Nombres 14:9 - Ma Zhiklè

⁹ Aman kam kam, kin Sala na va a gèɗ a Ndo nzi pèc pècèk bai, kin gu zlau ndohi kokwar sa bai – ta da gi a skwi nga. Skwi mɓer ta azbai, a nga, Ndo nzi pèc pècèk a zhè a nda nga. Kin gu zlau tengaʼa bai!

Nombres 14:9 ပူးပေါင်းရင်းမြစ်များ

Genèse 48:21

A Israel a ngaɗa na Joseph: Na haha, nshèffè ga a ndev na. Aman Bi-Zhiklè a da zhè a nda kinè, a da mende kinè a deɓa a kokwar bab kinè.

II Chroniques 13:12

Na haha, Zhiklè a ndohi mvi skwi a nengaʼa ta zhè a sam nga, ta zhè a ma nga, a ta tsi tolom a sam kinè. Ndohi Israel! Kin gu var a Ndo nzi pèc pècèk Zhiklè bab kinè ɓai! Nta ambaɓai.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

II Chroniques 20:17

Kinè a ngi var haha ka ɓai. Vo-do, va-zlatsa, a kin da rka ara man Ndo nzi pèc pècèk a mpreka kinè auda. Juda a Jérusalem, kin gu zlau ɓai, kin gudzu ɓai, an-goslèm vo-do auda, va-gu var a nda ta. Ndo nzi pèc pècèk a zhè a nda kinè.

II Chroniques 32:8

Ri ndo a zhè a takaha nengaʼa; aman Ndo nzi pèc pècèk, Zhiklè nga, a sam nga. Nengaʼa a da takaha nga a ngi var a géɗ nga. A ndohi ta pu ndav a ma Ezéchias, bi Juda.

Néhémie 4:14

A i warkoɗi tèlèba, i slambaɗa, a i gaɗa ta mbibihiaʼa a ndohi mɓer kokwar, a njèkèɗi ndohai: Kin gu zlau tengaʼa ɓai! Va-hur Ndo nzi pèc pècèk mbiaʼa, man wuɗi na zhè, va-gu var a géɗ kramamhi kinè, a géɗ wudahi kinè a dalahi kinè a ngwozi kinè a gi kinè!

Psaumes 106:24

A ta kwola kokwar mbelaʼa, ta ca mpèsl ri nengaʼa a ndav ɓai.

Psaumes 121:5

Ndo nzi pèc pècèk, nengaʼa ndo mɓer ka. Ndo nzi pèc pècèk a war ka, na zhè a tsagi ngaya.

Psaumes 14:4

Ndohi tnalai, maya ta azɓi ɗè, man ta woy a ta ndi ndohi ga a ma a dai, ara man ta ndi movar, a ta tsi ri a Ndo nzi pèc pècèk azɓai.

Psaumes 46:11

Va-nza tètè, va-senyè, i Zhiklè, mbiaʼa a sam ndohi herkeda, mbiaʼa tʼherkeda tèlèba.

Psaumes 46:7

Ndohi herkeda ta rubai, kokwar-bihai tsaɗ tsaɗ ta gedas ta. Aman Zhiklè a gèɗè, herkeda a gudzai.

Psaumes 46:8

Bi Zhiklè bi mbiaʼa a zhè a nda nga, Zhiklè Jacob, gi nga ndakmaʼa.

Psaumes 74:14

ka tsede ta gèɗ skwihi man ta ara kedam, a ka va ta a skwi dak hai a ta ndiaʼa.

Psaumes 91:1

Ndo man a nzi a sam man Zhiklè te géɗèʼa a nghedaʼa a hwaɗaʼa, ndo man a nzi a mèzhèɓ Zhiklè Bi wuɗai,

Exode 14:13

A Moise a ngaɗa ta ndohai: Kin gu zlau bai, va-nza taraʼa, a kin rka ara man Ndo nzi pèc pècèk a da mbel kinè a patsna. Ara man kin rka ta ndohi Egypte antanta, kin da rka ta te deɓaʼa asaɓai.

Exode 33:16

Man bai nga da shinè te mè, nga a ndohi ngaya nga ngots pombai a sam ngaya; sèi man ka dè a nda nga, a nga a ndohi ngaya nga cko gèɗ auda aranta a sam ndohi a gèɗ herkeda tèlèba.

Esaie 1:2

Kin giɗfèkihai, vatsenaʼa! Herkeda, fu zlembaɗ! Aman Ndo nzi pèc pècèk a gèɗè: I gra wudahai, a ta ge ta a mbiaʼa, a ta kwolyè.

Esaie 32:2

Staɗ staɗ tèlèba ta ara sam nlèaʼa te ri ndombozlor, ara bodom te ri iyam, ara woyam a sam ngworaʼa, ara za mbiaʼa man a pa na mèzhèɓ a di a herkeda ngworaʼa harkangkangaʼa.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 41:14

Ka gu zlau ɓai, Jacob, me-turɗai; Israel, meturɗi nkèshèʼa. I takaha ka, Ndo nzi pèc pècèk a gaɗa, Zhiklè Israel nkezlaʼa, man a mbel ka.

Esaie 63:10

Aman tengaʼa ta slambaɗa na va, ta ɗawarama na ndav a Mèzhèɓ Zhiklè nkezlaʼa. A nengaʼa a nde na mayam ta, a ngu var a tengaʼa a ri na.

Jérémie 1:19

Ta da gi var a ka, aman ta da fen ka azɓai, a géɗ man i zhè a nda ka, Ndo nzi pèc pècèk a gaɗa, aman i da mbélde ka.

