Nombres 18:7 - Ma Zhiklè

⁷ Kinè a wudahi ngaya, kin nzi a sam mizlinè mvi skwi a Zhiklè kinè. Mizlinè a sam mvi skwi a Zhiklè, a mizlinè tʼhwaɗaʼa, te gi nkezli nkezlaʼa, kinè, kin giaʼa. I va kinè mizlinè mvi skwi a Zhiklè a rai. Aman ndo ngiɗè man i fa a mizlinè ɓai, a da herda na va, sèi ta keɗaʼa.

Nombres 18:7 ပူးပေါင်းရင်းမြစ်များ

Psaumes 115:10

Ndohi gi Aaron, va-pu ndav a Ndo nzi pèc pècèk! Nengaʼa a takaha ta, nengaʼa gambar ta.

Exode 28:1

Gada na Aaron, kramam ngaya, wudahi nengaʼa, a ta shkè auda te va ndohi Israel, a ta zlècè a sam ngaya, a ta ndi a ndohi mvi skwi a Zhiklè. Aaron a wudahi nengaʼa: Nadab, Abihu, Eleazar, a Ithamar.

Exode 29:9

mana ta deɓa, Aaron a wudahi nengaʼa, a skwi deɓa, va ta pokwa a gèɗ; aman sèi ta gi a ndohi mvi skwi a Zhikiè pèc pècèk ndèzl. Te deɓaʼa ndha ta ri a Aaron a wudahi nengaʼa.

Ezéchiel 44:15

Aman ndohi mvi skwi a Zhiklè Lévi, te verzi Tsadok, man ta dzodzor ma nkwèr ga a sam nkezlaʼa, te va man ndohi Israel ta zlak ta a sam ga, tengaʼa ta da herdekay va, a ta gi mizlinè ga, a ta shkè a sam ga, aman ta vay mbeza a Pombaz, Bi Zhiklè a gaɗa.

Ezéchiel 44:16

Tengaʼa ta dè a sam ga nkezlaʼa ta da herda va a table ga, man ta gi mizlinè ga. Ta da jèjèr ma nkwèr ga.

Ezéchiel 44:8

A kin fa na gèɗ a mizlinè ga nkezlaʼa ɓai; kin va ta a ri ndohi ngiɗè, aman ta gi mizlinè a sam ga nkezlaʼa.

Lèv. 16:2

Gada na Aaron, kramam ngaya, do do a sam nkezlaʼa a deb maslaka, a sam skwi mpizlè ma koti pèc pècèk bai. Man bai a da metsi na, aman i da zhè a gèɗ skwi mpizlè ma koti.

Lèv. 7:35

Nasa skwi man Aaron a wudahi nengaʼa ta ngècè te va skwi man ndohi ta va na Zhiklè te vogwa, man ta ngots a pats man ta pe ta a mizlinè mvi skwi a Zhiklè.

Nombres 1:51

Aman ta da gi nkezlaʼa a ma ma, sèi ndohi Lévi ta pra na auda a sam man ta nza a pa; a ndohi Lévi ta gi a pa. Aman ndo man ta fa a mizlinè sa bai, a giaʼa, sèi ta keɗaʼa.

Nombres 16:40

Nasa skwi malwudai aman ndohi Israel ta hérèʼa, aman ndo man ta fa a mizlinè ɓai, ndo man te verzi Aaron ka ɓai, da herda na va a Ndo nzi pèc pècèk ɓai, aman a da ndara na ɓurdi; man ɓai a da gi a sam ta lèmèlèmè ara a sam Koré a ndohi nengaʼa, ara man Ndo nzi pèc pècèk a gada na te ma Moise.

Nombres 18:20

Te deɓaʼa Ndo nzi pèc pècèk a ngaɗa na Aaron: Ka ngècè skwi nʼndi gi te kokwar haha azbai; skwi ngaya a te ndev tengaʼa bai. Iyè skwi ngaya; iyè skwi nʼndi gi ngaya te va ndohi Israel.

Nombres 18:3

A tawèrdi mizlinèasam ngaya, a sam gi tèlèba; aman da herdeka na va a kolongwi nkezlaʼa bai, ko sam mvi skwi a Zhiklè; man bai kin metsi kinè a nda tengaʼa.

Nombres 3:10

A ka pe ta nda Aaron a wudahi nengaʼa a mizlinè, a ta gi mizlinè mvi skwi a Zhiklè. Aman ndo ngiɗè man ta fa a mizlinè bai, a giaʼa, sèi ta keɗaʼa.

Nombres 3:38

A Moise a Aaron a wudahi nengaʼa ta mana a ma gi nkezlaʼa, te civèɗ mveng pats, a ma gi mɓicè-va, a ta gu mizlinè a sam nkezlaʼa, mizlinè ndohi Israel tèlèba. Aman ndo ngiɗè man ta fa a mizlinè ɓai, a ngau, ta keɗaʼa.

Matthew 10:8

Va-mbel ta ndohi matakwan, va-suɗ ta ndohi hutsoɗ, va-slambaɗde ta ndohi mʼmetsaʼa, va-dzar ta madzagihi auda! Kin ngots ambalai, va-va ta ambali ba.

Jean 3:27

Jean a mʼmbeɗa ta a ma: Ndo a slaha a ngècè skwi azɓai, man Zhi-klè a nva na ɓai.

Ephésiens 3:8

A mvay skwi haha a iyè, ntabaw ndohi Zhiklè tèlèba, aman i njè ta mèshèlè Kristi, man a ndev ɓai, a ndohi nte deɓa,

Deutéronome 18:2

Ta ngècè skwi nʼndi gai te ndev kramamhi ta azɓai. Ndo nzi pèc pècèk, nengaʼa skwi nʼndi gi ta, ara man a gaɗa ta.

Hébreux 5:4

Ndo a slaha a nslébèrdè va na, man a gaɗa: ‘i bi ndohi mvi skwi a Zhiklè’, azɓai, sèi Zhiklè a mbaha na, lèmèlèmè ara Aaron.

Josué 18:7

Aman ndohi Lévi ta ngècè skwi a sam kinè azɓai, te man mizlinè mvi skwi a Zhiklè te ri ta, nasa nʼndi gi tengaʼa. A Gad, Ruben a ndohi Manassé rètaʼa ta ngots skwi nʼndi gi tengaʼa te wud woyam Jourdain, te civèɗ mvèng pats, man Moise, ɓèl Ndo nzi pèc pècèk, a mva ta.

1 Peter 5:2

Va-war rèwè ndohi Zhiklè man ta va kinè a rai, ara Zhiklè man a woyaʼa, a ndav amba, te man ta fa kinè a gèɗ ka ɓai, a géɗ Suli ka ɓai, aman a géɗ man kin woya a ndav kinè;

1 Peter 5:3

a ngi bi a géɗ ndohi Zhiklè kinè ka ɓai, aman va-nza ara ndohai, man rèwè ndohi Zhiklè ta slaha a ta lèmdè va a kinè.

I Samuel 2:28

A i parka ta te pa, te va ndohi verzi Israel tèlèba, a ta gi mizlinè mvi skwi a Zhiklè a sam ga, a ta shkè a sam ga, a sam mvi skwi a Zhiklè, a ta fi vogwa a skwi man ta ndarayè, a ta fi maslaka Ephod ga a va. A i va ta mizlinè nzlèhè skwi a Zhiklè ndohi Israel tèlèba a ri a ndohi te gi bab ngaya.