Proverbes 24:23 - Ma Zhiklè

²³ Ma haha ba, ma ndohi maya: Ka por ndo mpèrè a sam kita ɓai!

Proverbes 24:23 ပူးပေါင်းရင်းမြစ်များ

II Chroniques 19:7

Anai va-gu zlau Ndo nzi pèc pècèk, va-gu maya a géɗ skwi man kin giaʼa, aman mali az a sam Ndo nzi pèc pècèk, Zhiklè nga, ɓai; nengaʼa a pèr ndo mpèrè azɓai, a woy skwi mbali ɓai.

Job 13:8

Kin woy a kin da na va dè? Kin woy a kin jhèɗè skwi te di man a Zhiklè dè?

Psaumes 107:43

Ndo wawa man maya na zhè, da hur skwi haha, da sun pombi Ndo nzi pèc pècèk!

Proverbes 1:6

aman a sun verzi ngèlègèɗma, a verzi tsaval-ma, ma man ndohi maya ta gaɗa na, a ma man ta jkedaʼa a vna.

Proverbes 18:5

Ambaɓai aman ka jèkeda ndo malai a ka terɗa na kita a gèɗ a ndo man nʼnga mali ɓai.

Proverbes 22:17

Fu zlembaɗ, a ka tsena ma ndohi maya! Ndav ngaya da dzodzor maya ga!

Proverbes 28:21

Ambaɓai aman ka pèr ndo mpèrè; ko a géɗ skwi kèshkata man ta ruɓ ndo a vna, a gi malai.

Osée 14:9

Ndo man maya na zhè, da tsena ma haha; ndo man a sun skwai, da sun skwi haha! Aman civèɗ Ndo nzi pèc pècèk, civèɗ nzuraʼa; ndohi nzuraʼa ta dè a pa; aman ndohi malihai ta kèlèhi a pa.

Lèv. 19:15

Kin ngwoda kita bai! Ka por ndo mpèrè a sam kita bai, ko mbelaw ndo, ko ndo mbiaʼa. Sèi ka gi kita nslamagi ngaya zuraʼa.

Jean 7:24

Va-gu kita, a ndèl ndo te di ka ɓai; aman va-gu kita zuraʼa!

Deutéronome 1:17

Kin por ndo mpèrè a sam kita ɓai! Va-fu zlembaɗ a ma mbelaw ndohi lèmèlèmè ara ma ndohi mbibihiaʼa. Kin gu zlau ndo ɓai; aman ma kita a Zhiklè. Kita man a fena wuɗi kinè, va-ckoɗa a sam ga, a i tsnaʼa.

Deutéronome 16:19

Ka da ngwoda kita ɓai, ka da por ndo mpèrè ɓai, ka co skwi man ta woy a ta ruɓ ka a vna ɓai; aman skwi mbalai a ndeda ndohi a mandazlai, a ngwèdè ma ndohi nzuraʼa.

Jacques 3:17

Aman maya te géɗèʼa, nengaʼa nzuraʼa, ma nhènèkèa, ma gumai, ma wuɗi ka ɓai, a cè ma ndo ngiɗè ba, ndo a sia te va kumba, a gi skwi man amba, a pèr ndo mpèrè azɓai, a ngwèdè ndo azɓai.

1 Peter 1:17

Aman kin baha na nengaʼa, man a pèr ndo a mpèrè a sam kita azɓai: ‘Bab nga’, va-nza a maya te nshèffè kinè a zlau, man kin tʼherkeda dai.