Nombres 18:3 - Ma Zhiklè

³ A tawèrdi mizlinèasam ngaya, a sam gi tèlèba; aman da herdeka na va a kolongwi nkezlaʼa bai, ko sam mvi skwi a Zhiklè; man bai kin metsi kinè a nda tengaʼa.

Nombres 18:3 ပူးပေါင်းရင်းမြစ်များ

Ezéchiel 44:13

Da shkè a sam ga, aman ta gi mizlinè a sam ga bai, da herda na va a sam ga nkezlaʼa bai, a sam skwi nkezli nkezlaʼa. Nasa mali ta a géɗ skwi hori man ta gau.

Nombres 1:51

Aman ta da gi nkezlaʼa a ma ma, sèi ndohi Lévi ta pra na auda a sam man ta nza a pa; a ndohi Lévi ta gi a pa. Aman ndo man ta fa a mizlinè sa bai, a giaʼa, sèi ta keɗaʼa.

Nombres 1:53

Aman ndohi Lévi da mana a tsagi gi nkezlaʼa, man bai ndzoan ga a shkè a géɗ mpi ndohi Israel. Ndohi Lévi da gu mizlinè te gi nkezlaʼa arsa!

Nombres 16:40

Nasa skwi malwudai aman ndohi Israel ta hérèʼa, aman ndo man ta fa a mizlinè ɓai, ndo man te verzi Aaron ka ɓai, da herda na va a Ndo nzi pèc pècèk ɓai, aman a da ndara na ɓurdi; man ɓai a da gi a sam ta lèmèlèmè ara a sam Koré a ndohi nengaʼa, ara man Ndo nzi pèc pècèk a gada na te ma Moise.

Nombres 18:4

Sèi ta humda va a ka, a ta takaha ka a sam mizlinè gi Zhiklè. Ndo ngiɗè, man ta fa a mizlinè ɓai, da herdeka kinè va bai!

Nombres 18:7

Kinè a wudahi ngaya, kin nzi a sam mizlinè mvi skwi a Zhiklè kinè. Mizlinè a sam mvi skwi a Zhiklè, a mizlinè tʼhwaɗaʼa, te gi nkezli nkezlaʼa, kinè, kin giaʼa. I va kinè mizlinè mvi skwi a Zhiklè a rai. Aman ndo ngiɗè man i fa a mizlinè ɓai, a da herda na va, sèi ta keɗaʼa.

Nombres 3:25

Mizline ndohi Guershon a sam gi mɓicè-va: ta til gai, a maslaka, a géɗ gai, a maslaka a ntamagai,

Nombres 3:31

Tengaʼa ta gu mizlinè a sam koti ma kita, a sam table, a sam skwi nfi vogwa, a samhi mvi skwi a Zhiklè, a sam kolongwi man ta gu mizlinè a vna a sam nkezlaʼa, a maslaka a sam nkezli nkezlaʼa, a mizlinè nengaʼa tèlèba.

Nombres 3:36

Ta pe ta ndohi Merari a mizlinè wof, wof gai a skwi nderzlè ntamagai, a sak gai ngurgurèa, a sak gai ntüsltüslèa, a kolongwi, a mizlinè sa tèlèba;

Nombres 31:30

Te va rèta ngiɗè, man ndohi Israel ta ngotso, ka co auda te va 50, staɗ, ko ndohai, ko zlè, ko kɗèh, ko tambak, skwi kudom tèlèba, a ka pa ta ndohi Lévi man ta ɓer gi Ndo nzi pèc pècèk.

Nombres 4:15

Aman ndohi Israel ta dè a ma ma, a Aaron a wudahi nengaʼa ta ɓicè kolongwi nkezlaʼa tèlèba ma, a ta paɗda kolongi mizlinè nengaʼa a pa tèlèba, ndohi Kehath ta shkè a ta zhüɓèʼa. Aman sèi da lama na skwi nkezlaʼa ɓai, man ɓai ta mets ta. Nasa mizlinè ndohi Kehath a sam gi mɓicè-va.