Proverbes 14:10 - Ma Zhiklè

¹⁰ Ndav a sun skwi man a dza na; aman ndo ngiɗè a slaha a ngècè mwuffe nengaʼa azɓai.

Proverbes 14:10 ပူးပေါင်းရင်းမြစ်များ

Genèse 42:21

A ta goɗ a va ta: A vava, skwi haha a ga nga a géɗ mali man nga gu a sam kramam nga. Nga rka ndav na a kuɗai, a ntsa nga rai, a nga fa na zlembaɗ ɓai. A géɗ nengaʼa matakwan ar haha a ga nga.

II Rois 4:27

Te deɓaʼa a ndi-kè a sam ndo Zhiklè, a géɗ za, a mhul sak ndo Zhiklè, a mpeda a ndav. Guéhazi a woya a zukda deɓa; aman ndo Zhiklè a ngaɗa: Jèkeda, skwi ngiɗè a ndza na a ndav. Ndo nzi pèc pècèk a nʼngray ɓai, a ngaɗay ɓai.

Job 10:1

Nshèffè ga a ndarayè. I woy a i gèɗè wobau ga auda, a i gèɗèʼa, ara man ndav a dzayè ɗekeɗekeʼa.

Job 21:25

Ndo ngiɗè a metsi na a nlèyè te ndav, a ngatsa skwi manam ɓai.

Job 7:11

I ba i pizlè ma ga azɓai, i woy a i njè ma matakwan ga auda dai, i gi wobau te ndev nlèyè ga.

Job 9:18

i amba a ishèffè ɓai, a ngezyè a matakwan kotèkotèʼa.

Psaumes 25:14

Tengaʼa man ta gi zlau Ndo nzi pèc pècèk, Zhiklè a ngra ta ma nengaʼa man a zhè te ndav na a njè ta nderzlè-ma nengaʼa.

Proverbes 15:13

Mwuffè te ndav a hela te di dzayaʼa; aman ndo man a lèyè te ndav, a nza huvokwaʼa.

Proverbes 18:14

Ndo man a shfa dai, a cè matakwan a va, a ndo mán wuɗi a te ndav na ɓai, nda slambaɗda wa?

Ezéchiel 3:14

Mèzhèɓ Zhiklè a ngsyè, a ncyè, a i do a ndav; ri Ndo nzi pèc pècèk a nzakay a gèɗ a wuɗai.

Jean 12:27

Antanta ndav ga a kuɗai, a i gèɗè ma kè? Bab ga, mbelkay auda te sam nta! Aman i shkè a sam nta a géɗ nengaʼa.

Jean 14:18

I jèkè kinè ara wud diki ka ɓai. I da shkè a sam kinè.

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

Philippiens 4:7

A gumi Bi Zhiklè man a fena maya te gèɗ nga tèlèba, da ɓür ndav kinè, a nhér gèɗ kinè te Yèsu Kristi!

1 Peter 1:8

Ko man kin rka nengaʼa di ɓai, aman kin woyaʼa a ndav kinè genè. Antanta kin co a ndav, ko kin rkaʼa a di di ɓai, a kin wuffè a mwuffè mbiaʼa, a nʼnjèlè te pa,

Apocalypse 2:17

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, i woya man i da va na manna nʼnghedaʼa, a i woya man i va na kwa nslekaɗaʼa, a deɓ kwa sa nzlembaɗ ngiɗè mɓuaʼa a zhè, ndo ngiɗè a sun nengaʼa ɓai, sèi nengaʼa man a ngots kwaʼa.

I Samuel 1:10

Anne a ntsu ri a Zhiklè, a nkuɗu te ndav na, kuɗa a di sraffsraffaʼa.

I Samuel 1:15

Anne a mʼmbeɗa na a ma: Aʼai, a bi ga, i ngwoz man matakwan a gay kumba. I sa zom ɓai, i sa barassa ɓai, i hadka kuɗa a ndav Ndo nzi pèc pècèk.