Nombres 18:22 - Ma Zhiklè

²² A ndohi Israel ta herda na va a gi nkezlaʼa ani asaɓai, man bai ta gi mali a ta bazl ta.

Nombres 18:22 ပူးပေါင်းရင်းမြစ်များ

Exode 28:43

A Aaron a wudahi nengaʼa ta viaʼa a va, aman ta de a gi nkezlaʼa, aman ta dè a sam mvi skwi a Zhiklè, a ta gi mizlinè a sam nkezlaʼa, aman ta fi mali a gèɗ ta azbai, a ta metsi azbai. Sèi ta gi aranta ndèzl, nengaʼa a ndohi verzi tengaʼa pèc pècèk.

Lèv. 20:20

Ndo man a mana na va ngwoz kramam bab na, a derɗa gwoli na. Ta fi mali a gèɗ ta, ta bèzl ta, te delai.

Lèv. 22:9

Sèi ta jèjèr ma kita ga, a ta fi mali a gèɗ ta azɓai a géɗ skwi nkezlaʼa, man ɓai ta metsi ta, te man ta derɗaʼa. Iyè Ndo nzi pèc pècèk, man i ga ta a ndohi nkezlaʼa.

Nombres 18:7

Kinè a wudahi ngaya, kin nzi a sam mizlinè mvi skwi a Zhiklè kinè. Mizlinè a sam mvi skwi a Zhiklè, a mizlinè tʼhwaɗaʼa, te gi nkezli nkezlaʼa, kinè, kin giaʼa. I va kinè mizlinè mvi skwi a Zhiklè a rai. Aman ndo ngiɗè man i fa a mizlinè ɓai, a da herda na va, sèi ta keɗaʼa.

Nombres 3:10

A ka pe ta nda Aaron a wudahi nengaʼa a mizlinè, a ta gi mizlinè mvi skwi a Zhiklè. Aman ndo ngiɗè man ta fa a mizlinè bai, a giaʼa, sèi ta keɗaʼa.

Nombres 3:38

A Moise a Aaron a wudahi nengaʼa ta mana a ma gi nkezlaʼa, te civèɗ mveng pats, a ma gi mɓicè-va, a ta gu mizlinè a sam nkezlaʼa, mizlinè ndohi Israel tèlèba. Aman ndo ngiɗè man ta fa a mizlinè ɓai, a ngau, ta keɗaʼa.