Nombres 18:8 - Ma Zhiklè

⁸ Te deɓaʼa Ndo nzi pèc pècèk a ngaɗa na Aaron: Ka ɓer skwi man ta co auda a ta vayè, skwi nkezlaʼa tèlèba, man ndohi Israel ta vayè. Kinè a wudahi ngaya kin ngècè a skwi kinè, na haha ma nkwèr ga a mèdèp.

Nombres 18:8 ပူးပေါင်းရင်းမြစ်များ

II Rois 12:16

Suli skwi man ta zhi a gèɗ malai, a géɗ mprè malai, ta feda a gi Zhiklè ɓai. Ndohi mvi skwi a Zhiklè ta ngotso.

II Chroniques 31:4

A ngaɗa ta ndohai, a ndohi Jérusalem, aman ta va ta di skwi ta a ndohi mvi skwi a Zhiklè a ndohi Lévi, a ta jèjèr ma kita Ndo nzi pèc pècèk zuraʼa.

II Chroniques 31:5

Aman ta ɓica skwi ma, ndohi Israel ta pu tsuvom skwi ta kumba: dau a marorai a mbar a vongwom, a skwi te gi dau tèlèba. Ta cko skwi 1 auda te va 10 tèlèba kumba.

Exode 28:43

A Aaron a wudahi nengaʼa ta viaʼa a va, aman ta de a gi nkezlaʼa, aman ta dè a sam mvi skwi a Zhiklè, a ta gi mizlinè a sam nkezlaʼa, aman ta fi mali a gèɗ ta azbai, a ta metsi azbai. Sèi ta gi aranta ndèzl, nengaʼa a ndohi verzi tengaʼa pèc pècèk.

Exode 29:21

Te deɓaʼa co Pombaz a gèɗ sam mvi skwi a Zhikiè, a mbar man ta fèdè a skwai, kètè, a ka guca na va Aaron a maslaka nengaʼa, a va wudahi nengaʼa, a va maslaka tengaʼa ba, a ta pia a mizlinè Zhikiè, nengaʼa a nda maslaka nengaʼa, a wudahi nengaʼa a nda maslaka tengaʼa.

Exode 29:28

Ndohi Israel sèi ta gi arsa ndèzl, pèc pècèk, a Aaron a wudahi nengaʼa ta ngècè skwi te pa. Nengaʼa skwi man ta tsakala a ta va na Ndo nzi pèc pècèk, a ta cè auda a sam skwi man ndohi Israel ta va na te pombai.

Exode 29:29

Maslaka Aaron nkezlaʼa, wudahi nengaʼa ta da ngècè te deɓaʼa, a ta feda a va, man ta faɗa ta mbar a gèɗ, a ta pe ta a mizlinè ndohi mvi skwi a Zhiklè.

Exode 40:13

a ka va na maslaka nkezlaʼa a va Aaron, a ka faɗa na mbar a gèɗ, a ka pu a mizlinè Zhiklè, aman a gi a ndo mvi skwi a Zhiklè a sam ga.

Exode 40:15

Te deɓaʼa ka faɗa ta mbar a gèɗ, ara man ka faɗa na mbar a gèɗ a bab ta, a ta gi a ndohi mvi skwi a Zhiklè a sam ga. Aman ka faɗa ta mbar a gèɗ, a ka pe ta a mizlinè mvi skwi a Zhiklè a mèdèp, a ndè a ma ma te verzi tengaʼa tèlèba.

Esaie 10:27

A pats nasa skwi nʼnzala ka a deɓa, a dè auda a deɓ ngaya. Wof te daʼai ngaya a kelèwè auda.

Lèv. 21:10

Bi ndohi mvi skwi a Zhiklè te ndev kramamhi na, ndo man ta bada na mbar a gèɗ, a ta ndha na skwi a rai, man a feda maslaka nkezlaʼa a va, da cko skwaʼa auda te gèɗ bai, da kuratsa maslaka na bai.

Lèv. 23:20

A ndo mvi skwi a Zhiklè da geda na gèɗ a sam Ndo nzi pèc pècèk, a va tsuvom movar, a wud tambaki cèw. Sèi ta va na Ndo nzi pèc pècèk, a ndo mvi skwi a Zhiklè a ngècèʼa.

Lèv. 6:16

Movar man ndo mvi skwi a Zhiklè a viaʼa, vogwa da ndau tèlèba. Da ndaha ɓai!

Lèv. 6:18

Gada ta nda Aaron a wudahi nengaʼa aranta: Na haha ma nkwèr a géɗ skwi man kin via a géɗ malai. A sam man ta zlèh skwi man ta ndara na a Ndo nzi pèc pècèk, ta zlèh skwi man ta va na a géɗ mali ba. Nasa skwi nkezli nkezlaʼa.

