Proverbes 17:15 - Ma Zhiklè

¹⁵ Ndo man a pra ndo malai, a ga na kita a gèɗ ndo man mali na azɓai, cèw ba hori a sam Ndo nzi pèc pècèk.

Proverbes 17:15 ပူးပေါင်းရင်းမြစ်များ

I Rois 21:13

A ndohi cèw ta shkè, falihai, a ta nzahi zuraʼa a ma nengaʼa. A falihi sa ta pin Naboth a sam di ndohai, a ta gada: Naboth a ndurɗo Zhiklè, a ndurɗo bai! A ta daʼa auda a dal kokwar, a ta keɗaʼa a kwa.

Psaumes 94:21

Ta vhè ma a géɗ nshèffè ndo nzuraʼa, a ta fa na mali a gèɗ a ndo man mali na azɓai.

Exode 23:7

Kazla ngay auda a sam skwi man a ngwèdè ndo. Ndo man a nga mali bai, man a ngau zuraʼa, ka ngela na kita mʼmetsi a gèɗ bai. A ndo man a ngau malai, ka pra bai.

Proverbes 11:1

Ngi rai te nlivè skwai a ndara na Ndo nzi pèc pècèk; aman nlivè skwi zuraʼa ambaha.

Proverbes 15:8

Skwi man ndohi ambaɓihiaʼa ta va na Zhiklè, a ndara na; aman ntsi ri ndohi nzuraʼa ambaha.

Proverbes 17:26

Aman ka ga na ndzoan a ndo nzuraʼa, nasa ambaɓai. Aman ka tsi ndohi mbelaʼa, kita a zhè.

Proverbes 18:5

Ambaɓai aman ka jèkeda ndo malai a ka terɗa na kita a gèɗ a ndo man nʼnga mali ɓai.

Proverbes 31:5

Man ɓai a siaʼa, a ma kita a pca na a gèɗ, a ngwoda ta kita a gèɗ a mbelawahai.

Proverbes 6:16

Skwi mokwa man Ndo nzi pèc pècèk a gi shèwa a vna. Skwi matsaradaʼa man a ndara na:

Esaie 5:20

Wobau a géɗ ndohi man ta baha na skwi man ambaɓai, amba; a skwi man amba, ambaɓai; man ta ngwoda ruva a skwi nhel sam, a skwi nhel sam a ruva; man ta ndeda skwi nɗuzlekzlekaʼa a skwi nhontuktukaʼa; a skwi nhontuktukaʼa a skwi nduzlekzlekaʼa.

Esaie 5:23

A géɗ man ta ruɓ ta, ta prokoɗi ndo mali auda te kita, a ta fa na kita a gèɗ a ndo man nʼnga mali ɓai.

Lamentations de Jérémie 3:35

aman ta terɗa kita ndo a sam di Zhiklè te géɗèʼa,

Ezéchiel 13:19

Kin derɗyè a sam ndohi ga, a géɗ marori guva ri kètè, a géɗ movar a vi a ma staɗ; a kin zeda nshèffè ndo man a woy ar da nza a nshèffè; a kin mbél nshèffè ndohi man a woy ar da bazl ta, a kin ngwode ta ndohi ga a ta fi zlembaɗ a ncèkèlma.

Amos 5:12

Aman i suna, mali kinè a zhè mbiaʼa, a kin gu skwi man ambaɓi kumba. Kin gi shèwa a ndo nzuraʼa, kin co skwi man ta ruɓ kinè a vna, kin ngwoda ta kita a gèɗ a ndohi ntawassaʼa.

Amos 5:7

Kin ngwoda kita a skwi nduzlekzlekaʼa, a kin jèkeda ngi-zuraʼa.

Amos 6:12

Gi nkèshèa a bèc na wècwècèʼa. Plèshi ta hi te za dè? Ta pizhè za a zlèhi dè? A kin ngwoda kita a dèrè, a ngi-zuraʼa a skwi nduzlekzlekaʼa!

Romans 4:5

Aman ndo man a gi skwi ngiɗè azɓai, sèi a cè nengaʼa a ndav man a ge ta ndohi nderɗe Zhiklè a ndohi nzuraʼa, Zhiklè a fi a ndo nzuraʼa, a géɗ ncè-a-ndav nengaʼa.

Deutéronome 25:1

Aman ndohi ta bèzl va a ta dè kita, da pra ndo man nʼnga mali ɓai, da fa na mali a gèɗ ndo man a ngu malai.

Jacques 5:6

Kin fa na mali a gèɗ ndo nzuraʼa, a kin keɗaʼa, a nengaʼa a nsala va a sam kinè ɓai.