Philippiens 4:7 - Ma Zhiklè

⁷ A gumi Bi Zhiklè man a fena maya te gèɗ nga tèlèba, da ɓür ndav kinè, a nhér gèɗ kinè te Yèsu Kristi!

Mofa New Testament

⁷ A gumi Bi Zhiklè man a fena maya te gèƋ nga tèlèba, da ɓür ndav kinè, a nhér gèƋ kinè te Yèsu Kristi!

Philippiens 4:7 ပူးပေါင်းရင်းမြစ်များ

Néhémie 8:10

Ta gaɗa ta: Vo-do, va-ndau zluèɗ, va-sau skwi nsi man a jèn, va-tsaka ta ndohi man ta ngatsa skwi bai, te man pats haha nkezla a sam Bi Zhiklè nga. Kin hur gèɗ ɓai! Mwuffè a géɗ Ndo nzi pèc pècèk, nengaʼa wuɗi kinè!

Job 22:21

Gar haha, va-tsu gumi a Zhiklè! A ka ngècè mpshè ma!

Job 34:29

Aman nengaʼa a nza tètèʼa, nwoya a mphömdè wa? Aman a nghéɗè va na, nslaha a nrka wa?

Psaumes 29:11

Ndo nzi pèc pècèk da va na wuɗai a ndohi na; Ndo nzi pèc pècèk da pshè ta ma ndohi na a gumai.

Psaumes 85:8

Ndo nzi pèc pècèk, ngra nga pombi ngaya, va nga skwi mbel ndo ngaya!

Proverbes 2:11

Nhér maya a da ɓer ka, nshin nɗèl skwi zuraʼa a da takaha ka:

Proverbes 4:6

Ka jèkeda ɓai, nengaʼa a da ɓer ka; woyo a ndav ngaya, a da wara ka dai.

Proverbes 6:22

Aman ka dè, a feda ka ma; aman ka nzhuna, a ɓer ka; aman ka pidèkwe ngaya, a gada ka.

Esaie 26:12

Ndo nzi pèc pècèk, ka da va nga gumai. Skwi tèlè man nga giaʼa, ka rufaʼa.

Esaie 26:3

Ndo man a mʼmana ndav na kangaʼa, a nzi a gumai, a géɗ man a pi ndav a ka.

Esaie 45:7

I gi skwi nhél sam, i gi ruva, i tsi gumai, i vi matakwan, iyè Ndo nzi pèc pècèk, man i gi skwi haha tèlèba.

Esaie 48:18

Aman agassa ka fu gèɗ a ma nkwèr ga! Ar manam ngaya a dè a ma ma, a ngi-zura ngaya a hai ara iyam te woyam mbiaʼa.

Esaie 48:22

Gumi ndohi ambaɓihiaʼa azɓai, Ndo nzi pèc pècèk a gaɗa.

Jérémie 32:16

Aman i va na ɗèlèwèr sa a Baruc, kra Nérija ma, i tsu ri a Ndo nzi pèc pècèk, a i gaɗa:

Jérémie 33:6

Na haha i va na madzaf, da mbel na: Iyè, i mbelaʼa. I da ngreda ta skwi mbelaʼa te gumai, te ma nzuraʼa.

Nombres 6:26

Ndo nzi pèc pècèk da paha ka dai, da va ka gumai!

Luke 1:79

aman a hela ta sam a ndohai, man ta te ruva, man ta te mèzhèɓ mʼmetsai, a da pa nga sak a civèɗ gumai.

Luke 2:14

Nʼnjèlè a sam Zhiklè te géɗèʼa, gumai a herkeda, a sam ndohai man Zhiklè a va ta pombai!

Jean 14:27

I jèka kinè gumi ga. Gumi ga i va kinè. I va kinè, ara man herkeda a va kinè ka ɓai. Kin gu zlau te ndav kinè ɓai, kin gudzu ɓai!

Jean 16:33

Na haha i gaɗa kinè a kin gumi te iye. Tʼherkeda matakwan a ga kinè. Aman va-gsa ndav kinè, i ngul herkeda.

Romans 1:7

Zhiklè a woy kinè tèlèba, a baha kinè a ndohi nengaʼa nkezlaʼa: Pombai a nda kinè, a gumi te Zhiklè, Bab nga, a Bi Yèsu Kristi.