Lèv. 6:20

Ko wawa man a lama na zluèɗ skwi nzlahaʼa, nkezla mènè. Aman pombaz a ndzerɗa na a maslaka, sèi kin pana maslaka man pombaz a ndzerɗaha a sam nkezlaʼa.

Lèv. 7:14

Te va skwi tèlèba man a va na Ndo nzi pèc pè-cèk, da ckoɗauda staɗ staɗ. Nasa a ndo mvi skwi a Zhiklè man a guceda Pombaz skwi man a vau te pombai.

Lèv. 7:28

Ndo nzi pèc pècèk a ngaɗa na Moise:

Lèv. 7:6

Te verzi ndohi mvi skwi a Zhiklè, ngurhi tèlèba, ta ndiaʼa. Da ndau a sam nkezlaʼa. Nasa skwi nkezli nkezlaʼa.

Lèv. 8:30

Te deɓaʼa Moise a nco mbar kètè, a Pombaz kètè, a sam mvi skwi a Zhiklè, a nguca na va Aaron a maslaka na, a va wudahi na a maslaka ta.

Nombres 18:9

Te va skwi nkezli nkezlaʼa, man ta ndara bai: Movar man ta viaʼa, skwi man ta zloho a géɗ malai a mphömè, skwi man ta vayè te diaʼa, skwi haha a ngaya. Skwi haha kinè a wudahi ngaya kin ngècèʼa a skwi nkezlaʼa.

Nombres 5:9

A skwi man ta tsakala te va skwi nkezlaʼa tèlèba, man ta va na Zhiklè, man ndohi Israel ta ckoɗa a sam ndo mvi skwi a Zhiklè, ndo mvi skwi a Zhiklè a ngècèʼa.

1 Corinthians 9:13

Kin sun ɓi ɗè, ndohi man ta gi mizlinè te gi Zhiklè a ta vi skwi a Zhiklè, ta nda te skwi man ta va na Zhiklè.

Deutéronome 12:11

te deɓaʼa va-hulko skwi tèlèba man ijhèɗè a sam kinè, a sam man Ndo nzi pèc pècèk, Zhiklè kinè, a ngotskoɗauda, aman nzlembaɗ na a nzi a pa: skwi man kin ndarayè, a kin zlayè; skwi 1 te va 10; skwi man kin co auda; skwi kinè mparaʼa tèlèba man kin gaɗa na hi a Ndo nzi pèc pècèk;

Deutéronome 12:6

A kin ndi skwi te pa, man kin ndara na, a kin zla na, skwi staɗ te va kula; skwi man kin co auda a kin va na Zhiklè; skwi man kin gaɗdahai; a skwi man kin tsakala ncèkèlè; a tsuvom skwai, ko zlè ko tambak.

Deutéronome 18:1

Ndohi mvi skwi a Zhiklè, ndohi Lévi, ndohi teverzi Lévi tèlèba, ta ngècè skwi nʼndi gai ara Israel azɓai. Ta ngècè skwi nʼndai a sam nʼndèr skwi a Zhiklè man ta slébèrdè Ndo nzi pèc pè-cèk a vna, a sam skwi nʼndi gi Ndo nzi pèc pècèk.

Deutéronome 26:13

Ka da gaɗa na Ndo nzi pèc pècèk, Zhiklè ngaya: Skwi nkezlaʼa i co auda te gi ga, a i va na ndo Lévi, ndo man verzi na tsaɗ, a kra dikai, a ngwoz mazai, ara man ka gaɗayè tèlèba. Ma nkwèr ngaya i tawaɗaha ɓai, mpcayè a gèɗ ɓai.

Hébreux 1:9

Ngi zuraʼa ambaha ka, ka gi shèwa a malai. Gar haha Zhiklè ngaya a faɗa ka mbar a gèɗ, mbar mwuffè, aman ndo ngiɗè a tsagi ngaya a ngècè arsa azɓai.

1 John 2:20

Aman kin ngots Mèzhèɓ Zhiklè, a kin nza te nengaʼa nkezlaʼa, a kin tèlèba kin sun ma nzuraʼa.

1 John 2:27

A Mèzhèɓ Zhiklè man kin ngotso te ri nengaʼa a nzi a sam kinè; ko man ndo ngiɗè a slebda kinè ɓai, Mèzhèɓ man kin ngotso a senda kinè skwi tèlèba, zuraʼa, ncèkèlma ka ɓai. Ara man Mèzhèɓ Zhiklè a senda kinè, va-nza te nengaʼa!