Ndohi Amalek a Canaan ta zhè a ma kinè, ta da bazl kinè a tsakwal, a géɗ man kin jèkeda Ndo nzi pèc pècèk. Te man Ndo nzi pèc pècèk a nzi a va kinè azbai.
A pats nasa i da gi ndav worworaʼa a géɗ tengaʼa. I da jèke ta, i da ngheda di ga a sam ta. Ta da gedas ta, ta kèlèhi a matakwan tsaɗ tsaɗ a ndev ɓai, ta lèyè, te deɓaʼa ta da gaɗa: Matakwan haha a ga nga, a géɗ man Zhiklè nga a te ndev nga ɓi Se?
A ndohi Israel ta slaha ta zlècè a sam mayamhi tengaʼa ɓai. Sèi ta hi ta a mayamhi ta, a gèɗ man ta phomda. Aman iyè, i nzi a sam kinè asaɓai, sèi man kin gedassa skwi mphomdaʼa te ndev kinè kla!
Te deɓaʼa a mbaha na: Samson, ndohi Philistie ta kala ka a va ma! A nengaʼa a mpidèkwe na te nzhunè, a hur i da gi ara mpèc pècèk, i da ngesleda skwi ndzawyè aussa. A sun a ngaɗa Ndo nzi pèc pècèk a njèkay ma, a sun ɓai.