Nombres 13:33 - Ma Zhiklè

³³ Nga rka ndohi Anak te pa, verzi tengaʼa ngur-gurèa. Nga a tsagi ta ara dzuwai, a tengaʼa ba ta rka nga arsa, nga slra ta a di bai.

Nombres 13:33 ပူးပေါင်းရင်းမြစ်များ

Genèse 6:4

A pats nasa – a nde a ma ma ba – golahi Bi Zhiklè ta hul dalahai, a ta ya ta wudahai, ndohi ngur-gurhiaʼa ta zhè tʼherkeda, man nzlembaɗ ta a ndo a gèɗèʼa a gèɗ. Tengaʼa mbibihiaʼa halakai.

I Chroniques 11:23

Nengaʼa ba a nkeda ndo Egypte, ndo ngurèa man a tsi ri 5. Ndo Egypte a tsakwal te rai, dazla ara nciɓè. Benaja a ndo a sam na a gaɗa, a nʼngezlama na tsakwal auda te rai, a nkeda ndo Egypte a vèvèd a tsakwal nengaʼa.

Esaie 40:22

Nengaʼa man a nzi a géɗ sam nʼnzi bi a géɗ herkeda ndalpangaʼa, a ndohi a géɗ herkeda ta ara dzarai, nengaʼa man a pi giɗfèk ara balak, a winèʼa ara man a wuzhè gi maslaka a nzi a pa.

Nombres 13:22

Ta beza a civèɗ te man a dukwad, a ta ndikè a Hébron, man Ahiman, Seshai a Talmai, te verzi Anak, te pa. Hébron a mvu 7 ma, ga ta hün nrèm kokwar Tsoan te kokwar Egypte.

Nombres 13:28

Aman ndohi te pa, wuɗitpa, kokwar mbiaʼa, nʼngala te pa, nga rka wudahi Anak ba te pa.

Nombres 14:1

Te deɓaʼa mpi ndohi tèlèba ta kèldè moslokof te ma, ta goɗ a wuɗi a wuɗai. A vaɗ sa, ndohi ta gu wobau.

Deutéronome 1:28

Nga dè ma? Kramamhi nga ta pa nga zlau a gèɗ, ta gaɗa nga: Ndohi ngata ta fen nga, ndohi mbibihiaʼa. Kokwar tengaʼa mbiaʼa, nʼngala te pa a zlazlar ngurèʼa. Nga rka ndohi te verzi Anak te pa!

Deutéronome 2:10

Zlèzlèa, ndohi Emim ta nza a pa, ndohi mbiaʼa, a vata, ngur-gurhiaʼa, ara Anak.

Deutéronome 3:11

Og, bi Basan, staɗgenè man a mʼmets ɓai, te verzi ndohi Rephaim (sam mʼmènè nengaʼa züdo, na zhè te Rabath, man a Ammon, ngurèa a tsi ri 9, nguzlohaʼa a tsi ri 4).

Deutéronome 9:2

Ndohi mbibihiaʼa, ngur-gurhiaʼa, te verzi Anak, man ka sen ta, a ka tsena labar ma tengaʼa. A nslaha ta ndohi Anak wa?

Josué 11:21

A pats nasa Josué a mshkè, a nzede ta ndohi Anakim te za Hébron, Débir, Anab, te za Juda tèlèba, te za Israel tèlèba. Josué a ngedas ta, a kokwarhi tengaʼa tèlèba.

Josué 14:12

Anai, vay za haha, man Ndo nzi pèc pècèk a goɗ a géɗ nengaʼa a patsaki sa, a géɗ man ka tsenaʼa, a pats sa, ndohi Anakim ta zhè a pa, a kokwarhi mbibihiaʼa, a zlazlar heɗawaʼa. Wa ngiɗè ba Ndo nzi pèc pècèk a takahayè, a i da dzam ta, ara man a goɗa.

Josué 15:14

Caleb a ndzam ta wudahi Anak makar te pa: Sheshai, Ahinam a Talmai, ndohi te verzi Anak.

I Samuel 17:24

Ndohi Israel tèlèba ta hu ta, aman ta rka ndo sa; ta gu zlau nengaʼa.

I Samuel 17:42

Ndo Philistie a mpu dai, a nrka David, a ngwèshè a géɗèʼa, a gèɗ man wudahi dai, ndo ntevaʼa, ndo amba te dai hudemshaʼa.