Romans 14:17

Aman kokwar Bi Zhiklè nʼndi skwai, nsi skwai ka ɓai, aman ngi-zuraʼa a gumai a mwuffè te Mèzhèɓ Zhiklè nkezlaʼa.

Romans 15:13

Aman Bi Zhiklè nzhèrè te ndav, da ndha ndav kinè a mwuffè tèlèba, a gumai te ncè-a-ndav, aman kin ngots nzhèrè te ndav tèlèba a wuɗi Mèzhèɓ nkezlaʼa.

Romans 5:1

Aman anai nga gaʼa a ndohi nzuraʼa te ncè-a-ndav, nga ngots gumi Zhiklè, te Bi nga Yèsu Kristi.

Romans 8:6

Skwi man ndohi ta hérèʼa, a da na ma a mʼmetsai. Skwi man Mèzhèɓ a hérèʼa, a da na ma a nshèffè, a gumai.

2 Corinthians 10:5

Nga gédèshè skwi man amba man ta huro amba man a woya a gre gèɗ na a sam nshin Zhiklè, a nga gseda nhér gèɗ ndohi tèlèba a hai a ta fi gèɗ a ma Kristi.

2 Corinthians 13:11

Te deɓaʼa, dalahimam ga, va-wuffa, va-tül nshèffè kinè zaʼa, vo-co ma man nga bid kinè a vna, va-hur ma a ndav staɗ, va-woy gumai! A mwoy-ndo Zhiklè a gumai a da nzi a nda kinè.

Galates 5:22

Skwi man a shkè auda te Mèzhèɓ: Mwoy ndo a ndav, mwuffe, gumai, nzhèr skwi a ma ma, ndo a se ka te va, ndav amba, nlèɓèslèa,

Ephésiens 3:19

a kin shin mwoy-ndo Kristi, man a fena skwi man ndohi ta slaha a ta shinèʼa – a kin ndhaʼa a skwi man a zhè te Zhiklè tèlèba.

Philippiens 1:1

Paul a Timothée, ɓèlèlihi Kristi Yèsu, a sam ndohi Zhiklè tèlèba man ta kezla a nzlembaɗ Kristi Yèsu tèlèba, te kokwar Philippes; a sam ndohi mɓer mizlinè Zhiklè a ndohi ntakaha ta ba.

Philippiens 1:2

Pombai a gumai da zhè a nda kinè, te Zhiklè, Bab nga, te Bai Yèsu Kristi!

Philippiens 4:19

A skwi man kin tèkwènèʼa, Zhiklè ga a di a va kinè, ara nʼnjèl nengaʼa mbiaʼa te Yèsu Kristi.

Philippiens 4:21

Va-ga ta mbalai a ndohi Zhiklè nkezlaʼa tèlèba te Yèsu Kristi! Kramamhi man ta zhè a sam ga ta ga kinè mbalai.

Philippiens 4:9

Skwi tèlèba man kin sundo, kin ngotso, kin tsenaʼa a kin rkaʼa a sam ga, va-gu arsa! Te deɓaʼa Zhiklè gumai a di a zhè a nda kinè.

Colossiens 3:15

Gumi Kristi da gu bi te ndav kinè; Zhiklè a mbaha kinè a pa, te va staɗ. Va-shüd gèɗ!

2 Thessalonians 3:16

Aman nengaʼa, Bi gumai, da va kinè gumi a sam tèlèba, a maya na tsaɗ tsaɗ. Bi Zhiklè da zhè a nda kinè tèlèba!

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

Jude 1:1

Jude, ɓèl Yèsu Kristi, kramam Jacques, a sam ndohi man Zhiklè a baha ta, man Zhiklè, Bab nga, a woy ta, a Yèsu Kristi a ɓer ta.

Apocalypse 1:4

Jean a gaɗa ta mpi ndohi Zhiklè tsaraɗ te kokwar Asie: Pombai da zhè a nda kinè, a gumai te nengaʼa, man a zhè antanta, man a zhè zlèzlèa, man a di a shkè, te Mèzhèɓhi tsaraɗ ba, man ta zhè a sam nʼnzi bi nengaʼa,

Apocalypse 2:17

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, i woya man i da va na manna nʼnghedaʼa, a i woya man i va na kwa nslekaɗaʼa, a deɓ kwa sa nzlembaɗ ngiɗè mɓuaʼa a zhè, ndo ngiɗè a sun nengaʼa ɓai, sèi nengaʼa man a ngots kwaʼa.