Nombres 20:8 - Ma Zhiklè

⁸ Kinè a Aaron, kramam ngaya, vo-co gada a kin ɓic ta mpi ndohai! A kin gada na za, a sam di tengaʼa: Va-ka nga iyam! Gau aman iyam a hakaɗauda te za, a mpi ndohai a skwi tengaʼa da sau!

Nombres 20:8 ပူးပေါင်းရင်းမြစ်များ

Genèse 18:14

Skwi man Ndo nzi pèc pècèk a slaha ɓai, a zhi dè? A tèra aranta i da shkè a deɓa a sam ngaya, a Sara a nʼngots kra nguraʼa.

Néhémie 9:15

Aman mi a nkeɗ ta, ka va ta movar te zhiklè; aman iyam a ndza ta, iyam a hakaɗauda te za. Ka ngra ta, aman ta dè a ta düm kokwar man ka pasla ta ri a hi a mʼmbèɗè.

Psaumes 105:41

A mwinèa za, a iyam a nhakaɗauda, a hi tʼhèshèkèɗ ara woyam.

Psaumes 114:8

Nengaʼa man a nʼngwoda za a woyam mbiaʼa, a nlèlè iyam a nhakaɗauda a gi krengaz.

Psaumes 33:9

Skwi man nengaʼa a ngoɗa, a gi arsa. Skwi man a baha na, a shkè ma.

Exode 14:16

Ka, Zlatseda ri a gada a zhiklè, gudo ri ngaya a géɗ woyam mbiaʼa, ngela iyam te va, a ndohi Israel ta tawaɗaʼa a sam ngworaʼa.

Exode 17:9

A Moise a ngaɗa na Josué: Par ta ndohai, ngurhai, aman angoslèm ka da gi var a ndohi Amalek. Iyè i woy a i nzi a géɗ za, a gada Zhiklè te rai.

Exode 4:17

Ceda gada haha a rai, a ka da gi nrkedihi haha a vna.

Exode 4:2

A Ndo nzi pèc pècèk a ngaɗa na: Nte ri ngaya haha mè? A mʼmbeɗa na a ma: Gada.

Exode 4:20

A Moise a nco ngwoz na, a wudahi na, a mpe ta a deɓ kɗèh, a to do a deɓa a kokwar Egypte. A Moise a nceda gada Zhiklè a rai.

Exode 7:20

A Moise a Aaron ta gu ara man Ndo nzi pèc pècèk a gada ta: Aaron a nzlatseda gada, a ntseda iyam a sam di Pharaon, a golahi nengaʼa, a iyam te woyam Nil, iyam tèlèba, a ngwoda va na a Pombaz.

Esaie 43:20

Skwi dak ta da sle-bardyè, nvalaval a zhèrèu. Aman i kèl iyam tʼhèshèkèɗ, a woyam a tsohi-tsoh, a i va ta iyam nsai a ndohi man i par ta,

Esaie 48:21

Nengaʼa a nde ta a civèɗ hèshèkèɗ, iyam a ndza ta ɓai. A ncizla za, a iyam a hakaɗauda.

Nombres 20:11

A Moise a ntsau za a gada, sak cèw. A iyam a ndzurvkaɗauda a vata, a mpi ndohai ta siaʼa, a skwi ta ta siaʼa.

Nombres 20:7

Ndo nzi pèc pècèk a ngaɗa na Moise:

Nombres 21:15

a slrats ndè a ma woyam Amon, a nsurpoloh a ma slratshai man ta hinè te Ar, ha ndè a ma kokwar Moab.

Nombres 21:18

Thal, man bihi ta raʼa, man mbibihiaʼa te ndev ndohai ta kala a gada bi ta, a gada nshèwèlè ta! Te Beer to do a ma ma a Matthana.

Matthew 21:21

Yèsu a mʼmbeɗa ta a ma: A vava, i gaɗa kinè: Aman kin ce a ndav, a kin pi gèɗ cèw azɓai, kin da gi nrkedi kslor genè ka ɓai; aman kin gaɗa na za haha: Ca na va ngaya auda a ka kal ngaya a iyam mbiaʼa! A gi arsa.

Luke 11:13

Ani haha kinè, ndohi ambaɓihiaʼa, kin sun nvi skwi man amba a wudahi kinè. Bab kinè te zhiklè a fenaʼa, aman a va ta Mèzhèɓ Zhiklè nkezlaʼa a tengaʼa man ta jhèɗèʼa. (Mt. 12, 22-30; Marc 3, 19-27)

Jean 16:24

Ha nshkè na ma a mpatsna, kin dzhaɗa skwi a nzlembaɗ ga ɓai. Vo-dzhoɗo, a kin ngècèʼa, a mwuffè kinè a gi jèlèlèʼa.

Actes 1:14

Tengahi tèlèba ta humda te nher gèɗ staɗ te ntsi ri pèc pècèk a nda ngwozai, a Marie, mam Yèsu, a kramamhi Yèsu.

Josué 6:20

A ndohi ta hüno nguzli var, a ta tsu tolom. Aman ndohi mvi skwi a Zhiklè ta tsu tolom, ndohi ta tsu lalau var mbiaʼa, a zlazlar Jéricho a mʼmbeɗ na a nasanasa, a ndohi ta teva a kokwar, staɗ staɗ tèlèba zuraʼa a ma na a ta duma kokwar.

Josué 6:5

Aman ta da tsi tolom nslhaʼa, a kin da tsena ntsi tolom, ndohi tèlèba sèi ta tsi lalau var mbiaʼa. Te deɓaʼa zlazlar kokwar a da mbeɗ na a nasanasa, a ndohi ta da tivè a pa, staɗ staɗ a dè a pa a sam man a nzlatsa a pa.

Apocalypse 22:1

Te deɓaʼa a nʼngray woyam mbiaʼa a iyam nshèffè nkéɗècèʼa, man a shkè auda a sam nʼnzi Bi Zhiklè a kra tambak.

Apocalypse 22:17

A Mèzhèɓ Zhiklè a medemi ta gada: Washkè! A ndo man a tsenaʼa, da goɗ: Washkè! A ndo man iyam a dza na, da shkè. Ko wawa man a woyaʼa, da co iyam nshèffè, ambalai.