Nombres 14:10 - Ma Zhiklè

¹⁰ A mpi ndohi tèlèba ta woy a ta kal ta a kwa; te deɓaʼa nʼnjèl Ndo nzi pèc pècèk a ngudoko ta va a di a ndohi Israel tèlèba, te gi mɓicè-va.

Nombres 14:10 ပူးပေါင်းရင်းမြစ်များ

Exode 16:10

Aman Aaron a ngaɗa ta nhèyè ndohi Israel tèlèba ar haha, ta ngwoda gèɗ ta a deɓa a ndev hèshèkèɗ, a ta rka nʼnjèl Ndo nzi pèc pècèk a ngudoko ta va a dai te va vanai.

Exode 16:7

A prèk kin da rka nʼnjèl Ndo nzi pèc pècèk, aman nengaʼa a ntsena ara man kin ga na ma a va. Kin gi ndav a géɗ nga èhèmè?

Exode 17:4

A Moise a ntsu rai, a kuɗi a sam Ndo nzi pèc pècèk, a ngaɗa: I da gi ma kè a ndohi haha? Njèkè kètè genè, a ta kalyè a kwa.

Exode 40:34

A vanai a nʼnza a géɗ gi nkezlaʼa, a nʼnjèl Ndo nzi pèc pècèk a nʼndha gai.

Lèv. 9:23

A Moise a Aaron to do a gi mɓicè-va. Aman ta shkè auda te pa, ta pshè ta ma ndohai. A nʼnjèl Ndo nzi pèc pècèk a ngudoko ta va a di a ndohi tèlèba,

Nombres 16:19

Koré a mɓic ta mpi ndohi tèlèba, a mpoko ta gèɗ auda, a magi mɓicè-va; a nʼnjèl Ndo nzi pèc pècèk a ngudoko ta va a dai a mpi ndohi tèlèba.

Nombres 16:42

Aman mpi ndohi ta humda ta va a géɗ, Moise a Aaron ta ngwoda na ma a gi nkezlaʼa, a na haha vanai a nʼnjèl Ndo nzi pèc pècèk a ngudoko ta va a dai.

Nombres 17:7

Te deɓaʼa Moise a mpeda gada a sam Ndo nzi pèc pècèk, te gi nkezlaʼa.

Nombres 20:6

A Moise a Aaron ta jèkeda mpi ndohi a pa, a ta shkè a ntamagi gi nkezlaʼa, a ta kalahi a deɓ sak ta. Te deɓaʼa nʼnjèl Ndo nzi pèc pècèk a ngudoko ta va a dai.

Matthew 23:37

Jérusalem, Jérusalem, man ka bazl ta ndohi nhadka ma, man ka kal ta ndohi man Zhiklè a nzlinde ta a sam ngaya, a kwa! Sak ngama, man i woy a i ɓic ta wudahi ngaya a sam ga, ara wotsak, man a ɓic ta wudahi na a hwaɗ kelpasl na. Kin woya ɓai.

Actes 7:52

Ndo nhadka ma tema, man babhi kinè ta dzara ɓai? A ta bazl ta ndohi man daga zlèzlèa ta ngreda nshkè ndo nzuraʼa. Aman kinè, ndohi man kin ga na ri a gèɗ, a kin keɗaʼa.

Actes 7:59

A ta kol Etienne a kwa. Aman nengaʼa a mboho: Bai Yèsu, co mèzhèɓ ga!

I Samuel 30:6

A David a nsau matakwan kumba, ndohi ta woya ta kèlè a kwa. Ndav a ndza ta a ndohi tèlèba a gèɗ wudahi a dalahi ta. Aman David a mpu ndav na a Ndo nzi pèc pècèk, Zhiklè na.