Nombres 18:15 - Ma Zhiklè

¹⁵ Tsuvom tèlèba man ta va na Zhiklè, ko ndo, ko skwi ndzham, a ngaya. Aman tsuvom ndohai, a tsuvom skwi ndzham man Zhiklè a sla na nlizhèa, sèi ka humbaɗda.

Nombres 18:15 ပူးပေါင်းရင်းမြစ်များ

II Rois 12:5

ndohi mvi skwi a Zhiklè ta hilèʼa, ngiɗè a hilè a sam gwoli na, ngiɗè a hilè a sam gwoli na, a ta til gi Zhiklè a vna, a sam man a ngedassa a pa mènè.

Néhémie 10:37

Gufa nga nkerɗa dernènènèʼa, nyi géɗ wof tsaɗ tsaɗ tèlèba, iyam nyi wof, a mbar, nga da hulkoɗi a wov te gi Zhiklè nga. A skwi staɗ te va skwi 10 man nga puzo, nga hulkoɗa sam ndohi Lévi. Ndohi Lévi ta cè-kèlèʼa, skwi staɗ te va 10 te kokwar man nga pizhè tèlèba.

Exode 13:15

Aman Pharaon a woya a nva ta civèɗ ɓai, a tsena gèɗ ɓai, Ndo nzi pèc pècèk a mbazl ta tsuvomhi te kokwar Egypte tèlèba, tsuvom ndohai, a tsuvom skwai; gar haha i zla na skwi tèlèba, tsuvom skwai, man ngurhiaʼa, a Ndo nzi pèc pècèk. Tsuvom wud ngurhi ga, i humbèɗèʼa.

Exode 13:2

Vay tsuvom ndohi Israel tèlèba, skwi nkaldeka ma hai tèlèba, ndohai a skwihai, a ga ga.

Exode 22:29

Dau te wov ngaya, iyam nyi wof te duzlak ngaya, mbar te gatsak ngaya, ka ngheda bai! Vay tsuvom ngaya!

Exode 34:20

Tsuvom kɗèh ngaya, ka humbèdè a kra tambak; aman ka woy a ka humbèdè azbai, momorɓoslama na daʼai. Tsuvom wudahi ngaya tèlèba, ka humbèɗèʼa. A ta shkè a sam di ga azbai, man skwa te ri bai.

Nombres 18:16

Ka humbaɗ ta, a hün daga man ki staɗ, a ndè a ma ma, a gurso 20, ara skwi nlivè nkezlaʼa.

Nombres 3:13

Te man tsuvomaʼa staɗ staɗ tèlèba, a ga ga. A pats man i bazl ta tsuvomhi te kokwar Egypte tèlèba, i ge ta tsuvomhi te Israel tèlèba a ndohi nkezlaʼa man a ga ga, a ndo ba a skwi ba, aman a ga. Iyè Ndo nzi pèc pècèk.

Nombres 3:46

Mba tengaʼa a ndohi Lévi, ta nger ta 273.

Deutéronome 15:19

Ka da va na skwi nkaldeka ma hai tèlèba a Ndo nzi pèc pècèk, Zhiklè ngaya, nguraʼa tèlèba, ko te skwi mbiaʼa, ko te skwi nkèshèa. Ka pizhè a tsuvom zlè ngaya azɓai, ka zli gwots tsuvom tambak azɓai.