Jérémie 42:11

Kin gu zlau bi Babylone ɓai, nengaʼa man kin gi zlauaʼa; kin gu zlau nengaʼa ɓai, Ndo nzi pèc pècèk a gaɗa. Aman i zhè a nda kinè, aman i mbel kinè, aman i preka kinè auda te ri na.

Jérémie 48:45

Ndohi man ta hu ta, ta nzahi a mèzhèɓ Hesbon, aman wuɗi na azɓai. Vogwa a shkè auda te Hesbon, nèʼèn vogwa te ndev Sihon, man a ndeda kokwarhi Moab a ma, a lèwèrè gwots gèɗ.

Daniel 9:5

Nga gu malai, nga gau ambaɓai, nga woy ka ɓai, nga kwol ka, nga jèkeda ma nkwèr ngaya, a ma ngaya man a de nga.

Daniel 9:9

Bi Zhiklè nga, ndo a sia te va, a prè malai; a nga, nga slambaɗa na va.

Nombres 13:30

A Caleb a mbatsa maʼa man ndohi ta gi a sam Moise, a ngaɗa: Ngo-dokoya genè, ngo-do-dumokoy kokwar genè! Nga da fen ta!

Nombres 17:6

A Moise a ngaɗa ta ndohi Israel, a tsuvomhi tengaʼa tèlèba, a ta va na gada staɗ staɗ, gada staɗ te di verzi staɗ, ara ndohi gi ta, ara ndohi gi ta, gada 12. Gaɗa Aaron a zhè te ndev gada tengaʼa.

Nombres 20:2

A mpi ndohi ta ngatsa iyam ɓai, a ta humda ta va a gèɗ a nda Moise a Aaron.

Nombres 24:8

Aman Zhiklè a nckoɗauda te kokwar Egypte, wuɗi nengaʼa ara wuɗi kevar. A nʼnde ta ndohi herkeda, mayamhi nengaʼa, a ma, a nkerda vatasl tengaʼa, a ntsede ta ndohi nʼnga na matakwan, a hai.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Romans 8:31

Nga da gèɗè a va kè? Aman Zhiklè a zhè a nda nga, nda Sala nga va a di wa?

Deutéronome 1:21

Wora, Ndo nzi pèc pècèk, Zhiklè ngaya, a va ka kokwar na a ma ngaya. Co, ka dumaʼa, ara man Ndo nzi pèc pècèk, Zhiklè babhi ngaya a gada ka. Ka gu zlau ɓai, ka gudzu ɓai!

Deutéronome 1:26

Aman kin woy ndè a pa ɓai. Kin gu mèdègèɗ a géɗ ma Ndo nzi pèc pècèk, Zhiklè kinè.

Deutéronome 1:29

Te deɓaʼa i gaɗa kinè: Kin gudzu ɓai, kin gu zlau tengaʼa ɓai!

Deutéronome 31:6

Va-gsa ndav kinè, va-nze taraʼa, kin gu zlau ɓai, kin gudzu ɓai a sam ta! Aman Ndo nzi pèc pècèk Zhiklè kinè, a ri na a dè a tsagi kinè, a jèk kinè azɓai, a pre kinè azɓai.

Deutéronome 31:8

Ndo nzi pèc pècèk a ri na a dè a ma ngaya, a da zhè a tsagi ngaya, a jèk ka azɓai, a pre ka azɓai. Ka gu zlau ɓai, ka gudzu ɓai!

Deutéronome 32:42

Tsakwal ga da tuz ndo; Pombaz ndohi mbazlaʼa a ɓèlèlihai da geda a sulom ga, man a bècè gèɗ tsuvomhi mayamhai.

Deutéronome 7:18

Kin gu zlau tengaʼa ɓai! Vo-huro skwi man Ndo nzi pèc pècèk, Zhiklè kinè, a gu a sam Pharaon a Egypte tèlèba;

Deutéronome 7:21

Kin gudzu a sam tengaʼa ɓai, te man Ndo nzi pèc pècèk, Zhiklè kinè, a zhè te ndev kinè, Zhiklè mbiaʼa, mwuɗitpa!

Deutéronome 9:7

Huro, ara man ka poko na gèɗ ndav auda a Ndo nzi pèc pècèk, Zhiklè ngaya, tʼhèshèkèɗ; da pca ka a gèɗ ɓai! Ka gu mèdègèɗ a sam Ndo nzi pèc pècèk a hünko te pats man kin shkè auda te kokwar Egypte, ha mshkè kinè a sam haha.

Philippiens 1:27

Va-nza a maya te nshèffè kinè, aman kin nzala ma mbelaʼa te Kristi! Ko i dè a i rka kinè, ko i az a sam kinè ɓai, i da tsena ma kinè, kin nzi taraʼa te Mèzhèɓ nstaɗ, a kin gi var a nda nga a ndav staɗ, a géɗ ncè ma mbelaʼa a ndav.

Josué 1:5

Ko ndo staɗ da Sala ka va a gèɗ ɓai, a pats nshèffè ngaya tèlèba. Lèmèlèmè ara man i zhè a nda Moise te va nasa, i woya man i zhè a nda ka. I pra ka ma a gèɗ azɓai, i jèke ka a pa azɓai.

Josué 14:12

Anai, vay za haha, man Ndo nzi pèc pècèk a goɗ a géɗ nengaʼa a patsaki sa, a géɗ man ka tsenaʼa, a pats sa, ndohi Anakim ta zhè a pa, a kokwarhi mbibihiaʼa, a zlazlar heɗawaʼa. Wa ngiɗè ba Ndo nzi pèc pècèk a takahayè, a i da dzam ta, ara man a goɗa.

Juges 1:22

Ndohi Joseph, tengaʼa ba, to do a ta gu var a Béthel, a Ndo nzi pèc pècèk a zhè a nda tengaʼa.