Nombres 21:34 - Ma Zhiklè

³⁴ Aman Ndo nzi pèc pècèk a ngaɗa na Moise: Ka gu zlau nengaʼa bai, i va ka a ri a ka, a ndohi nengaʼa tèlèba, a kokwar nengaʼa tèlèba: Ka da gi a sam nengaʼa lèmèlèmè ara man ka gu a sam Sihon, bi ndohi Amor, mana nʼnza a Hesbon.

Nombres 21:34 ပူးပေါင်းရင်းမြစ်များ

II Samuel 5:19

David a ndzhoɗo Ndo nzi pèc pècèk, a ngaɗa: I da gu var a ndohi Philistie dè? Ka da pay a ri dè? A Ndo nzi pèc pècèk a mʼmbeɗa na a ma David: Do, i da pa ka ndohi Philistie a rai a vava.

I Rois 20:13

A ndo nhadka ma a nherda na va a Achab, bi Israel, a ngaɗa: Ndo nzi pèc pècèk a goɗ ar haha: Ka rka ndohi rèdèdèa haha dè? A patsna i da pe ta a ri ngaya, a ka da suna, iyè Ndo nzi pèc pècèk.

I Rois 20:28

A ndo Zhiklè a nherda na va a bi Israel, a ngaɗa: Ndo nzi pèc pècèk a goɗ ar haha: A géɗ man ndohi Syrie ta gada: Ndo nzi pèc pècèk, Zhiklè nte za, Zhiklè a dala ka ɓai, i da pe ta ndohi rèdèdèa haha tèlèba a ri ngaya, a kin da suna, i Ndo nzi pèc pècèk.

II Rois 3:18

Aman Ndo nzi pèc pècèk a takaha kinè a vaʼa ba, a da pa ta ndohi Moab a ri a kinè.

Esaie 41:13

Aman iyè, Ndo nzi pèc pècèk, Zhiklè ngaya, man i gs ka te ri mandi ngaya, a i gaɗa ka: Ka gu zlau ɓai, i takaha ka.

Nombres 14:9

Aman kam kam, kin Sala na va a gèɗ a Ndo nzi pèc pècèk bai, kin gu zlau ndohi kokwar sa bai – ta da gi a skwi nga. Skwi mɓer ta azbai, a nga, Ndo nzi pèc pècèk a zhè a nda nga. Kin gu zlau tengaʼa bai!

Nombres 32:4

Nebo a Beon, kokwar man Ndo nzi pèc pècèk a mpa ta a ri ndohi Israel, sam mwèr skwai. Anai ɓèlèlihi kine ta ngots rèwè skwai.

Deutéronome 2:30

Aman Sihon, bi te Hesbon, a woya a va nga civèɗ ɓai. Ndo nzi pèc pècèk, Zhiklè ngaya, a nsala na gèɗ na, a nsassaya ndav na, a woya a nva ka a ri a ka.

Deutéronome 20:3

Israel, tsenaʼa! A patsna kin da gi var a mayamhi kinè. Kin gu zlau ɓai, kin gudzu ɓai, va-gsa ndav kinè, ndav kinè da mbeɗa a sam ta ɓai!

Deutéronome 3:1

A nga ngalda ma nga a civèɗ ndè Basan. Og, bi Basan, a mshkè a ngu var a nga, nengaʼa a ndohi nengaʼa tèlèba, te Edrei.

Deutéronome 3:11

Og, bi Basan, staɗgenè man a mʼmets ɓai, te verzi ndohi Rephaim (sam mʼmènè nengaʼa züdo, na zhè te Rabath, man a Ammon, ngurèa a tsi ri 9, nguzlohaʼa a tsi ri 4).

Deutéronome 31:6

Va-gsa ndav kinè, va-nze taraʼa, kin gu zlau ɓai, kin gudzu ɓai a sam ta! Aman Ndo nzi pèc pècèk Zhiklè kinè, a ri na a dè a tsagi kinè, a jèk kinè azɓai, a pre kinè azɓai.

Deutéronome 7:17

Aman kin da hur te ndav kinè: Ndohi haha mba tengaʼa a iyè, i da dzam ta, kè?

Deutéronome 7:18

Kin gu zlau tengaʼa ɓai! Vo-huro skwi man Ndo nzi pèc pècèk, Zhiklè kinè, a gu a sam Pharaon a Egypte tèlèba;

Deutéronome 7:21

Kin gudzu a sam tengaʼa ɓai, te man Ndo nzi pèc pècèk, Zhiklè kinè, a zhè te ndev kinè, Zhiklè mbiaʼa, mwuɗitpa!

Deutéronome 7:24

A da pa kinè bihi a ri a kinè, a kin zeda ta nzlembaɗ ta a gèɗ herkeda. Ndo azɓai man a da Sala kin va a gèɗ, ha ka gedas ta.

Josué 10:25

A Josué a ngaɗa ta: Kin gu zlau ɓai, kin gudzu ɓai! Va-gu slagama, va-nze taraʼa! Aman Ndo pèc pècèk a da ga ta mayamhi kinè tèlèba man ta gi var a kinè lèmèlèmè arsa.

Josué 10:8

A Ndo nzi pèc pècèk a ngaɗa na Josué: Ka gu zlau tengaʼa ɓai! I va ta a ri a ka. Ko ndo staɗ a slaha a nsala va a sam ngaya ɓai.

Josué 8:7

a kinè ndohi nzliagai kin slambaɗkaɗa a kin duma kokwar, te man Ndo nzi pèc pècèk, Zhiklè kinè, a va kinè kokwar a rai.

Juges 11:30

Jephthé a ngaɗa na ma a hi a Ndo nzi pèc pècèk: Aman ka paka ta ndohi Ammon a ri ga,

I Samuel 23:4

David a ndzhoɗo Ndo nzi pèc pècèk zaʼa, a Ndo nzi pèc pècèk a mʼmbeɗa na a ma: Slambaɗa, do Keila! Aman i da pe ta ndohi Philistie a ri a ka.