Proverbes 13:11 - Ma Zhiklè

¹¹ Skwi mèshèlè man ta ngots pats staɗ, a ndevaha va na. Ndo man a hoyo nhèyè, a ngatsa na va.

Proverbes 13:11 ပူးပေါင်းရင်းမြစ်များ

Job 20:15

Skwi mèshèlè man a ndau, a da vinèhèdaussa; Zhiklè a ckoɗauda tʼhwaɗ na.

Psaumes 128:2

Ka da ndi skwi man ri ngaya a gau. Mwuffè a da zhè a sam ngaya, ka da wèl va.

Proverbes 10:2

Skwi mèshèlè man ka co a metsar, a takaha ka azɓai; aman ngi skwi zuraʼa a mbelka ka auda te mʼmetsai.

Proverbes 13:10

Ndo nfi va a poko ta gèɗ auda a ndohai, a ta bèzi va; aman maya a zhe a sam ndohi man ta cè ma ndo.

Proverbes 13:12

Ndo man skwa a zhera na di ɓai, a kuɗi te ndav na; aman ndo man a ngots skwi man a zhoro, nara wof nshèffè.

Proverbes 20:21

Kra man a ndi gi bab na a di tʼuda, a ngècè mpshè ma te deɓaʼa azbai.

Proverbes 21:6

Ndo man a ɓicè skwi mèshèlè a ncè-kèlma, a hi a verzi skwi ambalai, a da na ma a mʼmetsai.

Proverbes 28:20

Ndo nlèɓèsléʼa, mpshè ma na a zhè; ndo man a wosla na va a mɓicè skwi mèshèlè, kita a da gshèʼa.

Proverbes 28:22

Ndo man a gi ntétékè, a wosla na va a mɓicè skwi mèshèlè, a sun a ngaɗa i da tèwèsh ga ɓai.

Proverbes 28:8

Ndo man a ɓicè skwi mèshèlè na a ndi mpataka sulai, a mɓica na hi a ndo ngiɗè man ndo a sia te va.

Ecclésiaste 5:14

Ara man a shkè auda tʼhwaɗ mam na, adai, a minè a deɓa a vèvèɗ, adai. Skwi man a ngots te mizlinè nengaʼa, ko staɗ ba, azɓai, aman a cè a rai.

Jérémie 17:11

Ndo man a ɓicè skwi mèshèlè a ngi rai, lèmèlèmè ara ɗiak ngiɗè man a ncɗzlko wuda auda te slasli ɗiak ngiɗè. Aman mʼmetsi a shkè, a jèkeda skwi mèshèlè a pa, a pats nʼndikèma nshèffè na, nrzla.