Nombres 28:6 - Ma Zhiklè

⁶ Nasa skwi man ta ndara na Zhiklè a pats a pats a der za Sinai, skwi man ta va na Ndo nzi pèc pècèk te vogwa, aman ambaha.

Nombres 28:6 ပူးပေါင်းရင်းမြစ်များ

II Chroniques 2:4

Na haha i hur i da rèm gi a nzlembaɗ Ndo nzi pèc pècèk, Zhiklè ga, a i kezlaʼa a skwi na, a ta ndara na ɓurdi man a zhkèha te pa, man amba, a ta feda movar nkezlaʼa a pa pèc pècèk, a ta ndara na skwi a prèk, a dakwaɗ, a pats nshèk va, a mvangkaɗ kia, a pats ngolala Ndo nzi pèc pècèk, Zhiklè nga, ara man ndohi Israel ta gia pèc pècèk a mèdèp.

II Chroniques 31:3

Bai a mvau te va skwi na, a ndèr skwi a Zhiklè, a mhüno a prèk, ha dakwaɗ, a ndèr skwi a Zhiklè a pats nshèk va, ki mɓuaʼa, a ngolala, ara man ta windeda ɗèlèwèr ma kita Ndo nzi pèc pècèk.

Esdras 3:4

A ta gu ngolala te godzovok, ara man a mwinda; ta ndara na skwi a Zhiklè pèc pècèk, ara man a mwinda te ɗèlèwèr Zhiklè, a gèɗ pats, staɗ staɗ, ngam ngam ba.

Psaumes 50:8

I ga ka ndzoan a géɗ skwi man ka zlay ɓai. Skwi man ka ndarayè te vogwa a zhè a sam di ga pèc pècèk.

Exode 24:18

A Moise a mdo a va vanai. A Moise a mdo a géɗ za, a nʼnza a géɗ za pats 40 a mʼmèn 40.

Exode 31:18

Aman ta goɗ a Moise a géɗ za Sinai klèng ma, Zhiklè a mva na kwa cèw, a ma kita a deɓaʼa, man Zhiklè a mwindeda pa a ri na.

Ezéchiel 46:14

A prèk a prèk da peda movar a géɗèʼa, skwi agoda cèw, a mbar koloba staɗ, da tkwa na a gèɗ a gufa, a nva na a movar a Ndo nzi pèc pècèk. Da gu a tsuf mvi skwi a Zhiklè a mèdèp.

Ezéchiel 46:15

Arsa sèi ta zli kra tambak, a ta vi movar a Zhiklè, a mbar a prèk a prèk, a ta ndara na skwi a nciɗ sam a nciɗ sam.

Lèv. 27:34

Nasa ma nkwèr man Ndo nzi pèc pècèk a va na Moise a gèɗ za Sinai a géɗ ndohi Israel.

Lèv. 6:9

Njèkèɗiaʼa, Aaron a wudahi nengaʼa ta da ndiaʼa. Sèi ta ndiaʼa, skwi nshégèrè a te di bai, a sam nkezlaʼa, a dalmagi gi mɓicè-va.

Amos 5:25

Kinè ndohi Israel, kin zlay skwai, kin vay skwai mvi 40 tʼheshèkèɗ dè?

Nombres 28:5

a gufa dau agoda cèw a movar, mbsoma a géɗ mbar koloba staɗ.

Nombres 28:7

A géɗ kra tambak staɗ, kin va na skwi nsai koloba staɗ. Sèi ta bada barassa a hai a sam Ndo nzi pèc pècèk te gi nkezlaʼa.

Philippiens 2:17

i ga mizlinè ambali ɓai. Ko ta giyè a skwi man ta va na Zhiklè, nshèffè ga skwi man ta vi a Zhiklè a géɗ ncè-a-ndav kinè, i wuffè genè, a i wuffè a nda kinè tèlèba.