Proverbes 16:20 - Ma Zhiklè

²⁰ Ndo man a fi gèɗ a ma Ndo nzi pèc pècèk, manam a va. Mwuffe a sam ndo man a pi ndav a Ndo nzi pèc pècèk!

Proverbes 16:20 ပူးပေါင်းရင်းမြစ်များ

I Chroniques 5:20

Zhiklè a ntakaha ta, a ta fen ta ndohi Hagaren a ndohi tèlèba man ta humda va a tengaʼa, a ta dum ta. Te ndev var, ta tsu ri a Zhiklè, a nengaʼa a nco ntsi ri tengaʼa, a géɗ man ta pu ndav a vna.

Psaumes 125:1

Dimèsh ndè a gi Zhiklè. A Tengaʼa man ta pi ndav a Ndo nzi pèc pècèk, ta ara za Sion man a gidè va azɓai.

Psaumes 146:5

Mwuffè a sam ndo man Zhiklè Jacob a takaha, ndo man a zhèr skwi te ri Ndo nzi pèc pècèk, Zhiklè nengaʼa.

Psaumes 2:12

a nengaʼa a da gi ndav azɓai; a civèɗ kinè a zede kinè azɓai. Aman ndav nengaʼa a slèmbèɗè tsam-tsam. Mwuffe a sam ndohi tèlèba man ta pi ndav ta a nengaʼa.

Psaumes 32:10

Ndo ambaɓiaʼa a si matakwan kum-ba. Aman ndo man a pi ndav a Ndo nzi pèc pècèk, a ngècè pombai.

Psaumes 34:8

Gol Ndo nzi pèc pècèk a nzi a tsagi tengaʼa man ta gi zlau Zhiklè, a mbel ta.

Proverbes 13:13

Ndo man a kwola ma ndo ngiɗè, a zi na; aman ndo man a gi zlau ma nkwèr ndohai, a nzai na.

Proverbes 13:15

Ndo man mèzhèɓ te ndav, a ngècè pombai; aman civèɗ ndohi malihai a zi na.

Proverbes 17:2

Ɓèlè man maya na zhè a da gi bai a géɗ kra ngwai man a gi falai, a da ndi skwi gai te va kramamhai.

Proverbes 19:8

Ndo man a woy maya, a woy nshèffè na. Ndo man a hér maya, a ngècè skwi manam.

Proverbes 8:35

Ndo man a ngatsyè, a nʼngots nshèffè, a ngècè pombai a sam Ndo nzi pèc pècèk.

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Daniel 3:28

Bi Nebucadnetsar a nhüno a ngaɗa: Nga shid gèɗ a Zhiklè Shadrac, Méshac a Abed-Nego, a gèɗ man a nzlündo gol nengaʼa, a mbel ta ɓèlèlihi nengaʼa man ta pu ndav a vna, a ta fa gèɗ a ma bi ɓai. Ta huro: dara nga vi va nga, a nga slébèrdè zhiklè ngiâè azɓai, a nga tsi ri a zhiklè ngiɗè azɓai, sèi Zhiklè nga.

Daniel 6:23

A bai a wuffè holholaʼa, a ngoɗa aman ta ckoɗi Daniel auda te vèvèɗ. A ta ckoɗi Daniel auda te vèvèɗ, mblè az a va ɓai, a géɗ man a mpu ndav a Zhiklè na.

Matthew 10:16

Na haha i zlinde kinè ara tambakihai a ndev kdadidakhai. Gar haha va-gu maya ara zhüzhokihai, va-lèɓèslè ara nkuɗhomhai.