Proverbes 15:7 - Ma Zhiklè

⁷ Ndohi maya ta shèwèldè ma maya; aman ndohi ambaɓihiaʼa ta sun skwi man ta gia ɓai.

Proverbes 15:7 ပူးပေါင်းရင်းမြစ်များ

Psaumes 119:13

Ma ga a ngrédè kita ngaya tèlèba man ka godo.

Psaumes 37:30

Maya a zhè te ma ndo nzuraʼa, nèʼèn nengaʼa a gèɗè ma nzuraʼa.

Psaumes 45:2

Ncèkèslè a shkè auda a mwuffè te ndav ga. I woy a i sli dimèsh ga a bai. Nèʼèn ga nwosla kwotskwotsaʼa ara skwi man ndo mwindè ɗèlèwèr a windè a vna.

Proverbes 15:2

Ndohi maya ta gèɗè ma maya, ta tüsh ntishè; aman ndohi nrzlaʼa ta gèɗ ma nrzlè auda flak-flakaʼa.

Proverbes 15:6

Te gi ndo nzuraʼa, skwi a zhè kumba; aman skwi man ndo ambaɓiaʼa a ɓicèʼa, a ksar na.

Proverbes 15:8

Skwi man ndohi ambaɓihiaʼa ta va na Zhiklè, a ndara na; aman ntsi ri ndohi nzuraʼa ambaha.

Proverbes 16:23

Maya te gèɗ ndo a shkè auda te ma, a ma maya man a gèɗèʼa, a senda ta ndohi a ma ma.

Proverbes 5:2

a ka ɓer skwi man i ngra ka, a ka sun ngèɗè ma maya.

Ecclésiaste 10:2

Ndo maya, maya na zhè te gèɗ na. Ndo nrzlaʼa, maya na te dengai.

Cantique des Cantiques 4:11

Nshib ga, ma ngaya a jènayè ara vongwom; maslaka ngaya a zhkè ara man ta tsuloɓda a ɓurdi.

Matthew 10:27

Skwi man i gaɗa kinè te ruva, va-goɗa a di pats! Skwi man kin tsena a zlembaɗ kinè, va-ngreda auda a dala!

Matthew 12:34

Wud tsebarhai! Kinè ambaɓai, kin slaha kin gèɗè ma man amba dè? Aman te skwi nʼndha te ndav, ma a gèɗèʼa.

Marc 16:15

Te deɓaʼa a ngaɗa ta: Vo-do a gèɗ herkeda tèlèba, va-njè ta ma mbelaʼa a ndohi herkeda tèlèba!

Ephésiens 4:29

Va-gu aman ma ambaɓiaʼa da shkè auda te ma kinè ɓai, sèi ma mbelaw, man a gi aman kin grè a ma ma a vna. Vo-goɗ ma, aman a takaha ta ndohi man ta cinèʼa.

2 Timothy 2:2

Skwi man ka tsena a sam ga, a sam malwuɗihi, kumba, njè ta ndohi nlèɓèslèa ngiɗè, man taslahataslebdatandohingiɗèzaʼa.

Jacques 3:6

Nèʼèn ba nara vogwa. Skwi ambaɓiaʼa tèlèba a zhè te nengaʼa. Te va nfèfènvahi nga, a lizhè va nga tèlèba, a pi vogwa a nshèffè nga; vogwa kita a ri na a pa na vogwa.