Proverbes 20:1 - Ma Zhiklè

¹ Zom a mbèhwali a ka, skwi mɓeslaʼa a pi mverslè a ma ndo. Ko wawa man a kéɗèʼa, a ngècè maya azɓai.

Proverbes 20:1 ပူးပေါင်းရင်းမြစ်များ

II Samuel 11:13

David a mbaha na, aman a ndi skwai, a si skwai a sam na, a nsa na zom a hwaɗ a vata, a zom a nkeɗaʼa. Aman a dakwaɗ a ndo auda, a mʼmana a ntamagi bai a sam ɓèlèlihi bi na; aman a nda a gi nengaʼa ɓai.

II Samuel 13:28

A mfa ta ma a gèɗ a ɓèlèlihi nengaʼa: Va-gu maya! Aman zom a da keɗa Amnon ma, a i gaɗa kinè: Va-keɗa Amnon! A kin keɗaʼa. Kin gu zlau ɓai, iyè, man i fa kinè ma haha a gèɗ. Kin gu zlau ɓai, va-shfa dai!

Proverbes 23:20

Ka humda va a ndohi zom ɓai, a ndohi golahwaɗ ɓai;

Proverbes 31:4

Ndo man a si zom, amba a bi ɓai; skwi mɓeslaʼa, skwi nsi wud bihi ka ɓai.

Esaie 28:7

Aman ko tenga haha ta dè dzaw-dzawaʼa ara ndohi zom, man zom a keɗ ta: ndohi mvi skwi a Zhiklè a ndohi nhadka ma, ta dè dzaw-dzawaʼa te ri zom, barassa a dzakaɓama ta gèɗ. Aman ta hodko ma, ta gèɗè zlakzlakaʼa. Aman ta bèzl kita, ta bèzlè tsarayaʼa azɓai.

Esaie 5:11

Wobau a gèɗ ndohi man a prèk te gi langa ta jèjèr zom, man ta zhè a zom te gèɗ, ha vaɗ.

Esaie 5:22

Wobau a géɗ ndohi man wuɗi ta a zhè a sam nsi zom, a ta sun ntèshè zom amba a vata.

Esaie 56:12

Ta gaɗa: Vo-washkè, i da woy zom a nga siaʼa, ha zom a nkeɗe nga! Angoslèm ba nga da gi lèmèlèmè ara mpatsna genè, a ta gèɗè a géɗèʼa: Gaka na va! Ndheda pa!

Osée 4:11

Mphömè, zom, a skwi nsi mɓeslaʼa ta zedama na maya a ndo.

Osée 7:5

A pats ngolala bi ga, skwa a ndza ta wud bihi nga a géɗ zom man a keɗ ta. Bi a ngu mandala a nda ndohi nkeda ndo.

Lèv. 10:9

Kin su barassa a zom ɓai, ko ka, ko wudahi ngaya, aman kin dè a gi mɓicè-va. Man bai kin metsi kinè. Nasa ma nkwèr kinè te verzi wud wuda kinè a mèdèp.

Habakuk 2:5

Lèmèlèmè ara ndo man zom a keɗaʼa, ara ndo wai, ndo nfi va a ngézhè a skwi azɓai. A winè vèvèɗ daʼai ara sam mʼmetsai, a ngézhè azɓai ara mʼmetsai. A ɓic ta ndohi herkeda tèlèba a sam na, a ɓic ta kokwar-bihi tèlèba a verzi na.

1 Corinthians 6:10

ko ndohi metsar, ndohi keda, ndohi njèjèr zom, ndohi nderɗe ndo, ndohi nkeɗe ndo, ta ndi kokwar Bi Zhiklè azɓai.

Galates 5:21

ntétékè, njèjèr zom, nʼndi skwi ketsam-ketsamaʼa, a skwi tsaɗ tsaɗ aranta man i gaɗa kinè nshèlèkuraʼa, a i gèɗè zaʼa: Tengahi man ta gi arsa, ta da ndi kokwar-Bi Zhiklè azɓai.

Ephésiens 5:18

Kin dzodzor zom ɓai, aman ndav ndzakaɓa a shkè te pa. Aman va-ndha a Mèzhèɓ.