Proverbes 11:9 - Ma Zhiklè

⁹ Nderkèzhè ndo a gi ma a géɗ nslamagi na, a woy a ngédèshèʼa; a ndohi maya ta mbelaʼa a géɗ maya ta.

Proverbes 11:9 ပူးပေါင်းရင်းမြစ်များ

I Rois 22:6

A bi Israel a mɓic ta ndohi nhadka ma 400, a ngaɗa ta: Amba aman i dè var a Ramoth te Galaad dè, dè i jèkeda dè? A ta gada na: Do, Bi Zhiklè a da pa ta a ri a bai!

Job 34:30

Kokwar-bihai, a ndohai, nengaʼa a war ta tèlèba, aman nderkèzhè ndo, a ndo ngiɗè man a gedèshè ndohai, a gi bi azɓai.

Job 8:13

Lèmèlèmè ndikè-ma ndohi tèlèba man a pca ta a gèɗ, lèmèlèmè skwi man ndohi ta ngècèʼa; ta gédèsh ta.

Psaumes 55:12

Ngédèshè te ndevaʼa: ta gi a ndo, tacèkèlma a dal kokwar.

Proverbes 11:6

Ngi-zuraʼa a mbel ta ndohi nzuraʼa; aman ndohi malihai, ntétékè tengaʼa a dzaw ta.

Proverbes 11:8

Ndo nzuraʼa a mbélè auda te ri zlau mʼmetsai; ndo ambaɓiaʼa a dè mènè a di man a na.

Proverbes 16:29

Ndo shèwa a pi nslamagi nengaʼa a wai, a bidèʼa a civèɗ man ambaɓai.

Matthew 7:15

Va-gu maya a sam ndohi nhadka ma ncèkèlma; aman ta shkè a sam kinè, ta lèɓèslèʼa ara tambak, aman te ndav ta, ta ara kda dak man a woya a nʼnde kinè a ma.

Marc 13:14

Aman kin rka skwi ngedassaʼa man a ndèrè a ndo a zhè a sam man ta woya a pa ɓai (ndo man a jèngèʼa, da huro), ndohi te Judée sèi da hu ta a za.

Actes 20:30

Te ndev kinè ba, ndohi ta da slèmbèɗè, aman ta ngwèdè ma njè-ma, a ta woy a ta ngazl ta ndohi Yèsu a verzi ta.

1 John 2:21

I winda kinè, ara man kin sun ma nzuraʼa ɓi ka ɓai; aman kin sun nengaʼa, a kin suna, ncèkèlma a shkè auda te ma nzuraʼa azɓi fèt.

1 John 2:27

A Mèzhèɓ Zhiklè man kin ngotso te ri nengaʼa a nzi a sam kinè; ko man ndo ngiɗè a slebda kinè ɓai, Mèzhèɓ man kin ngotso a senda kinè skwi tèlèba, zuraʼa, ncèkèlma ka ɓai. Ara man Mèzhèɓ Zhiklè a senda kinè, va-nza te nengaʼa!