23 Ndo man a ɓer ma na a nèʼèn na, a ɓer nshèffè na te ri skwi mwuɗitpa.
Ndo nzi pèc pècèk, ɓeray ma ga, ɓür tapiɗaf ma ga mbelembela.
A sam man ta gèɗè ma kumba, mali a wuc na a vaʼa; aman ndo man a pizlè ma na, a gi amba.
Ndo ambaɓiaʼa, mali man a shkè auda te ma nengaʼa a ngwoda na va a gèɗ; aman ndo nzuraʼa a mbel na auda te matakwan.
Ndo man a gi maya a géɗ ma na, a ɓer nshèffè na; ndo man dzuwi a nza na a ma azɓai, a gédèsh na.
Ndohi nzuraʼa ta bezli va ta auda a sam skwi man ambaɓai; ndo man a wèr civèɗ na, a ɓer nshèffè na.
Ndo man a pizlè ma na, a ngècè mʼmetsi a géɗ pats na.
Ndo man a huro a jèjèr Bi Zhiklè, aman a jèwè nèʼèn nengaʼa azɓai, a pi ndav na a wi a ri na; njèjèr Zhiklè nengaʼa, skwa ambalai.