15 a ta beza zlawa a ta lèwèdè nlèwèɗè a ta zlak ta.
Aman tengaʼa man ta bez ta zlawa a civèɗ tengaʼa ndzaraʼa, Ndo nzi pèc pècèk da zede ta a nda ndohi malihai. Gumi da zhè a géɗ Israel!
Ndo man a dè a civèɗ zuraʼa, a gi zlau Ndo nzi pèc pècèk; ndo man a beza zlawa, a dérɗèʼa.
Civèɗ ndo malai nlèwèdè nlèwèdè; a skwi ndo man a gi mali azɓai a dè zuraʼa.
Ma ga tèlèba, ma nzuraʼa skwi nterɗaʼa, ambaɓiaʼa, a te pa ɓai.
Ta sun civèɗ gumi ɓai. Ngi-zuraʼa az a civèɗ tengaʼa ɓai. Ta bizhè a civèɗ ndzaraʼa, ndo man a dè a pa, a sun gumi ɓai.
Ndohi nengaʼa ta kwolaʼa, verzi ndohi ambaɓihiaʼa, ndohi nʼngwèdè ndo.
Aman kinè, va-nza, ma az a géɗ kinè ɓai, zuraʼa, wudahi Zhiklè, mali az a sam kinè ɓai, te ndev ndohi herkeda man ta gedas ta, a ta ngwode ta a ndohi ambaɓihiaʼa, te ndev tengaʼa kin hél sam ara skwi nhél sam tʼherkeda,
