Nombres 23:21 - Ma Zhiklè

²¹ A nʼngots mali a sam ndohi Jacob bai, a nrka skwi ambaɓiaʼa a sam ndohi Israel bai. Ndo nzi pèc pècèk, Zhi-klè nengaʼa, a zhè a sam na nengaʼa bi ta, man ta slébèrdèʼa,

Nombres 23:21 ပူးပေါင်းရင်းမြစ်များ

II Chroniques 13:12

Na haha, Zhiklè a ndohi mvi skwi a nengaʼa ta zhè a sam nga, ta zhè a ma nga, a ta tsi tolom a sam kinè. Ndohi Israel! Kin gu var a Ndo nzi pèc pècèk Zhiklè bab kinè ɓai! Nta ambaɓai.

Psaumes 103:12

Ara man nvangkaɗ pats na dra a sam nkèl pats, lèmèlèmè a helda mali nga dra.

Psaumes 118:15

Nhèzlèwè mwuffè a ntsi sabi mwuffè a cinè te gi ndohi nzuraʼa; ri mandi Ndo nzi pèc pècèk a ngul skwai!

Psaumes 135:21

Nga slébèrdè Ndo nzi pèc pècèk te Sion, nengaʼa man a nzi te Jérusalem. Alléluia!

Psaumes 23:4

Ko man i dè a va ruva ntéɗèɗikɗikaʼa, i gi zlau matakwan azɓi fèt, a géɗ man ka zhè a sam ga. Gada nshfaʼa ngaya a gada sulai ngaya ta hulkoy zlau auda te gèɗ.

Psaumes 32:2

Mwuffè a sam ndo man Ndo nzi pèc pècèk a ngrè mali nengaʼa azɓai, man ncèkèlma a te ma nengaʼa ɓai.

Psaumes 32:5

Te deɓaʼa i ngreda ka mphömè ga auda, i ngheda mali ga ɓai. I gaɗa: I woy a i ngreda na maharam ga a Ndo nzi pèc pècèk. A ka, ka pray mphömè mali ga.

Psaumes 46:11

Va-nza tètè, va-senyè, i Zhiklè, mbiaʼa a sam ndohi herkeda, mbiaʼa tʼherkeda tèlèba.

Psaumes 46:7

Ndohi herkeda ta rubai, kokwar-bihai tsaɗ tsaɗ ta gedas ta. Aman Zhiklè a gèɗè, herkeda a gudzai.

Psaumes 97:1

Ndo nzi pèc pècèk, bai! Herkeda da wuffa, herkeda man nte ndev iyam da wuffa!

Psaumes 99:2

Ndo nzi pèc pècèk mbiaʼa te Sion, a zhè, a fena ndohi herkeda tèlèba.

Exode 13:21

A Ndo nzi pèc pècèk a mdo a ma tengaʼa. A pats te va vani njèraʼa, a ngreda ta civèɗ; a vad te va nèʼèn vogwa, a nhela ta sam, a ta slaha ta dè a pats a vad.

Exode 3:12

A nengaʼa a ngaɗa: I zhè a sam ngaya. Na haha skwi man i ngreda ka, a ka shinè te pa, iyè nzlinde ka: Aman ka da helka ta ndohi ga auda te kokwar Egypte ma, kin da slébèrdè Zhiklè a der za haha.

Exode 34:9

Ndo nzi pèc pècèk, man i ngots pombai a sam di ngaya, ka Ndo nzi pèc pècèk, do a nda nga. Aman ndohi haha ta tsena gèɗ bai. Pra nga mphömè a mali nga, ge nga a ndohi nʼndi gi ngaya!

Esaie 1:18

Anai vo-washkè, a ngotsommokoy ma, Ndo nzi pèc pècèk a gaɗa. Aman ma-lihi kinè nduzoʼa ara vèvèzh, ta da gi a nslekaɗaʼa ara gogumai. Aman nteva, ta da ngwod ta ara gwots tambak.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 33:21

Te pa Ndo nzi pèc pècèk nʼnzalaʼa a vata a sam di nga. Nlèlè iyam mwi-nèa, aman ta wurr wurom a pa azɓai, wurom mbiaʼa a shèwèlè a géɗ nengaʼa azɓai.

Esaie 33:22

Aman Ndo nzi pèc pècèk man a gi kita nga. Ndo nzi pèc pècèk, nengaʼa a da mbel nga.

Esaie 38:17

A vava, skwi man a dzay te ndav ɗekeɗekeʼa, a nʼngwoda na a gumai; ka ngskay a deɓa a ma vèvèɗ mʼmetsai, man i woya a i kèlèhi a pa. Ka wusheda mali ga tèlèba a deɓ ngaya.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 8:10

Va-herda ma a hai — a di a gédèsh na. Va-basla gèɗ kinè — a da gi arsa azɓai, te man Zhiklè a zhè a nda nga.

