Nombres 14:22 - Ma Zhiklè

²² ndohi haha tèlèba man ta rka nʼnjèl ga, a nrkedi ga man i gau te kokwar Egypte, a ta tsena ma ga bai, a ta jkedyè sak kula kula ma, a ta fa na gèɗ a ma ga bai,

Nombres 14:22 ပူးပေါင်းရင်းမြစ်များ

Genèse 31:41

Mvi ga 20 man i ga ka mizlinè te gi ngaya, mvi 14 a géɗ dalahi ngaya cèw mvi 6 a géɗ skwi kuɗom, a ka ngwoda skwi ntul ga tsaɗ tsaɗ kumba.

Genèse 31:7

Bab kinè a ngwoday skwi ntul ga tsaɗ tsaɗ kumba. Aman Bi Zhiklè a mva na civèɗ aman a ngedassyè ɓai.

Job 19:3

Kin derdyè a gi sak kula ma, a kin gay skwi ambaɓiaʼa, a kin gi hori azɓai.

Psaumes 106:14

Ntétékè a nʼnga ta tʼhèshèkèɗ, ta jkeda Zhiklè tʼhèshèkèɗ.

Psaumes 106:26

Zhiklè a nceda ri a zhiklè, a mʼmbaɗa, sèi ta bèzl ta tʼhèshèkèɗ.

Psaumes 78:41

A ta jkeda Zhiklè gene, a ta poko na gèɗ auda genè, a ta ɗawarama na ndav a Zhiklè Israel nkezlaʼa.

Exode 14:11

a ta gada na Moise: Gi dzavi te kokwar Egypte azɓi dè, aman a ka helka nga auda a hèshèkèɗ, a nga da bèzl nga a haha? Ka ga nga ar sata mè, a ka helka nga auda te kokwar Egypte!

Exode 15:24

A ndohi Israel ta ga na ma a va Moise, a ta gada: Nga da si mè?

Exode 16:2

A nhèyè ndohi Israel tèlèba ta ga na ma a va Moise a Aaron tʼhèshèkèɗ.

Exode 17:2

A ndohi ta ga na ndzoan a Moise, a ta gada: Va nga iyam a nga siaʼa! A Moise a mʼmbeɗa ta a ma: Kin gay ndzoan èhèmè? Kin jkede Ndo nzi pèc pècèk èhèmè?

Exode 17:3

Aman iyam a ndza ta ndohi te pa, ta gu ndav a Moise, a ta gada na: Ka helka nga auda te kokwar Egypte èhèmè, aman nga a wudahi nga a skwihi nga nga bèzl nga a mi iyam?

Exode 17:7

A ta baha na samaʼa ‘Massa’, a Mériba, a géɗ man ndohi Israel ta gu ndzoan, a ta jkede Ndo nzi pèc pècèk, a ta gada: Ndo nzi pèc pècèk a zhè a sam nga ɗè, ɗè, azɓi ɗè?

Exode 32:1

Aman ndohi ta rkaʼa, Moise a nzi dai a géɗ za, nshkèhi tsam-tsam bai, ta ɓiceda va a sam Aaron, a ta gada na: Washkè, rama nga zhiklè nga, aman a dè a ma nga. Nga sun skwi man a nga na ndo haha bai, Moise, nengaʼa man a nhelka nga auda te kokwa. Egypte.

Exode 5:21

A ndohi nhalaʼa ta gada ta: Ndo nzi pèc pècèk da jèke kinè ɓai, da gu kita kinè, a géɗ man kin poko na gèɗ auda a Pharaon a ndohi na, a ta ga nga shèwa, a kin va ta tsakwal a rai, a ta bazl nga a vna.

Esaie 42:20

Ka pu di a skwi kumba: aman ka rka skwa ɓai. Ka fu zlembaɗ, a ka tsena ɓai.

Daniel 1:20

A gèɗ ma tèlèba man a jhèɗè maya a nshin skwai, bai a baha ta. A nrkaʼa, ta fen ta ndohi kilèa a ndohi maya te kokwar bi nengaʼa tèlèba, a gi sak ngam ngam ba.

Mal. 3:15

Dara man nga gaɗa: Mwuffè a sam ndohi nfi va. Ndohi ndérɗè Zhiklè ta wèl va genè ka ɓai, ta pi Zhiklè a wai a ta zli va ta auda a samaʼa ba.

Nombres 11:1

A ndohi ta gu ma a sam Ndo nzi pèc pècèk. A Ndo nzi pèc pècèk a ntsenaha, a ndza na a ndav, a vogwa Ndo nzi pèc pècèk a nslambaɗa a tsagi sam man ta nza a pa, a nʼnde ta ndohi tèlèba a ma.

Nombres 11:4

A ndohi ndzodzor Israel te deɓa, ta tétékè skwai, a ndohi Israel ba ta kuɗi zaʼa, a ta gada: Nda va nga zluèɗ aman a nga ndia wa?

Nombres 12:1

A Miriam a ntsu drengasl, ta a Aaron, a géɗ Moise, a géɗ ngwoz Ethiopie man a mco. Ngwoz nengaʼa, dem Ethiopie.

Nombres 14:11

A Ndo nzi pèc pècèk a ngaɗa na Moise: Ndohi haha ta kwolyè, ta derɗyè, ta da ndikèda a ngèmè? Ko ta rka skwi tèlè man i gu a sam ta, ta da cè a ndav a ngèmè?

Nombres 14:2

A ndohi tèlèba ta ga ta ma a va a Moise a Aaron: Mpi ndohi tèlèba ta gada ta: Dara man agassa nga mets nga te Egypte! Man bai, tʼhèshèkèɗ haha!

Nombres 32:12

sèi Caleb, kra Jephunné, ndo Keniz, a Josué, kia Nun. Tengaʼa ta dzodzor Ndo nzi pèc pècèk a sam tèlèba.

Matthew 4:7

A Yèsu a ngaɗa na: Ta Windo te dèlèwèr Zhiklè zaʼa: Ka jkeda Bi Zhiklè ngaya ɓai!

1 Corinthians 10:5

Ko arsa ba, Bi Zhiklè a wuffè a géɗ tengaʼa tèlè ka ɓai, a nksar ta tʼhèshèkèɗ.

1 Corinthians 10:9

Ngo-jkudokoy Bi Zhiklè ɓai, ara tengahia ngiɗè te va tengaʼa ta jkudo, a zhüzhokihi ta je ta, a ta bazl ta.

Deutéronome 9:7

Huro, ara man ka poko na gèɗ ndav auda a Ndo nzi pèc pècèk, Zhiklè ngaya, tʼhèshèkèɗ; da pca ka a gèɗ ɓai! Ka gu mèdègèɗ a sam Ndo nzi pèc pècèk a hünko te pats man kin shkè auda te kokwar Egypte, ha mshkè kinè a sam haha.

Hébreux 3:9

a sam man babhi kinè ta piyè a wai, a ta jkedyè, ko ta rka mizlinè ga mvi 40 ma.