Proverbes 12:13 - Ma Zhiklè

¹³ Ndo ambaɓiaʼa, mali man a shkè auda te ma nengaʼa a ngwoda na va a gèɗ; aman ndo nzuraʼa a mbel na auda te matakwan.

Proverbes 12:13 ပူးပေါင်းရင်းမြစ်များ

Genèse 48:16

gol Zhiklè man a mbelyè auda te ri matakwan tèlèba, da pshè ta ma wudahi cèw haha, aman te tengaʼa nzlemɓad ga do do a ma ma, a nzlembaɗ Abraham, a Isaac, bababhi ga, a ta grè a ma ma, a ta mènè kumba a géɗ herkeda.

II Samuel 4:9

Aman David a mʼmbeɗa na a ma Récab a Baana, kramam nengaʼa, wudahi Rimmon te Beeroth, a ngaɗa ta: Ara man Ndo nzi pèc pècèk a zhè, nengaʼa man a mbelkay auda te matakwan tèlèba:

I Rois 2:23

A bi Salomon a mʼmbaɗa a sam Ndo nzi pèc pècèk, a ngaɗa: A géɗ man Adonia a ngod ma haha, sèi ta da keɗaʼa, ko Zhiklè a da gay kèkè!

Psaumes 34:19

Ndo nzi pèc pècèk a zhè ndul ndul a sam ndohi man ndav ta a mbeɗè, a taka-ha ta tengaʼa man ta kuɗi te ndav.

Psaumes 34:20

Skwi man a dza na ndo nzuraʼa a zhè kumba; aman Ndo nzi pèc pècèk a mbelè auda te skwi tèlèba.

Psaumes 5:6

Ndohi nfi va ta zlècè a ma ngaya azɓai. Ka mayam ndohi tèlèba man ta gi skwi man ambaɓai.

Psaumes 59:12

Ka bazl ta a metsar ɓai! Venda ta gèɗ a wuɗi ngaya, wushede ta a hai! Aman ndohi ga ta da rkaʼa, a skwi sa a pca ta a gèɗ azɓai.

Psaumes 59:13

Bi Zhiklè, ma tengaʼa nʼndha a malai, tapiɗaf ma tengaʼa a win-ko mali auda, nfi va tengaʼa da kalde ta a hai, a géɗ man ta dérɗè ndo a ta cèkèl ma.

Psaumes 64:8

Aman Bi Zhiklè a bar ta a sulom, a nasa nasa a nga ta mblè a va.

Proverbes 10:8

Ndo man maya na zhè, a jèjèr ma nkwèrèʼa; ndo ntsi tsaval ambalai a kèlèhai.

Proverbes 11:8

Ndo nzuraʼa a mbélè auda te ri zlau mʼmetsai; ndo ambaɓiaʼa a dè mènè a di man a na.

Proverbes 15:2

Ndohi maya ta gèɗè ma maya, ta tüsh ntishè; aman ndohi nrzlaʼa ta gèɗ ma nrzlè auda flak-flakaʼa.

Proverbes 18:21

Ndo man a pizlè ma na, a ngècè mʼmetsi a géɗ pats na.

Proverbes 21:23

Ndo man a ɓer ma na a nèʼèn na, a ɓer nshèffè na te ri skwi mwuɗitpa.

Proverbes 6:2

a ka gaɗa, i da fa ka hai, ka dzawa ma, ma ngaya a ndzaw ka.

Ecclésiaste 7:18

Ka rzla va holhola ɓai, ka vassa na va a ngi zuraʼa holhola ɓai, hur skwihi haha cèw ba! Ndo man a gi zlau Zhiklè, a mbel na te ri skwi sa tèlèba.

Daniel 6:24

A bai a ngoɗa, aman ta hulko ndohi matsa, a nda ngwozi ta a wud ta, man ta pün Daniel, a ta wushede ta a gi marizhèlè. Ga ta ndikè a hwaɗaʼa, marizhèlèhi ta gs ta ma, a ta peɗ ta a ma a vatasla tèlèba.

Matthew 27:25

A ndohi tèlèba ta mbeɗa na a ma: Pombaz nengaʼa da shkè a gèɗ nga, a gèɗ wudahi nga!

2 Peter 2:9

Bi Zhiklè a suna, ara man a slaha a mpre ta ndohi man ta woy civèɗ na, auda te skwi man a pe ta a wai, ara man a pe ta ndohi nzura ka ɓai, a hai, ha pats kita, aman a da ga ta kita.