Jérémie 50:20

A pats nasa, te ndev nasa, Ndo nzi pèc pècèk a gaɗa, ta da woy mphömè Israel; aman nʼasaɓai. Ta da woy mali Juda; ta da ngècè asaɓai, te man i da pre ta, a njèkèɗi man i jèka ta.

Ezéchiel 48:35

Ntèuda te pa tèlèba, a gi ara km 8. Anai da baha na kokwar a nzlembaɗ: Ndo nzi pèc pècèk a zhè a haha.

Joel 2:27

A kin da suna, i zhè te ndev ndohi Israel, iyè Ndo nzi pèc pècèk, Zhiklè kinè, nengaʼa staɗgenè. A ndohi ga ta da ngècè hori a di azɓai a mèdèp.

Lèv. 9:24

a vogwa a nshkè auda te Ndo nzi pèc pècèk, a nʼndeda skwi man ta ndara na, a mbeza a géɗ sam mvi skwi a Zhiklè a ma. Aman ndohi tèlèba ta rkaʼa, ta wuffè, a ta kalahai a deb sak Zhiklè.

Nombres 14:18

Ndo nzi pèc pècèk a zhèr skwi a ma ma, ndo a sia te va kumba, a prè mali a mphöme a ndohai, aman a pra ta ambali ka bai, sèi a gi kita a sam wudahai a géɗ mali bab ta, te verzi bab ta, te mamakaraʼa, te mafaɗaʼa.

Nombres 14:19

Pra ta malai a ndohi haha, ara mwoyndo ngaya mbiaʼa, ara man ka hüno te Egypte, ha patsna.

Nombres 16:3

Ta humda ta va a gèɗ a nda Moise a Aaron, a ta gada ta: Anai tidè nga ma! Mpi ndohi tèlèba, ndohi nkezlaʼa tèlèba, man Ndo nzi pèc pècèk a zhè te ndev tengaʼa. Kin cèw kin woy a kin gi a mbibihiaʼa te va mpi ndohi Ndo nzi pèc pècèk èhèmè?

Nombres 9:22

A sam ngiɗè mʼmèn cèw, man bai ki staɗ, man bai mvi staɗ, ko a fena ma ba; ara man vanai a nza a géɗ gai, a shkè auda a pa azbai, ndohi Israel ta nza a samaʼa, ta jèkeda samaʼa bai; aman a shkè auda a pa, ta dzodzora.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Romans 6:14

Malai a slaha a nda gi bi kinè asaɓai, te man kinè tʼhwaɗ ma kita Zhiklè ka ɓai, aman kinè tʼhwaɗ pombai.

Romans 8:1

Anai Zhiklè a phomde ta ndohi man ta te Yèsu Kristi, asaɓai.

2 Corinthians 2:14

Nga shid gèɗ a Zhiklè, aman nga tsi sabi pèc pècèk te Kristi, a nshin nengaʼa a zhkè hongaʼa a sam tèlèba te nga.

2 Corinthians 5:19

Aman Zhiklè, te Kristi, a mʼmenda gumi a hai a ndohi herkeda, a nhera mali ta asaɓai. A mva nga ma mʼméndè gumi a hai.

2 Corinthians 6:16

Gi Zhiklè a vrihai ta hümdè te mè? Aman nga, gi Zhiklè man a zhè a nshèffè. Ara Zhiklè man a gaɗa: I war a i nzi a sam tengaʼa, i shèwèlè te ndev tengaʼa; a i gi a Zhiklè ta, a tengaʼa ta gi a ndohi ga.

Deutéronome 31:23

A Ndo nzi pèc pècèk a njè na ma a gèɗ a Josué, kra Nun, a ngaɗa: Gsa ndav ngaya, nze taraʼa, aman ka, ka de ta ndohi Israel a kokwar man i mbaɗa, i woy a i va ta. Iyè a ri ga i zhè a nda ka.

Deutéronome 32:5

Ndohi nengaʼa ta kwolaʼa, verzi ndohi ambaɓihiaʼa, ndohi nʼngwèdè ndo.

Deutéronome 33:5

A ngau bi te Israel, te va man tsuvomhi ndohi ta ɓicko va, verzi ndohi Israel tèlèba.

Deutéronome 9:24

Aman daga man i sen kinè, kinè gi mèdègèd genè!

Juges 6:13

Gédéon a ngaɗa na: Wa, bi ga, aman Ndo nzi pèc pècèk a zhè a nda nga, skwi haha a shkè a gèɗ nga èhèmè? Mrkedi tèlèba man bababhi nga ta njè nga, a ta gaɗa: Ndo nzi pèc pècèk a nhelka nga auda te kokwar Egypte, na tema? Antanta Ndo nzi pèc pècèk a nkwol nga ma, a mpe nga a ri a ndohi Madian.

I Samuel 25:28

Pra na malai a ɓèl ngaya. Ndo nzi pèc pècèk a vava a da gi aman gi ngaya a nzi dai. Ka gi var Ndo nzi pèc pècèk, a ta ngècè mali a sam ngaya azɓai, a pats nshèffè ngaya tèlèba.