Proverbes 13:2 - Ma Zhiklè

² Ndo nzuraʼa a ndi nyi ngi-zuraʼa nengaʼa; ndo ambaɓiaʼa a woya a ngi skwi a wuɗai.

Proverbes 13:2 ပူးပေါင်းရင်းမြစ်များ

Psaumes 140:11

Zhiklè da zuvka ta ndazli vogwa a gèɗ ara iyam, da wu-shede ta a hai a vèvèɗ mpèltemtemaʼa, a ta slambaɗkaɗauda te pa asaɓai.

Psaumes 75:8

Aman Bi Zhiklè a shkè a ngi kita; a manda na gèɗ a hi a ngiɗè, a slambadda na gèɗ a ngiɗè.

Proverbes 1:18

Ta pi va a hai a va ta; ta da zeda nshèffè ta, a ta sun ɓai.

Proverbes 1:31

Ta da ndokoɗko ri skwi man ta gu auda, ta da ngézhè te maya tengaʼa.

Proverbes 10:11

Ma ndohi nzuraʼa nara nlèlè iyam nshèffè; aman ma wuɗai a shkè auda te ma ndohi ambaɓihiaʼa.

Proverbes 11:23

Skwi man ndohi nzuraʼa ta woyaʼa, sèi skwi man amba; a skwi man ndohi ambaɓihiaʼa ta zhèrèʼa, kita a ndzoan.

Proverbes 12:14

A géɗ ma man ndo a gèɗèʼa, a ngé-zhè a skwi man amba. Ko wawa a ngècè skwi ntul na te di skwi man ri nengaʼa a gau.

Proverbes 18:20

Ndo a ngeza hwaɗ na a ma nengaʼa, a nzi a di a ma nengaʼa.

Proverbes 18:21

Ndo man a pizlè ma na, a ngècè mʼmetsi a géɗ pats na.

Proverbes 4:17

A ta fa mali a skwi nʼndi ta; a ta fa shèwa a skwi nsi ta.

Osée 10:13

Kin zlekau malai, kin ɓico skwi nzura ka ɓai. Kin ndau skwi man a shkè auda te ncèkèlma. Aman ka pu di a civèɗ ngaya, a ka pu ndav a ngul ndohi ngaya kumba,

Habakuk 2:17

Mali man ka ga na Liban, a da ngwoda ka va a gèɗ, skwi dak a da pa ka zlau a gèɗ, te man ka ga na wuɗi a kokwar, ka bazl ta ndohi te kokwar tèlèba.

Habakuk 2:8

Njèkèɗi ndohi herkeda ta da dum ka, a géɗ man ka, ka dum ta ndohi herkeda kumba, a géɗ man ka bazl ta ndohai, a ka gu shèwa a kokwar, a ndohi kokwar tèlèba man ta te pa.

Apocalypse 16:6

Tengaʼa sa a mbada Pombaz ndohi nhadka ma; a ka, ka va ta Pombaz aman a ta siaʼa. Amba aman ta ngotso arsa.