Osée 13:15 - Ma Zhiklè

¹⁵ Epraim, ko a wèl va te va kramamhi na, kozlar te civèɗ mvèng pats a slèmbèɗè, Ndo nzi pèc pècèk a saffka te civèɗ hèshèkèɗ, a ngwora thal iyam na, a gi a nlèlè iyam a she na, a nengaʼa a ceda skwi mèshèlè nengaʼa tèlèba a ma.

Osée 13:15 ပူးပေါင်းရင်းမြစ်များ

Genèse 41:23

Te deɓ tengaʼa gèɗ dau 7 ngiɗè, shèkètèr a tser te di staɗ staɗ, man kozlar a ntseda na gèɗ, a mbazla na diaʼa,

Genèse 41:52

Mbegéɗèʼa a mbaha na Ephraim, a ngaɗa: Zhiklè a mvay wuda te kokwar man i lèyè te pa.

Genèse 41:6

Te deɓ tengaʼa gèɗ dau ngiɗè 7, shèkètèr, tser te di staɗ staɗ, ta shkè auda, man kozlar a ntseda na gèɗ a mbazla na diaʼa.

Genèse 48:19

Aman bab nengaʼa a woya bai, a ngaɗa: I suna, kra ga, i suna. Verzi nengaʼa a da gi a mbiaʼa tʼherkeda. Aman ntabawaʼa, kramam na, a da fenaʼa, a ndohi verzi nengaʼa ta gi kumba tʼherkeda.

Genèse 49:22

Joseph, wof man a yi wuda, a nza a ma woyam. Ri wof nengaʼa a mpèɗè a va zlazlar.

Job 18:16

Te vèvèɗ, zluzlor ngwora ma, a géɗèʼa, ri wof a ɓüt na.

Psaumes 1:4

Aman ndohi ambaɓihiaʼa ta az aranta ɓai. Tengaʼa ta ara topok dau, man kozlar a ksardaussa.

Psaumes 109:13

Ndohi te verzi nengaʼa da ndev ta, nzlembaɗ nengaʼa da ze na a sam ndohi te verzi nengaʼa.

Esaie 14:21

Va-tülo sam nzli daʼai wudahi nengaʼa, a géɗ mali bab ta, a ta slèmbèɗè a ta gi ngul herkeda a ta ndhè kokwar a géɗ herkeda asaɓai.

Esaie 17:13

Nhèzlèwè ndohi herkeda mbiaʼa, a cinè ara iyam mbiaʼa man a hai. Ta hèzlèwè ara iyam mbiaʼa. Aman Zhiklè a guv ta, a dzar ta ara kozlar man a hil koskosai a géɗ za, ara ndombozlor man a tsi lokotor.

Esaie 27:8

A versl ma a nengaʼa aranta: a nkwolaʼa, a ndzawaʼa, a ndzaraʼa ara kozlar mbiaʼa man a nslambaɗa te verzi gai.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Jérémie 20:5

Kolongwi kokwar haha a skwi man ta ngotso tèlèba, skwi tengaʼa mbelaʼa tèlèba, skwi mèshèlè bihi Juda, i pe ta a ri mayamhi ta. Ta da gi metsar skwi ta, a ta heldama a kokwar Babylone.

Jérémie 4:11

A pats nasa ta da gaɗa ta ndohi Jérusalem: Kozlar mbiaʼa a haka tʼhèshèkèɗ, a géɗ ndohi ga, a mpèvè ka ɓai, a ndè-gèlè ka ɓai;

Jérémie 4:12

kozlar a shkè a wuɗai. Antanta i ba i bèzlè kita ga a géɗ tengaʼa.

Jérémie 51:1

Ndo nzi pèc pècèk a goɗ ar haha: Na haha i bahka na kozlar man a gedassa Babylone a ndohi Chaldée.

Jérémie 51:36

Gar haha Ndo nzi pèc pècèk a gaɗa: Na haha, iyè i nza ka a deɓa, i da ngatsa ka skwi mpil gèɗ. I da gwora iyam mbiaʼa, a nlèlè na a she na.

Ezéchiel 17:10

Nʼnga te pa amba; aman a da mbél na dè? Kozlar te civèɗ mvèng pats a da gworaʼa a sam man a nftsa a pa azɓi dè?

Ezéchiel 19:12

Aman ta pulkoɗauda a ndav, a ta kaldahai a herkeɗa. Kozlar te civèɗ mvèng pats a ngworaʼa, a nyi wof nengaʼa mwush na. Ri wof nengaʼa mbiaʼa a ngwor na, vogwa a nʼndeda ma.

Daniel 11:8

Zhiklèhi tengaʼa ba, a skwi man ta vüdo a kolongwi guro a verzhègenè tengaʼa mbelaʼa, a da heldama a kokwar Egypte. Mvi a zhe, a njè-keda bi te civèɗ kozlar mazlam a pa kata.

Osée 10:1

Israel ara wof te gi lak mbelaʼa, man a yi wuda kumba. Ara man a yu wuda a ta mènè a ma ma, ta gu vri kumba. Ara man herkeda ta, ntila a ma ma, ta tila skwi mbèh skwi tengaʼa a ma ma.

Osée 2:3

Va-baha ta kramamhi kinè: Ammi, ndohi ga! a demamhi kinè: Ruchama, tengaʼa man ta si ndo te va.

Osée 4:19

Ngi skwi hori ambaha ta a fena nʼnjèlè. Ta zi ta, ara man kozlar a hel ta ma, sam mʼmbèh skwi tengaʼa a pa ta hori a dai.

Osée 9:11

Ndohi Ephraim, nʼnjèl tengaʼa a nze na ara ɗiak man a giɗfèk. Ta yi kra azɓai, ta ngècè kra a hwaɗ azɓai, ngwoz man a hwaɗ azɓai.

Jonas 4:8

Aman pats tʼuda ma, Bi Zhiklè a mbaha na kozlar mazlam, a pats a ntu Jonas, a nkeɗdahai. Jonas a nhuro: darahayè mʼmetsai a géɗ nshèffè, a ngaɗa: Mʼmetsai da keɗyè!

Nahum 2:9

Ninive ara sam nhèyè-iyam man iyam a hi auda te pa. Va-nza! Va-nza! Aman ta pi di a deɓa azɓai.

Deutéronome 33:17

Nʼnjèl nengaʼa mbiaʼa ara tsuvom marai; drom nengaʼa ara drom kevar, man a wushede ta ndohi herkeda a hi a vna, tèlèba ha ndè a verzi herkeda, ndohi Ephraim 10.000, ndohi Manasse gozhèm gozhèm.