ngaya ta gi ngul ngaya. Kin dè a sam ta, te civèɗ staɗ, kin da hi auda a sam ta a kin venda gèɗ tèlèba, a kokwar-bihi herkeda tèlèba ta gi hori a géɗ ngaya.

Deutéronome 28:7

Ndo nzi pèc pècèk a gi aman ka ngul mayamhi ngaya man ta slambaɗka ka va. Ta da shkè a civèɗ staɗ, ta da hi ta, a ta venda gèɗ ta tèlèba.

1 Thessalonians 2:2

Ko nga sau matakwan nshèlèkuraʼa, a ta keɗ nga te kokwar Philippes, ara man kin suna, nga ngots wuɗai a sam Zhiklè, a nga ga zlau ɓai, a nga nju ma mbelaʼa man a Zhiklè a sam kinè ba, a vazaza a va kumba.