Nombres 22:6 - Ma Zhiklè

⁶ Anai washkè, i tsa ka rai, phomde ta ndohi haha! Ta fena wuɗi ga. Wa ngiɗè ba i da slaha a i bazl ta, a i dzam ta auda te kokwar. I suna, ndo man ka pshè na ma, a nʼngots mpshè ma. Ndo man ka phomda, mphomda.

Nombres 22:6 ပူးပေါင်းရင်းမြစ်များ

Genèse 12:3

I woy a i pshè ta ma ndohai, man ta pshè ka ma. Ndo man a phomde ka, i woy a i phömdèʼa. Te ka, verzi ndohi kumba ta da ngècè mpshè ma.

Genèse 27:29

Ndohi herkeda da ga a ɓèl ngaya; ndohi kokwarhai da gurɓahi a sam ngaya; gu bai a géɗ kramamhi ngaya, a wudahi mam ngaya da gurɓahai a sam ngaya. Ndo man a phomde ka, da phomda. Ndo man a pshè ka ma, da ngots mpshè ma!

I Rois 22:13

A ndo sak man a mdo a bahka na Michée a ngaɗa na aranta: Ndohi nhadka ma tèlèba ta hodko na ma mwuffè a bai. Ka ba, goɗ lèmèlèmè ara tengaʼa, hodko ma mwuffè!

I Rois 22:6

A bi Israel a mɓic ta ndohi nhadka ma 400, a ngaɗa ta: Amba aman i dè var a Ramoth te Galaad dè, dè i jèkeda dè? A ta gada na: Do, Bi Zhiklè a da pa ta a ri a bai!

I Rois 22:8

A bi Israel a ngaɗa na Josaphat: Ndo ngiɗè a zhè dai man nga slaha nga jhèɗè Ndo nzi pèc pècèk a sam na; aman i ndo shèwa nengaʼa, a hodkoy ma mbelaʼa ka ɓai, sèi ma ambaɓiaʼa. Nengaʼa Michée, kra Jimla. A Josaphat a ngaɗa: Bi do goɗ arsa ɓai!

Néhémie 13:2

a géɗ man ta lamaha ta ndohi Israel a movar a iyam ɓai, a ta baha na Baalam, da phomda Israel; aman Zhiklè a ngwoda ma mphomdaʼa a ma mpshè ma.

Psaumes 109:28

Aman tengaʼa ta dérɗè ndo, – ka, ka pshè ma; a ndohi mpinyè ta ngècè hori a dai; aman ɓèl ngaya da ngots mwuffè.

Proverbes 26:2

Ma man ta phomda ka ambali a vna, a ga ka azɓai; lèmèlèmè ara ngalawi man a hi na, ara bèkbèkau man a hi na.

Ezéchiel 13:6

Ta rka skwi ncèkèlma, ta hadka ncèkèlma, ta gaɗa: Ma Ndo nzi pèc pècèk! Njè-kèm Ndo nzi pèc pècèk a nzlinde ta ka ɓai. Te deɓaʼa ta zhèr aman a da rufa ma tengaʼa.

Michée 6:5

Ndohi ga, va-hur skwi man Balak, bi Moab, a woy a nʼnga kinè, a ma man Balaam, kra Beor, a mʼmbeɗa na a ma, daga Sittim, ha ndè Guilgal; aman a ka shin ngi-zuraʼa Ndo nzi pèc pècèk!

Nombres 22:12

Aman Bi Zhiklè a ngaɗa na Balaam: Ko do a verzi ta bai, ka phomde ta ndohi bai, te man ta ngots mpshè ma.

Nombres 22:17

i woy a i nzal ka a vata, a i da gi skwi tèlèba man ka gadayè: washkè, phomde ta ndohi haha!

Nombres 23:13

A Balak a ngaɗa na: Washkè, a verzi ga, a sam ngiɗè, man ka slaha ka rka ta ndohi tèlèba zuraʼa. A haha ka rka rèta genè, ka rka tèlè ɓai.

Nombres 23:27

A Balak a ngaɗa na Balaam: Washkè dakwa, i de ka a sam ngiɗè. Wa ngiɗè ba a da ambaha Bi Zhiklè, a ka da phomde ta te pa.

Nombres 24:9

Te deɓaʼa a mènèhi ara marizhèlè, ara mam marizhèlè. Nda slambaɗda wa? Ndo man a pshè ka ma, sèi ta pshè na ma; ndo man a phomde ka, sèi da phomda!

Actes 16:16

Aman ngo do a sam ntsi rai, nga zlü gèɗ a ngwoz, ɓèl ngiɗè, mèzhèɓ ambaɓiaʼa man a hodko ma, a ga na. A nhelka ta Suli gani a babgihi na kumba, a gèɗ nhèdè ma nengaʼa.

Deutéronome 23:4

A géɗ man ta va kinè movar a iyam ɓai, a civèɗ, man kin shkè auda te kokwar Egypte; a géɗ man ta ruɓ Balaam, kra Beor, te Pethor, te Mésopotamie, da phomde ka.

Josué 24:9

Te deɓaʼa Balak, kra Tsippor, bi Moab, a nslambaɗa, a ngu var a Israel. A mbaha tia Balaam, kra Beor, aman a phomde kinè.

I Samuel 17:43

Ndo Philistie a ngaɗa na David: I kda dè, aman ka shkè a sam ga a gaɗa? A nzurɗo David a nzlembaɗ zhikhlèhi na.