Proverbes 18:10 - Ma Zhiklè

¹⁰ Nzlembaɗ Ndo nzi pèc pècèk nara gi ndakmaʼa. Ndo nzuraʼa a hi a pa, a ngècè sam nlèaʼa.

Proverbes 18:10 ပူးပေါင်းရင်းမြစ်များ

Genèse 17:1

Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa,

Genèse 32:11

Mbelyè te ri kramam ga, te ri Esau! Aman i gi zlau, a da shkè a da keɗyè, nga a ngwozi ga a wudahi ta ba.

II Samuel 22:2

A ngaɗa: Ndo nzi pèc pècèk, sam ga gedeng-gedengaʼa, gi bi ga, bi mʼmbelyè.

II Samuel 22:3

Zhiklè, sam ga nlèaʼa, man i pi di a pa; gambar ga, a wuɗi man a mbelyè. Gi ga nʼngalaʼa man i hi a pa. Nengaʼa bi mʼmbelyè man a takahayè te ri ndohi wuɗai.

II Samuel 22:51

Ka man ka va na skwi mbel mbiaʼa a bi ngaya, a ka va na pombai a ndo ngaya man ka faɗa na mbar a gèɗ, a David, a ndohi gi nengaʼa, a mèdèp.

Psaumes 144:2

Nengaʼa sam ga níèaʼa, gi ga ndakmaʼa, gi ga te za, ndo mbelyè. Gambar ga man i nghede va ga a diaʼa, nengaʼa man a mpe ta ndohi herkeɗa a hwaɗ ri ga.

Psaumes 18:2

Ndo nzi pèc pècèk, i woy ka, ka wuɗi ga!

Psaumes 20:2

Ndo nzi pèc pècèk da co ntsi ri ngaya a pats mwuɗitpa, nzlembaɗ Zhiklè Jacob da ɓer ka!

Psaumes 27:1

Man a David. Ndo nzi pèc pècèk, skwi nhél sam askwi mbelyè. I gi zlau ngè? Ndo nzi pèc pècèk, wuɗi nshèffè ga. I gudzi te ri ngè?

Psaumes 91:14

Te man a gso va a iyè, i woy a i mbelkaɗauda; i da ɓerèʼa, a gèɗ man a sun nzlembaɗ ga.

Psaumes 91:2

a slaha a ngaɗa na Ndo nzi pèc pècèk: ka sam ga nlèaʼa, gi ga te za, Zhiklè ga man i pi ndav a ka.

Exode 6:3

i gudoko na va a di a Abraham, Isaac a Jacob a nzlembaɗ Zhiklè, Bi wuɗai. Aman nzlembaɗ ga Ndo nzi pèc pècèk, i ngra ta bai.

Proverbes 14:26

Ndo man a gi zlau Ndo nzi pèc pècèk, a nʼngots skwi man a slaha a ngshè va a vna zuraʼa, sam nlèaʼa, ko a sam wudahi na ba.

Proverbes 29:25

Ndo man a gi zlau ndohai, a kèlèhai; aman ndo man a pi ndav a Ndo nzi pèc pècèk, ta lama na azɓai.

Esaie 26:4

Va-pu ndav kinè pèc pècèk a Zhiklè! Aman Ndo nzi pèc pècèk, nengaʼa sam ngedeng-gedengaʼa a mèdèp.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Habakuk 3:19

Ndo nzi pèc pècèk, Bi Zhiklè, nengaʼa wuɗi ga, a ntaslyè te sak, aman i hi ara mènèɗ, a fiyè a sam man a géɗèʼa.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Apocalypse 1:8

Iyè, i Alpha a Oméga, Bi Zhiklè a gaɗa, nengaʼa man a zhè antanta, man a zhè zlèzlèa, man a di a shkè, Bi wuɗai tèlèba.

I Samuel 17:45

Aman David a ngaɗa na ndo Philistie: Ka, ka shkè a sam ga a tsakwal, a kafahi gwèsh, a gambar; aman iyè i dè a sam ngaya a nzlembaɗ Ndo nzi pèc pècèk, Zhiklè Bi wuɗai, Zhiklè ndohi Israel man ka derɗaʼa.

I Samuel 30:6

A David a nsau matakwan kumba, ndohi ta woya ta kèlè a kwa. Ndav a ndza ta a ndohi tèlèba a gèɗ wudahi a dalahi ta. Aman David a mpu ndav na a Ndo nzi pèc pècèk, Zhiklè na.