Nombres 19:13 - Ma Zhiklè

¹³ Ko wawa man a lama na nckondo wawa, a pènè va na azɓai, a lizhè gi Ndo nzi pèc pècèk. Ta da zede nshèffè ndo matsa te va ndohi Israel. A gèɗ man ta guca iyam mpèn malai a va nengaʼa ɓai, a nzi ara ndo nlizhèa, a skwi nlizhèa a zhè a va nengaʼa dai.

Nombres 19:13 ပူးပေါင်းရင်းမြစ်များ

Exode 30:33

Ndo man a ntsakasla, man mizlinè nengaʼa ka bai, ndo man a tsaka na ndo a dala, da gedassedaussa te va gwoli na.

Proverbes 14:32

Ndo ambaɓiaʼa, shèwa nengaʼa a kaldahai; aman ndo nzuraʼa a ngècè sam na nlèaʼa, ko te mʼmetsai.

Ezéchiel 44:26

Te deɓ man ntila va na ma, sèi ta ngrè mʼmèn 7.

Lèv. 15:31

Aranta sèi kin pan ta ndohi Israel te skwi nlizhèa, man bai ta metsi ta, a géɗ skwi man a lizhè va ta, a ta lizhè gi ga man a zhè te ndev tengaʼa a vna.

Lèv. 20:3

I ngwoda na gèɗ a va ndo sa, a i zedkoɗauda te va ndohi na, a gèɗ man a mva na kra na staɗ a Moloc, a lizhè sam ga nkezlaʼa, a dérɗè nzlembaɗ ga nkezlaʼa.

Lèv. 22:3

Gaɗa ta: Aman a ma ma ndo ngiɗè a zhè te verzi kinè, man a herdekay va a skwi nkezlaʼa, man ndohi Israel ta va na Zhiklè, a va nlizhèa, sèi ta zedkoɗauda a sam di ga. Iyè Ndo nzi pèc pècèk.

Lèv. 22:4

Ko wawa te verzi Aaron man hutsoɗ a va, man mblè a va man a zlèzlèyè, da ndau skwi nkezla ɓai, ha va nengaʼa mpana dai. Ko wawa man a lama na ndo ngiɗè man a lizhè va na a sam nckondo, man a bada iyam va a va,

Lèv. 5:17

Ko wawa man a gi malai, a ntawaɗaha ma nkwèr Ndo nzi pèc pècèk, nsenaha bai, a ngau skwi ambaɓiaʼa, mali a gèɗ na.

Lèv. 5:3

Man bai, man ndo ngiɗè a lama na skwi nlizhèa a va ndo ngiɗè – skwi mèmè man a lizhè ndo – nsenaha bai, aman te deɓaʼa a suna a ngaɗa i lama na skwi nlizhèa, malai a gèɗ na.

Lèv. 5:6

Te deɓaʼa da va na skwi a Ndo nzi pèc pècèk a gèɗ mali man a gau, a pil gèɗ: skwi kudom nkèshèa, te va demaʼa, gar tambak, gar ɓok, a géɗ malai. Aranta ndo mvi skwi a Zhiklè a ngatsa na skwi mpil gèɗ a géɗ mali man a gau.

Lèv. 7:20

Aman ndo man a ndi zluèɗ skwi man ta va na Zhiklè te pombai, a ndav nlizhèa, sèi da zedkoɗauda te va gwoli na.

Lèv. 7:21

A ndo man a lama na skwi nlizhèa, ko ndo man skwi a nlizhèa a va na ko skwi kudom nlizhèa, ko skwi nda a hwaɗ nlizhèa, a ndi zluèɗ man ta va na Zhiklè te pombai, sèi da zedkoɗauda te va gwoli na.

Nombres 15:30

Aman ndo ngiɗè a sun a ngaɗa malai, ko ndo kokwar, ko ndo mbrok, a ndurɗo Ndo nzi pèc pècèk. Ta da kéɗèʼa te ndev ndohi na.

