Proverbes 12:8 - Ma Zhiklè

⁸ Ta ɗèl ndo te maya nengaʼa man amba; aman ndo man ndav nengaʼa nzura ka ɓai, ta dérɗèʼa.

Proverbes 12:8 ပူးပေါင်းရင်းမြစ်များ

Genèse 41:39

A Pharaon a ngaɗa na Joseph: Aman Zhiklè a ngra ka ar haha, ndo man mwosla kumba ara ngaya, man maya na zhè ara ngaya, nʼazɓai.

Psaumes 132:18

Ndohi mayamhi nengaʼa i da paɗ ta a pa a horai; aman skwi mpèɗè gèɗ nengaʼa a da si dai.

Proverbes 1:26

Anai man kinè te drav matakwan, i ngwossaha kinè; aman zlau a keɗ kinè, i liv kinè.

Proverbes 12:7

Ndohi ambaɓihiaʼa ta wush ta hai, a ta bazl ta; aman gi ndohi nzuraʼa a nzi dai.

Proverbes 12:9

Dara man nga nzi ara matakahiaʼa ngiɗè, a nga gi mizlinè nga, a géɗ man nga fi va nga a ndo mbiaʼa, a skwi gi nga a slra ɓai.

Proverbes 29:27

Ndo man a gi malai, a ndara ta ndohi nzuraʼa; aman ndohi man ta dè zuraʼa, ta ndara ta ndohi ambaɓihiaʼa.

Proverbes 3:35

A slebarde ta ndohi maya, aman a pa ta hori a di a ndohi nrzlaʼa.

Proverbes 5:23

a metsi na, a géɗ man ta ngatsa na maya ɓai, a zi na, a géɗ nrzlè nengaʼa mbiaʼa.

Ecclésiaste 8:1

Nlèmèlèmè ara ndo maya wa, nsun ngredè verzi skwi auda wa? Maya ndo a hela te dai, shèwa nengaʼa a ngwoda.

Esaie 19:14

Ndo nzi pèc pècèk a nzlinda mèzheɓ ndzakaɓama ta gèɗ a ndohai a kokwar Egypte. Ta zede Egypte te skwi tèlèba man a giaʼa, ara ndo zom man di nciɗ ɓai, a vinèhè.

Daniel 12:2

Ta kumba man ta te vèvèɗ, ta da piɗèkwe ta, ngiɗè a nshèffè a mèdèp, ngiɗè a hori a skwi mphomdaʼa a mèdèp.

Luke 16:8

A bai a nslubordo ndo mɓer skwi nengaʼa man nzuraʼa ka ɓai, a géɗ maya man a gau. Aman ndohi herkeda haha ta fena ndohi skwi nhél sam a maya, man ta giaʼa, ngiɗè a sam ngiɗè.

Actes 12:23

A nasa nasa gol Bi Zhiklè a ntsau, a géɗ man a mva na nʼnjèlè a Zhiklè ɓai. Mazlarihai ta ndedama, a mʼmets na.

1 Corinthians 4:5

Gar haha kin bazla na mali a gèɗ a ndo ngiɗè tsam tsam ɓai, sèi Bai Yèsu a shkè, nengaʼa a di a cko skwi tèlè auda a sam nhélaʼa, ko skwi man nʼnghedaʼa te ruva, a ngrédè skwi man ndohi ta hérè te ndav ta, auda. Te deɓaʼa Bi Zhiklè a slébèrdè ndo staɗ staɗ, ara man a ngècè a géɗ skwi man a gau.

2 Corinthians 10:18

Ndo amba a géɗ man a slébèrdè va na a ri na ka ɓai; aman a géɗ man Zhiklè a slébèr-dèʼa.

I Samuel 13:13

Samuel a ngaɗa na Saul: Ka gau ambaɓai! Aman agassa ka dzodzor ma man Ndo nzi pèc pècèk, Zhiklè ngaya, a gaɗa ka, ar Ndo nzi pèc pècèk a nzala ka bi ngaya te Israel antanta a mèdèp.

I Samuel 16:18

Staɗ te va ɓèlèlihi nengaʼa a ngaɗa: Na haha, i rka kra Isai te Bethlèhem man a sun ntsi ganzavar, ndo slagama, ndo ncèmma, va nengaʼa daɓaraʼa, Ndo nzi pèc pècèk a zhè a nengaʼa.

I Samuel 18:30

A bihi Philistie to do var. Pèc pècèk man to do var, maya David a zhè a fena man a ɓèlèlihi Saul ngiɗè. A ta nzala nzlembaɗ nengaʼa a vata.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.

I Samuel 25:17

Anai huro, ka da gi mè? Aman skwi ngédèshè kalka na a géɗ bi nga, a gi nengaʼa tèlèba ma. Nengaʼa ndo shèwa holholaʼa, nga slaha nga gèɗè a vna ɓai.