Proverbes 16:19 - Ma Zhiklè

¹⁹ Dara man nga manda gèɗ a hai a nda mbelawahai, a géɗ man nga kezla skwi man ndohi nfi va ta ɓüco.

Proverbes 16:19 ပူးပေါင်းရင်းမြစ်များ

Psaumes 138:6

Ndo nzi pèc pècèk a zhè te géɗèʼa, a paka di a hai, ko dra, a sen ta ndohi nfi va.

Psaumes 34:18

Aman ta bèhè, Ndo nzi pèc pècèk a tsenaʼa, a mbel ta te ri skwi tengaʼa mwuɗitpa tèlèba.

Exode 15:9

Ndo mayam a gada: I hi a verzi ta, i woy a i gs ta, i ɓicè skwi ta, a ndav ga a mʼmènèhai. I geda ta tsakwal ga, ri ga a gedas ta.

Proverbes 1:13

nga da ngècè skwi mèshèlè tsaɗ tsaɗ, a nga da ndhè gi nga a skwi metsar,

Proverbes 1:14

ngohumdokoy va staɗ, mpokoy va a sam staɗ! –

Proverbes 25:7

Dara man ta gada ka: Washkè a ma! a géɗ man ta menda ka a deɓa a sam nʼnzi te deɓa, a sam di bai.

Proverbes 29:23

Nfi va a da manda na gèɗ a hi a ndo nfi va; aman ndo man a manda gèɗ a hi a ngècè nʼnjèlè.

Proverbes 3:34

A ngwossaha ta ndohi man ta ngwossaha, aman a va ta pombai a ndohi mʼmanda gèɗ ta a hai.

Esaie 10:6

I hilèʼa, a i ndèhè ndohi mphö-mè a vna. I zlindèʼa a sam ndohi herkeda man i gi ndav a géɗ tengaʼa, a da düm skwi te pa, a gi metsar te pa, am batsaha ta a civèɗ ara koskosai.

Esaie 53:12

Gar haha i da pa na ndohi mbibihiaʼa a skwi nʼndi gi nengaʼa. A da kezli skwi ɓèlè a nda ndohi man wuɗi ta a zhè, te man a mvau gèɗ na a mʼmetsai. Ta ngra na a va ndohi amba-ɓihiaʼa; aman nengaʼa a nzuɓ mali ndohi kumba, a ntsu rai a géɗ ndohi malihai.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 9:3

Wof nkelawa te daʼai tengaʼa, gada a deɗ tengaʼa, gada sojè te ri ndo ndzam ta, ka paslaʼa ara man a pats Madian.

Matthew 5:3

Mwuffè a sam tengaʼa man ndohi ngiɗè ta sla ta ndohi ntawassaʼa te maya.

Juges 5:30

Ta dum skwi te deɓa di genakwa! A ta kezli skwai. Ndohi var staɗ staɗ tèlèba a ɓèl te ri staɗ, a ɓèl cèw – Sisera a maslaka mvècea te ri staɗ, man cèw — a skwi man ta dumkoɗai, maslaka mvècèa man gadabu a pa; maslaka staɗ, cèw, a ngi a salabi ngwoz na.—