Nombres 14:8 - Ma Zhiklè

⁸ Aman Ndo nzi pèc pècèk a woya aman a ga nga skwi man amba, a slaha a de nga a kokwar sa, a va nga kokwar man vongwom a wa a hi te pa.

Nombres 14:8 ပူးပေါင်းရင်းမြစ်များ

II Samuel 22:20

a ndyè auda a dala, a mprekay auda, a géɗ man i ambaha.

I Rois 10:9

I shid gèɗ a Ndo nzi pèc pècèk, Zhiklè ngaya, man a va ka pombai, a nʼnzede ka a gèɗ sam nʼnzi bi Israel a mèdèp, a nfe ka a bai a ka gi kita zuraʼa.

II Rois 18:32

ha pats man i shkè a i da hil kinè a kokwar ngiɗè, man lèmèlèmè ara kokwar kinè, man dau a barassa, man movar a gi lak, kokwar man wof tsna a vongwom a ndev ɓi te pa, a kin nzi a nshèffè, a kin tidè azɓai. Kin va na civèɗ a Ezéchias da ngwode kinè ɓai, man a gada: Ndo nzi pèc pècèk a da mbel nga!

Psaumes 22:8

Tèlèba man ta rkayè, ta livyè, ta ngwossahayè, ta giɗè géɗ kwotakwo aʼa, ta gaɗayè:

Exode 3:8

A i shkèhai, aman i mbel ta te ri wuɗi ndohi Egypte, a i de ta auda te kokwar haha, a ta dè a kokwar mbiaʼa, man amba, man wa a vongwom a hi te pa, a kokwar ndohi Canaan, Heth, Amor, Phérez, Hévi a Jébus.

Esaie 62:4

Ta da baha ka ‘kokwar man ndohi ta jèkeda’ asaɓai. Sèi ta da baha ka ‘mwuffè ga’, ‘herkeda man nco ngwoz’, aman Ndo nzi pèc pècèk a wuffè a géɗ ngaya, ara baki a wuffè man a nco ngwoz.

Jérémie 32:41

I wuffè, aman i ga ta skwi man amba. A vava i da nge ta a herkeda haha, te mwoy ndo ga tèlèba, a wuɗi ga tèlèba.

Sophonie 3:17

Ndo nzi pèc pècèk, Zhiklè ngaya, a zhè te ndev kinè, nengaʼa ngulaʼa, man a mbél ndo. A wuffè kumba a géɗ ngaya, a woy ka zaʼa, mwuffe na a géɗ ngaya ara pats ngolala.

Nombres 13:27

A ta njè na Moise a ta gada na: Nga ndikè a kokwar man ka zlinde nga a pa. A vava, kokwar man wa a vongwom a hi te pa. Na haha nyi wof man nga ngulko te pa.

Nombres 16:14

A vava ka de nga a kokwar man wa a vongwom a hi te pa asaɓai. Ka va nga gi dau ka ɓai, gi lak ka ɓai, ka woy a ka fe nga a ma nda zli dè? Nga dè azɓai!

Romans 8:31

Nga da gèɗè a va kè? Aman Zhiklè a zhè a nda nga, nda Sala nga va a di wa?

Deutéronome 10:15

Aman Ndo nzi pèc pècèk a ngwodko ndav a sam babhi kinè genè, a woy ta, a mparka ta ndohi te verzi tengaʼa auda – nasa kinè – te ndev ndohi herkeda tèlèba, ara man kin ngotso a patsna.

Josué 14:12

Anai, vay za haha, man Ndo nzi pèc pècèk a goɗ a géɗ nengaʼa a patsaki sa, a géɗ man ka tsenaʼa, a pats sa, ndohi Anakim ta zhè a pa, a kokwarhi mbibihiaʼa, a zlazlar heɗawaʼa. Wa ngiɗè ba Ndo nzi pèc pècèk a takahayè, a i da dzam ta, ara man a goɗa.