Philippiens 2:14 - Ma Zhiklè

¹⁴ Va-gu skwi tèlèba a nkuɗi a va ka ɓai, a mpi gèɗ cèw ka ɓai.

Mofa New Testament

¹⁴ Vagu skwi tèlèba a nkuƋi a va ka ɓai, a mpi gèƋ cèw ka ɓai.

Philippiens 2:14 ပူးပေါင်းရင်းမြစ်များ

Psaumes 106:25

Ta gu ma te gi ta, a ta fa zlembaɗ a ma Zhiklè ɓai.

Proverbes 13:10

Ndo nfi va a poko ta gèɗ auda a ndohai, a ta bèzi va; aman maya a zhe a sam ndohi man ta cè ma ndo.

Nombres 14:27

I da prè mali a mpi ndohi ambaɓihiaʼa haha pèc pècèk ta ahngwa? Ma man ndohi Israel ta gay a va i tsenaʼa!

Matthew 20:11

Aman ta ngotso, ta gu ma numnumaʼa a sam bab gi dau.

Marc 14:5

Dara man ta preda ma a Suli 300.000, a ta va ta ndohi ntawassaʼa. A ta gu ndav a géɗ ngwozaʼa.

Marc 9:14

Aman ta shkè a deɓa a sam golahi ngiɗè, ta rka ndohi rèdèdèa a vata a sam ta. A malamhai ta versl ma a nda tengaʼa.

Luke 5:30

A ndohi pharisie a malamhai ta gu ma a ta gaɗa ta golahi Yèsu: Kin ndi skwi nʼndai, kin si skwai, a nda ndohi ncèkèlè skwai, a ndohi malihai èhèmè?

Actes 15:2

Aman ta gu ma a Paul, a Barnabas, a ta vursl ma kumba a nda tengaʼa. A ta basla gèɗ ta, aman Paul a Barnabas a ndohi ngiɗè te kokwar Antioche ta dè a kokwar Jérusalem a sam ndohi sak a ndohi nhalaʼa, a ta gèɗè, a ta jhèɗ ma haha.

Actes 15:39

A ta vursl ma a géɗèʼa kumba, a ta kezla gèɗ ta, a Barnabas a nco Marc, a mdo a Chypre a wurom.

Actes 15:7

Aman ta tsama ma kumba ma, Pierre a nslambaɗa, a ngaɗa ta: Dalahimam ga, kin suna, nʼnzi a zhè Zhiklè a nco ndo auda te ndev kinè, a woya ndohi nte deɓa ta tsena ma mbelaʼa te ma ga, a ta cè a ndav.

Actes 6:1

Te ndev nasa golahi Yèsu ta mana a vata, a ndohi Grec ta gu ndav a géɗ ndohi Hébreu. Ndohi Grec ta gaɗa, ngwozi mazihai ta pca ta a gèɗ a sam man ta kezli skwai pèc pècèk.

Romans 12:18

Man a gai, va-nza a gumai a nda ndohi tèlèba.

Romans 14:1

Ndo man wuɗi ncè-a-ndav azɓai, va-takaha, va-nza na a deɓa, kin dzakaɓama na gèɗ ɓai!

Romans 16:17

Dalahimam ga, i fa kinè ma a gèɗ, aman kin gi maya a géɗ tengaʼa man ta dzakaɓa njè-ma man kin jongo, a ta kezl i ta ndohai, a ta zlakede ta ndohi tsaɗ tsaɗ. Vo-do kinè auda a sam tengaʼa!

1 Corinthians 10:10

Kin kuɗau a va ɓai, ara tengahia ngiɗè tsaɗ tsaɗ te va tengaʼa ta gau, a ndo ngedassa ndo a mbazl ta.

2 Corinthians 12:20

I gi zlau man i da shkè, i da ngats kinè ɓai, ara man i woyaʼa. A kinè ba, kin da ngatsyè azɓai, ara man kin woyaʼa: ngi ndav, srak, shèwa, ndzoan, ntsi derngasl, ngre ndo, nfi va, skwi ndzakaɓaʼa, a zhè.

Galates 5:15

Aman kin bèzl va, a kin ndi va kinè a ma dai, va-gu maya, man ɓai kin ndeva va kinè!

Galates 5:26

Nga da woy nʼnjèl ambali ɓai, nga da poko ta gèɗ auda a ndohi ɓai, nga da gu srak a géɗ ndo ngiɗè ɓai!

Philippiens 2:3

Kin büzh va, a géɗ nfi va mbalai ɓai; aman va-manda gèɗ a hai, a kin rka ndo ngiɗè ara man a fen kinè.

1 Thessalonians 5:13

Va-slebarde ta, va-woy ta a ndav kinè a vata a géɗ mizlinè tengaʼa. Va-nza a gumai, ngiɗè a ngiɗè.

1 Thessalonians 5:15

Va-gu maya, ko ndo staɗ da menda skwi man ambaɓai a deɓa a skwi man ambaɓi ɓai. Aman pèc pècèk va-hau a verzi skwi man amba, te ndev kinè ba, a sam ndo staɗ staɗ tèlèba.

Hébreux 12:14

Va-woy gumi a nda ndohi tèlèba, va-woy nshèffe nkezlaʼa. Ndo man nshèffe na nkezle ɓai, a slaha a nrka Bi Zhiklè ɓai.

Jacques 1:20

Aman ndo man a gi ndav, a gi skwi nzuraʼa a sam Bi Zhiklè azɓai.

Jacques 3:14

Aman srak nɗu-zlekzlekaʼa a shèwa a zhè te ndav kinè, kin dzugor va ɓai, a kin tseda na ma nzuraʼa a pa ɓai!

Jacques 5:9

Ndav kinè da sakat na a géɗ ngiɗè, a géɗ ngiɗè ɓai, dalahimam ga, man ɓai kin dè kèlè a kita. Na haha, ndo kita a zhè a ntamagai.

1 Peter 3:11

Da herda va na a deɓa a sam skwi man ambaɓai, da gu skwi man amba, da woy gumai, da hu a verziaʼa.

1 Peter 4:9

Ngiɗè da feda ngiɗè a gai, a gèɗ te gozhèm ka ɓai.

Jude 1:16

Tengahi ndohi man ko skwi mèmè ambaha ta ɓai, ta kuɗi a va, a ta jèjèr ntétékè tengaʼa. Ta gèɗ ma nfi va, a ta shi-bèndè ndo, aman ta ngècè skwai.