Philippiens 3:8 - Ma Zhiklè

⁸ A vava, ko anai i rka tèlèba ara skwi man i kal ga a iyam, a gèɗ i shin Yèsu Kristi Bi ga a i rka ara zai, a i woya a i ngècè Kristi,

Mofa New Testament

⁸ A vava, ko anai i rka tèlèba ara skwi man i kal ga a iyam, a gèƌ i shin Yèsu Kristi Bi ga a i rka ara zai, a i woya a i ngècè Kristi,

Philippiens 3:8 ပူးပေါင်းရင်းမြစ်များ

I Rois 14:10

A géɗ nengaʼa i kalde ta ndohi gi Jéroboam a matakwan, a i gedasseda ndohi te verzi Jéroboam aussa, ko ngurhai, ko wud ngurhai, ko ɓèlè, ko kra ngwai, te Israel tèlèba. I da patsedaussa ara man ta pècè koskosai, ha a nʼndev na tèlèba.

II Rois 9:37

A nckondo Jézabel a da gi a ndaderɗa te dak te Jizreel, a ta sun sam man Jézabel a pa ɓai.

Job 20:7

a da ndiv na ara mèzhèɓ. Ndohi man ta rkaʼa ta gada: Kala ma?

Psaumes 126:6

Nengaʼa man a dè a wush tser skwi a kuɗa a ma, a da shkè ngwai a mwuffè, a nkèl dau na a gèɗ.

Psaumes 73:25

Ngiɗè a zhè man i ngots te zhiklè te géɗèʼa dè? Sèi ka man i ngotso. Aman i ngats ka genè, i jhèɗè skwi tʼherkeda azɓai.

Esaie 53:11

A géɗ man a ngeza te matakwan, a da wuffè. Matakwan nengaʼa, ɓèl ga, ndo nzuraʼa, a va ta ngi-zuraʼa a ndohi kumba, a da zhüɓ mali tengaʼa.

Mal. 2:3

Na haha, i ngelama kinè rai, i da gucè kinè zi skwi man kin ndarayè a dai; skwi ngolala man kin vokoyè, i rka ara zai.

Nombres 14:30

kin dè a kokwar man i woy a i va kinè a sam nʼnzai, ara man i mbada kinè, asaɓai, sèi Caleb, kra Jephunné, a Josué, kra Nun.

Luke 1:43

I wa, a mam Bi ga a shkè a sam ga?

Luke 11:20

Aman i jèr madzagihi auda a wuɗi Zhiklè. Gar haha kokwar Bi Zhi-klè a mshkè a sam kinè ma.

Jean 14:20

A pats nasa kin da suna, i te Bab ga, a kinè te iyè, a iyè te kinè.

Jean 14:7

Aman kin senyè, kin sun Bab ga ba. A hinè antanta kin sun nengaʼa, a kin rka nengaʼa ma.

Jean 16:3

Skwi ar haha ta da giaʼa, te man ta sun Bab ga ɓai, a ta senyè ɓai, cèw ba.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Jean 17:8

Aman ma man ka vayè, i va ta ma, a ta co. Ta sun a vava, i shkè te ka, a ta co a ndav, ka, ka nzlindekayè.

Jean 20:13

Tengaʼa ta gaɗa na: Ngwoz, ka kuɗ mè? A nengaʼa a ngaɗa ta: Ta ceda Bi ga a ma, a i sun sam man ta feda a pa ɓai.

Jean 20:28

A Thomas a mʼmbeɗa na a ma: Bi ga, Zhiklè ga!

Actes 20:24

Aman i hera ɓai, i rka nshèffè ga ara skwi mèshèlè ka ɓai, i woya man i ndeva nhi ga genè a mwuffe, a mizlinè man i ngots te ri Bi Yèsu, a i gi malwuɗi ma mbelaʼa a pombi Zhiklè.

Romans 8:18

Aman i huro, aman nga lèmdè matakwan man nga sia a géɗ herkeda haha, a nʼnjèlè te deɓaʼa te zhiklè te géɗèʼa man a zhèr nga, matakwan sa ara skwi ambalai.

Romans 8:39

ko skwi nte géɗèʼa, ko skwi nte godok, ko skwi mèmè a slaha man a nkezle nga te mwoy-ndo Zhiklè ɓai, man a zhè te Kristi Yèsu, Bi nga.

