Nombres 31:30 - Ma Zhiklè

³⁰ Te va rèta ngiɗè, man ndohi Israel ta ngotso, ka co auda te va 50, staɗ, ko ndohai, ko zlè, ko kɗèh, ko tambak, skwi kudom tèlèba, a ka pa ta ndohi Lévi man ta ɓer gi Ndo nzi pèc pècèk.

Nombres 31:30 ပူးပေါင်းရင်းမြစ်များ

I Chroniques 23:32

Ta gi skwi tèlèba aranta, a sam gi mɓice-va, a sam nkezlaʼa, a sam wudahi Aaron, kramamhi ta, a sam mizlinè gi Zhiklè.

Nombres 1:53

Aman ndohi Lévi da mana a tsagi gi nkezlaʼa, man bai ndzoan ga a shkè a géɗ mpi ndohi Israel. Ndohi Lévi da gu mizlinè te gi nkezlaʼa arsa!

Nombres 3:25

Mizline ndohi Guershon a sam gi mɓicè-va: ta til gai, a maslaka, a géɗ gai, a maslaka a ntamagai,

Nombres 3:31

Tengaʼa ta gu mizlinè a sam koti ma kita, a sam table, a sam skwi nfi vogwa, a samhi mvi skwi a Zhiklè, a sam kolongwi man ta gu mizlinè a vna a sam nkezlaʼa, a maslaka a sam nkezli nkezlaʼa, a mizlinè nengaʼa tèlèba.

Nombres 31:28

Te va skwi man ndohi var ta ngotso, ka cè skwi auda a kin va na Ndo nzi pèc pècèk: Te va 500, staɗ, ko ndohai, ko zlè, ko kɗèh, ko tambak.

Nombres 31:29

Te va rèta man a tengaʼa, vo-co auda, a kin va na Eléazar, ndo mvi skwi a Zhiklè, ara skwi man ta co auda a ta va na Ndo nzi pèc pècèk.

Nombres 31:31

A Moise a Eléazar, ndo mvi skwi a Zhiklè, ta gau ara man Ndo nzi pèc pècèk a njè na ma a gèɗ a Moise.

Nombres 8:26

Te deɓaʼa ta nza a ta takaha ta kramamhi tengaʼa a sam mizlinè tengaʼa te gi mɓicè-va, aman ta wèr kolongwai, aman ndo a dzhaɗ ta mizlinè asaɓai. Sèi ka gi ar haha a sam ndohi Lévi, a géɗ mizlinè Zhiklè tengaʼa.

Actes 20:28

Anai sèi kin gi maya a géɗ va kinè, a géɗ rèwè tèlèba, te ndev tengaʼa Mèzhèɓ Zhiklè nkezlaʼa a nʼnge kinè a ndohi nwar ta, aman kin wèr mpi ndohi Zhiklè, man a sumkaɗa deɓa a Pombaz va nengaʼa.

1 Corinthians 4:2

Ta jhèɗè skwi ngiɗè a sam ndohi mɓer skwi azɓai, sèi nlèɓèslè.

Colossiens 4:17

A kin gaɗa na Archippe: Gu maya aman ka gi mizlinè man ka ngots te ri Bai Yèsu, a ka gau!

Hébreux 13:17

Va-fa na gèɗ a ma ndohi ncè kinè ma, va-dzodzor tengaʼa man ta ɓer nshèffe kinè; ta ara ndohi man Zhiklè a da dzhaɗ ta a géɗèʼa. Va-gu aman ta slaha a ta gi mizlinè tengaʼa a mwuffè; man ta ɗish va a ta kuɗai, a takaha kinè te mè?

Josué 9:27

Aman a pats nasa Josué a nge ta a ndohi nʼngél shègwa a ndohi mɓèl iyam a sam mpi ndohi Israel, a sam mvi skwi a Ndo nzi pèc pècèk, a sam man Zhiklè a nʼngra ta, a ta rèm gi Zhiklè a pa. Ha patsna arsa.