Proverbes 21:21 - Ma Zhiklè

²¹ Ndo man a gi skwi zuraʼa, a woy Zhiklè, a ngècè nshèffè, a nwèl va, a njèlè.

Proverbes 21:21 ပူးပေါင်းရင်းမြစ်များ

Psaumes 112:4

Te ndev ruva, skwi nhél sam a hulko gèɗ a sam ndohi nzuraʼa. Tengaʼa man ndo a se ta te va, ta woy ndo, a ta gi zuraʼa.

Proverbes 10:16

Ndo maya a gi mizlinè aman a nzi a nshèffè; ndo ambaɓiaʼa a woy skwai aman a gi mali a vna.

Proverbes 11:19

Ndo man a nzi taraʼa te ngi-zuraʼa, a dè a sam nshèffè; ndo man a hi a verzi skwi man ambaɓai, a da na ma a mʼmetsai.

Proverbes 15:9

Civèɗ ndo man ambaɓai a ndara na Ndo nzi pèc pècèk; aman ndo man a gi skwi zuraʼa, ambaha.

Proverbes 22:4

Ndo man a manda gèɗ a hi a gi zlau Ndo nzi pèc pècèk, skwi mèshèlè a nʼnjè-lè a gi a skwi ntul nengaʼa.

Proverbes 3:22

a da va ka nshèffè a ndav ngaya, a gi ara skwi daʼai ngaya.

Esaie 51:1

Va-tsenaʼa, kinè man kin zeɓi ngi-zuraʼa, kinè man kin hèsh Ndo nzi pèc pècèk. Va-pu di a za, te nengaʼa ta paslka kinè; a vèvèɗ kwa, te nengaʼa ta ndzavka kinè auda.

Osée 6:3

Nga fa na gèɗ a pa a nga shin Ndo nzi pèc pècèk! Nga ngècèʼa a vava ara mvangkaɗ pats. A da shkè a sam nga ara iyam man a shkè, ara iyam nshèlèkuraʼa man a ruɓa herkeda.

Matthew 5:6

Mwuffè a sam ndohi man ngi-zuraʼa a zle ta, ara skwi nʼndai, ara iyam nsai; aman sèi ta da ngézhèʼa.

Romans 14:19

Gar haha ngo-dzodzorokoy skwi man a tsi gumai, a skwi man a gi aman ndo a grè a ma ma.

1 Corinthians 15:58

Gar haha, dalahimam ga, va-nze taraʼa, kin gudzu ɓai, va-gra te mizlinè Bai Yésu pèc pècèk, te man kin suna, mizlinè kinè a gi ambali te Bai Yèsu azɓai.

Philippiens 3:12

Anai ara man i ngatsa di ɓai, a i ga njèlèlèʼa di ɓai. Aman i hi a verziaʼa, man i slaha a i gshèʼa, te man Yèsu a ngsyè ma.

1 Thessalonians 5:21

Va-war skwi tèlèba, skwi man amba vo-co!

1 Timothy 6:11

Aman ka, ndo Zhiklè, hu ngaya a skwi haha, dzodzor ngi-zuraʼa: zlau Zhiklè, ncè-a-ndav, mwoy-ndo a ndav, nzhèr skwia dai, ndav nlüɓekwaʼa.

2 Timothy 2:22

Hu ngaya auda a sam ntétékè man golahi a dalahi ta giaʼa! Aman hu a verzi ngi-zuraʼa, ncè-a-ndav, mwoy-ndo a ndav, gumai a nda ndohi tèlèba, man ta baha na Bi Zhiklè a ndav mpanaʼa.

Hébreux 12:14

Va-woy gumi a nda ndohi tèlèba, va-woy nshèffe nkezlaʼa. Ndo man nshèffe na nkezle ɓai, a slaha a nrka Bi Zhiklè ɓai.

1 Peter 1:7

Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè mʼmbi holholaʼa, a fena guro, sei ta jkedèʼa aranta, a ndi a nshid gèɗ, a nslébèrdè nʼnjèl Yèsu Kristi a pats man a gudko va a dai.