Nombres 19:14

Na haha ma kita: aman ndo ngiɗè a mʼmets na a gai, ko wawa man a dè a gai a skwi tèlèba man a zhè te gai, nlizhèa mʼmèn tsaraɗ.

Nombres 19:18

Te deɓaʼa ndo man nlizhɓai da co hysope, da natseda a iyam, da guceda a gai, a kolongwai, a ndohi tèlèba a pa, a ndo man a lama na vatasl nckondo, man ɓai ndo man a mets na, man ɓai gi dzavai.

Nombres 19:19

Ndo man nlizhɓai da guceda a va ndo nlizhèa te mʼmèn mamakraʼa, te mʼmèn matsaradaʼa. Te mʼmèn matsaraɗaʼa, mali nengaʼa mpana. A nengaʼa a pènè maslaka nengaʼa, a pènè va nengaʼa te iyam. A dakwad, nlizhè asaɓai.

Nombres 19:20

Aman ndo man nlizhèa, a pènè mali nengaʼa azɓai, sèi ta zede nshèffè nengaʼa auda te va mpi ndohai, te man a lizhè sam nkezlaʼa a Ndo nzi pèc pècèk; ta guceda iyam mpèn malai a va nengaʼa ɓai.

Nombres 19:9

A ndo man nlizhɓai, da ɓica mèrwèc zlèʼa, da feda a dal kokwar, a sam man nlizhɓai. A gi a skwi mpèn malai a sam mpi ndohi Israel, nara skwi mpil gèɗ.

Nombres 8:7

Aman ka til ta, gu aranta: Guca ta iyam mprè malai a va, a ka shèma ta gwots auda a va tèlèba. A ta pana maslaka ta, a ta tila va ta arsa.

Nombres 9:13

Ndo man va nengaʼa nlizhɓai, nʼnda nshèwèlè dra bai, aman a pats ngolala Pâque a gi ngolala Pâque azɓai, sèi ta keɗaʼa te va gwoli na, te man nengaʼa a mva na skwi a Zhiklè a pats man a dzhoɗ ɓai. Ndo aranta a feda mali a gèɗ na.

Jean 8:24

Gar haha i gaɗa kinè, kin da metsi kinè te mali kinè. Aman kin cè a ndav kinè ɓai, i nengaʼa, kin da metsi kinè te mali kinè.

Hébreux 10:29

Va-huro, kita mbiaʼa holholaʼa ndo a ngècèʼa, aman a mbatsaha kra Zhiklè a sak, a nrka Pombaz nderzlè-ma, te nengaʼa man a gaʼa a ndo nkezlaʼa, ara skwi nlizhèa, a nderɗe Mèzhèɓ pombi Zhiklè.

Hébreux 9:10

Nengaʼa ma nkwèr a géɗ va ndo genè, a géɗ skwi nʼndai, iyam nsai, mpèn va man ndohi ta giaʼa, ha pats man skwi ntila zura ma.

Apocalypse 21:8

Aman ndohi zlau, a ndohi man ta ca a ndav ɓai, a metsarhai, a ndohi nkéɗè ndo, a ndohi mphömè, a ndohi mʼmbèh skwai, a ndohi vrai, a ndohi ncèkèlma tèlèba, skwi man ta ngècèʼa nte vèvèɗ vogwa, man vogwa a skwi nvècè vogwa te pa: nasa mʼmetsi macecèwaʼa.

Apocalypse 22:11

Ndo man a gi skwi ambaɓiaʼa, da gu ambaɓi a ma ma. Ndo man nlizhèʼa, da lüzho a ma ma. Ndo man a gi zuraʼa, da gu zuraʼa a ma ma. Ndo man ndav nengaʼa nkezlaʼa, da gu aman ndav nengaʼa nkezla a ma ma.

Apocalypse 22:15

Kdadihai, ndohi mʼmbèh skwai, ndohi mphömè, ndohi nkeɗ ndo, ndohi vrai, ndo staɗ staɗ tèlèba man a cèkèlma te ngèɗè, te skwi man ta giaʼa, ta tʼuda.