Proverbes 13:20 - Ma Zhiklè

²⁰ Gsa va a ndohi maya, a ka ngècè maya. Ndo man a gshè va a ndohi nrzlaʼa a da ngwèdè na a ndo ambaɓiaʼa.

Proverbes 13:20 ပူးပေါင်းရင်းမြစ်များ

Genèse 14:12

A ta gso Lot, kra kramam Abram, te Sodome, a skwi nengaʼa ba, a ta daʼa.

I Rois 12:10

A slalhi nengaʼa ta gada na: Ka da gada ta ndohi man ta dzhaɗ ka a ta gada ka: Bab ngaya a nʼnga nga matakwan, kedaha gèɗ a hai, ka gada ta aranta: Kra ri ga haha ndazla nengaʼa a va bab ga.

I Rois 12:8

Aman nengaʼa a nfa na zlembaɗ a ma ndohi nhalaʼa ɓai, a mdo a ta tsomma a nda slalhi na man ta gu mizlinè a sam na.

I Rois 22:32

Aman bihi ndohi kiki var ta rka Josaphat, ta goɗ a va ta: A vava, nengaʼa bi Israel! A ta kala na a va aman ta gshèʼa. A Josaphat a mboho a wuɗai.

I Rois 22:4

Tedeɓaʼaa ngaɗa na Josaphat: Kashkè a verzi ga a nga dè a nga gi var a Ramoth te Galaad dè? A Josaphat a ngaɗa na bi Israel: Nga, nga staɗgenè. Ndohi ga, ta ara ndohi ngaya. Plèshi ga, ta ara plèshi ngaya.

II Chroniques 10:8

Aman nengaʼa a nfa na nzlembaɗ a ma ndohi nhalaʼa ɓai, a nʼndo a ta tsomma a slalhi na, man ta gu mizlinè a sam na.

II Chroniques 19:2

Jéhu, kra Hanani, ndo nhadka ma, a ndo a sam na. A ngaɗa na Josaphat: Sèi nga takaha ndo ambaɓiaʼa dè? Ndohi man ta gi shèwa a Ndo nzi pèc pècèk, ka woy ta genè dè? A géɗ nengaʼa Ndo nzi pèc pècèk a gi ndav a géɗ ngaya.

II Chroniques 22:4

a nʼnga skwi man ambaha Ndo nzi pèc pècèk ɓai, lèmèlèmè ara ndohi gi Achab. Te deb mʼmetsi bab na, ndohi haha ta ngra na maya, a ta gedassaʼa.

Psaumes 119:63

I mandal ndohi tèlè man ta gi zlau ngaya, a ndohi man ta fi gèɗ a ma-bi ngaya.

Proverbes 13:19

Skwi man nga zhoro, a nga ngotso, a wuffedè ndav nga; aman ndohi ambaɓihiaʼa ta woy a ta jèkeda skwi ambaɓia ɓai.

Proverbes 14:7

Bezla na va ngaya auda a sam ndo nrzlaʼa, man ɓai ka sun nɗèl ndo man a gèɗè ma maya ɓai.

Proverbes 15:31

Ndo man a fi zlembaɗ a maya mbelaʼa man ta ngatsa na, a nzi te ndev ndohi maya.

Proverbes 22:24

Ka gu mandala a ndo man ndav a va ɓai, a kin mba ma a ndo shèwa ɓai!

Proverbes 22:25

Man ɓai ka da jèjèr civèɗ na, a ka zeda nshèffè ngaya te pa.

Proverbes 7:27

Gi nengaʼa, civèɗ ndè a sam mʼmetsai, man a dè a vèvèɗ dau.

Proverbes 9:6

Vo-washkè, va-jèkeda madaɗau kinè, a kin nzi a nshèffè, vo-do a civèɗ nshin skwai!

Mal. 3:16

Ndohi man ta gi zlau Ndo nzi pèc pècèk, ta goɗ a va ta, a Ndo nzi pèc pècèk a nrkaʼa, a ntsenaʼa. A mwindo ɗèlèwèr mbèhè nzlembaɗ a sam na, a nzlembaɗ ndohi man ta gi zlau Ndo nzi pèc pècèk a pa, man ta slébèrdè nzlembaɗ nengaʼa.

Actes 2:42

A ta slebau ma ndohi sak, a to do a ma ma te pa, a ta humda va, a ta tsaka movar, a ta tsu rai.

Hébreux 10:24

Ngo-gokoy maya, ngiɗè a géɗ ngiɗè, ngo-büdokoy va nga, ngiɗè a ngiɗè, a nga woy ndo, a nga gi mizlinè man amba.

Apocalypse 18:4

A i tsena ngèɗè ngiɗè te zhiklè man a gaɗa: Vo-do kinè auda a sam na, ndohi ga, man ɓai kin humdè a mali nengaʼa, a kin si matakwan a nda nengaʼa.