Nombres 14:34 - Ma Zhiklè

³⁴ Aman to do a ta zeɓi kokwar, mʼmèn 40, ta vi a hèshèkèɗ 40 te diaʼa; te di pats staɗ, mvi staɗ, a géɗ mali kinè; a kin da rkaʼa, man i woy kinè a deɓa azbai.

Nombres 14:34 ပူးပေါင်းရင်းမြစ်များ

I Rois 8:56

I shid gèɗ a Ndo nzi pèc pècèk, man a va ta gumai a ndohi Israel, ndohi nengaʼa, ara ma nengaʼa man a goɗ tèlèba. Skwi man a mpasla nga rai te ma Moise, ɓèl na, tèlèba nʼnga ma, ko staɗ njèkahi ɓai.

II Chroniques 36:21

a ma Ndo nzi pèc pècèk, man a goɗ te ma Jérémie, a nrufaʼa: Ha herkeda a nsok va tèlèba, te di man a nza, ngedassa te va nasa, pats nshèk va ha mvi 70 klèng. Ma bi Cyrus

Psaumes 105:42

Te man nengaʼa a hur ma nengaʼa nkezlaʼa, man a va na Abraham, ɓèl na.

Psaumes 38:4

Va ga tèlèba a dzayè, a géɗ ndzoan ngaya; wuɗi va ga asaɓai a géɗ mali ga.

Psaumes 77:8

Bai, Zhiklè, a kwèl ndo a mèdèp dè? Ndo a sia te va azɓi dè?

Psaumes 95:10

Mvi 40, verzi ndohi haha ta ndarayè, a i gaɗa: Ta ndohi man ndav tengaʼa a zlak na, a ta sun civèɗ ga ɓai.

Ezéchiel 14:10

Mali ta; sèi ta ngècè kita a géɗèʼa, ta cèw ba, ndo nhadka ma a ndo ndzhodo.

Ezéchiel 23:35

Gar haha Bi Zhiklè a gaɗa: A géɗ man i pca ka a gèɗ, a ka kaldyè a deɓa, sèi ka cè hori mphömè ngaya, a skwi ngaya nlizhèa.

Ezéchiel 4:5

Mvi mali tengaʼa, i ngra ka a gèɗ ara mʼmènè, a gi 190. Ka cè mali ndohi Israel agèd ngaya.

Ezéchiel 4:6

Aman ka ndikeda ma, ngwoda va a zlazlar ri mandi ngaya a ka ceda mali ndohi Juda, mʼmèn 40. Mʼmèn staɗ a géɗ mvi staɗ.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Osée 9:12

Ko ta gre wud ta, i da bazl ta aussa te gola. Wobau a géɗ tengaʼa man i kwol ta.

Lèv. 20:19

Ka mana na va demam mam ngaya a demam bab ngaya bai, man bai ka derɗa gwoli na, mali a gèɗ na.

Zacharie 11:10

A i co gada ‘pombai’, a i paslaʼa, a i pra nderzlè-ma man i derzla a nda ndohi herkeda tèlèba.

Nombres 13:25

Te deɓ mʼmèn 40 ta menkaɗ ta a deɓa a ngwai, te deɓ man ta zeɓa kokwar ma.

Nombres 18:23

Sèi ndohi Lévi man ta gi mizlinè te gi nkezlaʼa, a mali man ta gi asam gi nkezlaʼa, ma tengaʼa. Nasa ma nkwèr a sam kinè a ndohi te verzi kinè a mèdèp. Gar haha skwi nʼndi gi tengaʼa azbai a sam ndohi Israel.

Nombres 32:13

A Ndo nzi pèc pècèk a ngu ndav worworaʼa a géɗ Israel, a nzlinde ta ndohi Israel, a ta sawala tʼhèshèkèɗ mvi 40, ha ndohi tèlèba man ta gu malai a sam Ndo nzi pèc pècèk ta ndev ta ma.

Actes 13:18

Mvi kulkul faɗ, Bi Zhiklè a nʼnzede ta a pa, a géɗ skwi man ta gu tʼhèshèkèɗ.

Deutéronome 2:7

Te man Ndo nzi pèc pècèk, Zhiklè kinè, a mpshè kinè ma te skwi man kin gu tèlèba, a mɓerka kinè te ri man kin dè tʼhèshèkèɗ, mvi 40, Ndo nzi pèc pècèk, Zhiklè kinè, a zhè a nda kinè, kinè tèkwona skwa ɓai.

Hébreux 4:1

Gar haha ngo-gokoy maya a zlau, aman ko staɗ te ndev kinè da nza a deɓa ɓai, a pats man mpèsl ri ndè a sam nshèk va na a zhè dai.

Josué 14:10

Anai Ndo nzi pèc pècèk a mɓeray nshèffè, ara mana gaɗda ma a hai, mvi 45 te deɓ man Ndo nzi pèc pècèk a ngaɗa na ma haha a Moise, man ndohi Israel ta dè a ta beza a ndev hèshèkèɗ. Antanta mvi ga 85.

Apocalypse 11:3

A i woy a i gi aman ndohi malwuɗihi ga cèw ta hodko ma Zhiklè mʼmèn 1.260, a maslaka sam kuɗa a va.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.