1 Corinthians 2:2

I gaɗa i njè skwi ngiɗè a sam kinè azɓai, sèi man Yèsu Kristi staɗgenè, nengaʼa man ta gezlalaʼa.

1 Corinthians 9:10

A goɗ ma nengaʼa tè-lèba a géɗ nga ka ɓi ɗè? Aman a géɗ nga ta Windo: Ndo man a pizhèʼa, da puzo a da ngècè skwi ntul na. Ndo man a kizlèʼa, da kuzlo, a da ndi skwi man a kuzlo.

2 Corinthians 4:4

a sam ndohi man ta ca a ndav ɓai, man madzagai a pizlèma ta di ta a ruva, aman ta slaha a ta rka skwi nhél sam man a zhè te ma mbelaʼa te nʼnjèlè Kristi ɓai. Kristi, nengaʼa va Zhiklè.

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

Galates 1:16

a ngreda kra nengaʼa auda te iyè, aman i njè ta ma mbelaʼa a ndohi nte deɓa. A i do, a i dzhoɗ ma a sam ndo ngiɗè ɓai,

Ephésiens 4:13

ha nga tèlèba nga staɗ te ncè-a-ndav, te nshin kra Zhiklè; a nga ga a ndo nshfaʼa, man skwi Kristi tèlèba nʼngaʼa jèlalaʼa a sam nengaʼa.

Philippiens 1:1

Paul a Timothée, ɓèlèlihi Kristi Yèsu, a sam ndohi Zhiklè tèlèba man ta kezla a nzlembaɗ Kristi Yèsu tèlèba, te kokwar Philippes; a sam ndohi mɓer mizlinè Zhiklè a ndohi ntakaha ta ba.

Philippiens 3:10

I war a i shin wuɗi nslambaɗkaɗauda nengaʼa, a nsi matakwan a nda nengaʼa, a i lèmdè va ga a mʼmetsi nenga a,

Philippiens 3:12

Anai ara man i ngatsa di ɓai, a i ga njèlèlèʼa di ɓai. Aman i hi a verziaʼa, man i slaha a i gshèʼa, te man Yèsu a ngsyè ma.

Philippiens 3:7

Aman skwi man halaʼa skwi mbiaʼa a sam di ga, i rka ara skwi man i kal ga a iyam, a géɗ Kristi.

2 Timothy 4:6

Iyè, i ara skwi man ta va na Zhiklè ma, pats mʼmetsi ga kalka ma.

Hébreux 3:14

Aman nga gaʼa a ndohi man nga humda a nda Kristi, aman sèi man ndav nga a pa pèc pècèk taraʼa, te nhinkaɗ skwai, a ndè a ma ma ha nʼndikèma skwai.

1 Peter 2:7

Nengaʼa kwa mbelaʼa a sam kinè, man kin co a ndav. Aman a sam ndohi nca a ndav ɓai, kwa man ndohi nɗizlè gai ta kwolaʼa.

2 Peter 1:2

Pombai a gumi kumba da zhe a nda kinè te nshin Zhiklè a Bi nga Yèsu!

2 Peter 1:3

Wuɗi Zhiklè a mva nga skwi tèlèba a géɗ nshèffè a civèɗ Zhiklè, aman nga sun nengaʼa man a baha nga te nʼnjèlè, te wuɗi nengaʼa.

2 Peter 1:8

Aman skwihi haha a sam kinè, a kin ngots tèlèba a vata, ta ɓir kinè, aman kin nzi a deli azɓai, aman kin gi a dèngwèr azɓai, te nshin Bi nga Yèsu Kristi.

2 Peter 3:18

Va-gra a ma ma te pombai, te nshin Bi nga a Ndo mʼmbel nga Yèsu Kristi. Nʼnjèlè a nengaʼa antanta, a ma ma, a mèdèp! Amen!

1 John 1:3

Skwi man nga rka ma, nga tsenaʼa, nga njè kinè, aman kinè ba kin hümdè a nda nga; a nga, nga hümdè a nda Bab nga, a nda kra nengaʼa, Yèsu Kristi.

1 John 2:19

Ta shkè auda te ndev nga, aman ta ndohi nga asa-kaɓai. Aman a matsa ta ndohi nga, ar ta nzi a sam nga. Ta jèke nga, aman a ngrédè auda, ara man ta ndohi nga tèlè asakaɓai.

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.