Nombres 16:28 - Ma Zhiklè

²⁸ A Moise a ngaɗa: Te skwi haha sèi kin suna, Ndo nzi pèc pècèk a nzlindekayè, aman a i gi skwi haha tèlèba, iyè a ri ga kaɓai.

Nombres 16:28 ပူးပေါင်းရင်းမြစ်များ

I Rois 18:36

Tidè samaʼa man ta vi skwi a Zhiklè, Elie ndo nhadka ma Zhiklè, a nherdeka va, a ntsu rai: Ndo nzi pèc pècèk, Zhiklè Abraham, Isaac a Israel, ngreda ta a patsna, aman ka Zhiklè Israel, a iyè i ɓèl ngaya, a i gi skwi haha tèlèba ara man ka gadayè.

Exode 3:12

A nengaʼa a ngaɗa: I zhè a sam ngaya. Na haha skwi man i ngreda ka, a ka shinè te pa, iyè nzlinde ka: Aman ka da helka ta ndohi ga auda te kokwar Egypte ma, kin da slébèrdè Zhiklè a der za haha.

Exode 4:12

Gar haha, do i woya man i zhè te ma ngaya, a i ngra ka skwi man ka gèɗèʼa.

Exode 4:15

Menda na ma ngaya, da goɗ ma ngaya! I woy a i zhè te ma ngaya, te ma nengaʼa, a i woy a i slebda kinè skwi man kin da giaʼa.

Exode 7:9

Aman Pharaon a nda gada kinè: Va-ngray skwia dai! Ka da gada na Aaron: Co gada ngaya a ka kalda a sam sak Pharaon; a ndi na zhü-zhok.

Jérémie 23:16

Zhiklè bi mbiaʼa a goɗ ar haha: Kin tsun ma ndohi nhadka ma bai, man ta hadka kinè ma: ta ngwode kinè, ta hodko kinè skwi ndav ta, ma Ndo nzi pèc pècèk ka hai.

Ezéchiel 13:17

Aman ka, ndo, ngwoda ta ma a dalahi ndohi ngaya, ngwozi man ta hodko skwi te gèɗ ta. A ka hodko ma a géɗ tengaʼa.

Zacharie 2:9

na haha, i cè ri a zhiklè, i tsiaʼa; a ɓèlèlihi tengaʼa ta helama ta skwi ta. A kin da suna, Zhiklè bi mbiaʼa a nzlindkayè.

Zacharie 4:9

Zorobabel a ri ria a mpau verzi kwa a gi haha, ri nengaʼa a da rufaʼa; a kin da suna, Zhiklè bi mbiaʼa a nzlindkayè a sam kinè.

Nombres 24:13

Ko man Balak a vay skwi te gi nengaʼa, gurso a guro tèlèba, i slaha a i tawaɗaha ma nkwèr Ndo nzi pèc pècèk azbai, i gi skwi a ri ga azbai, ko skwi man amba, ko skwi man ambaɓai. I gèɗè ara man Ndo nzi pèc pècèk a gadayè.

Jean 11:42

Aman i suna, ka cè ma ga pèc pècèk. Aman a gèɗ ndohi man ta zlatsa haha, i gèɗè ma ar haha; aman ta cè a ndav ta, ka, ka nzlindekayè.

Jean 14:11

Vo-co ma ga, man i gaɗa: Iyè te Bab ga, Bab ga te iyè. Man ɓai, vo-co ma ga a géɗ skwi man i gau.

Jean 5:30

I slaha a i gi skwi a géɗ ga ɓai; i bèzlè kita, ara man i tsenaʼa. Kita ga nzuraʼa. I woy skwi ara man iyè i woya ka ɓai, aman skwi man nengaʼa man a zlindekayè a woyaʼa.

Jean 5:36

Aman ma malwuɗi ga a fena ma malwuɗi Jean. A mizlinè man Bab ga a mvayè man i giaʼa, aman i ndevaʼa, mizlinè sa a ngredyè a sam kinè, ara man Bab ga a nzlindekayè.

Jean 6:38

I shkè te zhiklè, a i gi skwi ara ndav ga man a woya ka ɓai. I shkè, aman i gi skwi man nengaʼa man a zlindekayè a woyaʼa.

Deutéronome 18:22

Aman skwi man ndo nhadka ma a ngoɗo, a gi azɓai, nasa ma man Ndo nzi pèc pècèk a ngaɗa ɓai; ndo nhadka ma sa a fi va, ka gu zlau nengaʼa ɓai!