Proverbes 22:29 - Ma Zhiklè

²⁹ Aman ka rka ndo ngiɗè man a sun maya mizlinè, nengaʼa a slaha a ngi mizlinè te gi bai, a woy mizlinè te gi ndo ambali ɓai.

Proverbes 22:29 ပူးပေါင်းရင်းမြစ်များ

Genèse 41:38

A Pharaon a ngaɗa ta ndohi mizlinè nengaʼa: Nga da ngècè ndo man Mèzhèɓ Zhiklè te ndav na, ara ndo haha tema?

Genèse 41:46

Mvi Joseph 30, aman a nzlatsa a sam Pharaon, bi Egypte. Aman a nslambaɗa te gi Pharaon, a shèwèlè te Egypte tèlèba.

Genèse 47:6

Herkeɗa Egypte nwinèa a sam ngaya. Woya ta sam kokwar mbelaʼa, man a fena sam ngiɗè, a bab ngaya a kramamhi ngaya a ta nzi a pa. Ta slaha ta nzi a kokwar Gosen. Aman ka da sun ndohi man maya ta zhè te vaʼa, ge ta a ndohi mɓer zlèhi a tambakihi ga ba.

II Samuel 2:32

A ta co Asael, a ta feda a gi dzavi bab na te Beth-léhem. Te deɓaʼa Joab a ndohi nengaʼa to do, to do, a vaɗ tèlèba. Aman ta ndikè a kokwar Hébron, sam nciɗa.

I Rois 10:8

Mwuffè a sam ndohi ngaya, mwuffè a sam golahi ngaya, man ta zhe a sam ngaya pèc pècèk, a ta tsena ma ngaya man maya te pa.

I Rois 11:28

Jéroboam, masli sa, ndo man a sun mizlinè, mwosla a sam mizlinè. Aman Salomon a rkaʼa, a ngu gol sa a ndo mɓer mizlinè gi Joseph.

I Chroniques 4:23

Tengaʼa ndohi nrèm shiɗèf. Ta nza a sam gi lak, a ta nza a sam bai, a ta gu mizlinè nengaʼa.

Proverbes 10:4

Ri man mwosl te mizlinè ɓai, a tawassede ka; ri ndohi mwosla a walde ta.

Proverbes 12:24

Ndohi man ta wosla te mizlinè, ta gi bai; aman ndohi man ta gi wudar, sèi ta da gi mizlinè ɓèlè.

Proverbes 23:1

Aman ka zhè a sam ndo mbiaʼa, a ka ndi skwai, gu maya a skwi man a sam ngaya!

Ecclésiaste 9:10

Mizlinè tèlèba man ka ngotso, gu dè te di wuɗi ngaya. A sam mʼmetsai, man ka da dè a pa, mizlinè azɓai, nhér skwi azɓai. Ta sun skwa ɓai, maya ngiɗè azɓai.

Daniel 1:19

A bai a ntsau tsaval a nda tengaʼa. Daniel, Hanania, Mishael a Azaria ta fen ta gwolakia ngiɗè tèlèba. A ta hüno mizlinè te gi bai.

Daniel 1:4

te verzi bai a ndohi mbibihiaʼa, a gi bai; man va tengaʼa daɓaraʼa, va tengaʼa nsuɗa nekeɗaʼa, maya ta zhè, ta wosla a ta slebau maya, aman aranta ta slaha ta gi mizlinè te gi bai, a ta da shin ɗèlèwèr a daʼai Chaldée.

Matthew 25:21

Bi na a ngaɗa na: Ka gu amba, ɓèl ga nlèɓèslèʼa, man amba. Ka lèɓèsla a géɗ skwi nkèshèʼa. Anai i da ge ka a ndo mɓer skwi mbiaʼa. Do a sam mwuffe bi ngaya!

Matthew 25:23

Bi na a ngaɗa na: Ka gu amba, ka ɓèl ga nlèɓèslèʼa man amba. Ka lèɓèsla a géɗ skwi nkèshèʼa. I da ga ka a ndo mɓer skwi mbiaʼa. Do a sam mwuffè bi ngaya!

Romans 12:11

Te skwi man sèi kin gia ndèzl, kin gu wudar te pa ɓai! Mèzhèɓ kinè da vatsa ara vogwa. Va-gu mizlinè Bi Zhiklè!

2 Timothy 4:2

Nju ma Zhiklè, gu malwuɗi nengaʼa, ko a sam man amba, ko a sam man ambaɓai: ngatsa na maya a ndo, guv ta, bid ta, a nzhèr skwia dai, a mizlinè nʼnjè ma.

I Samuel 16:21

David a hinè mizlinè a sam Saul, a Saul a woya kumba, a ngaʼa a ndo nzuɓa na skwi var na.

I Samuel 17:31

Aman ndohi ta tsena ma David, ta menda na Saul. A nengaʼa a mbaha na.