Nombres 11:20 - Ma Zhiklè

²⁰ aman ki staɗ, ha a zhkèha kinè tʼhtsan, ha a ngezla kinè a gèɗ, a géɗ man kin durɗo Ndo nzi pèc pècèk man a zhè te ndev kinè, a kin kuɗi a sam nengaʼa, a kin gada: Nga shkè auda te kokwar Egypte èhèmè?

Nombres 11:20 ပူးပေါင်းရင်းမြစ်များ

II Samuel 12:10

Gar haha var da shkè auda a géɗ gi ngaya ɓi a mèdèp, a géɗ man ka kwolyè, a ka co ngwoz Urie, ndo Heth a ngwoz ngaya.

Psaumes 106:15

A nengaʼa a mva ta skwi man ta dzhoɗo, a mva ta, ha a zhkè ta va a gèɗ.

Exode 16:13

A gu arsa: A dakwaɗ nkuɗhomhai ta shkè rèdèdèa, a ta nzahi a sam man ndohi Israel ta a pa.

Exode 16:3

A ndohi Israel ta gada ta: Dara nga da mbazla nga te ri Ndo nzi pèc pècèk te kokwar Egypte, a sam man nga ngots zluèɗ a skwi nʼndai a vata. Kin helka nga auda a hèshèkèɗ, aman ndohi tèlèba ta tiɗè ta a mai.

Exode 16:8

A Moise a ngaɗa ta a vaʼa: Ndo nzi pèc pècèk a da va kinè zluèɗ a dakwaɗ, a movar a prèk, a kin ngézhè. Aman Ndo nzi pèc pècèk a ntsena ara man kin ga na ma a va. Aman nga, nga be wa? Ma ndav kinè man kin gi a haha, kin gu a nga ka ɓai, kin ga na Ndo nzi pèc pècèk.

Proverbes 27:7

Ndo man a ngeza, a mbatsaha dazli vongwom a sak. Ndo man mi a keɗaʼa, ko skwi nduzlekzlekaʼa a jènaha.

Mal. 1:6

Kra a slébèrdè bab na. Ɓèlè a gi zlau babgi na. Aman i bab kinè, kin slebardyè a mè? Aman i bi kinè, kin gi zlau ga te mè? Zhiklè bi mbiaʼa a gaɗa kinè, kinè ndohi mvi skwi a Zhiklè man kin derɗè nzlembaɗ ga. A kin jhèɗèʼa: Nga durɗo nzlembaɗ ngaya te mè?

Nombres 11:13

I ngècè zluèɗ man i va ta ndohi haha tèlèba tema? Aman ta kuɗi a sam ga, a ta gada: Va-nga zluèɗ aman nga ndiaʼa!

Nombres 11:19

Kin da ndiaʼa lèk lèk, pats staɗgenè ka bai, cèw, zlam ka bai, kula, kulkulcèw ka bai,

Nombres 11:21

A Moise a ngaɗa: Ndohi man i zhè a sam ta, ndohi nde a sak 600.000, a ka gada: i da va ta zluèɗ a ta ndiaʼa ki staɗ.

Nombres 14:3

Ndo nzi pèc pècèk a hel nga a kokwar ngata a ta da bazl nga a tsakwal, a ngwozi a wudahi nga ta da gi ɓèlè èhèmè? Dara nga minè a deɓa a kokwar Egypte mèn ɗè?

Nombres 14:4

A ta goɗ a va ta: Ngo-ngotsokoy ndo nce nga ma, a ngo-dokoy a deɓa a kokwar Egypte!

Nombres 16:13

A slra bi ɗè? Ka helka nga auda te kokwar man wa a vongwom a hi te pa, a ka wushede nga a heshèkèɗ, aman nga da metsi nga te pa. A ka woy a ka gi bi a géɗ nga va za dè?

Nombres 20:4

Kin helka ta mpi ndohi Ndo nzi pèc pècèk a hèshèkèɗ haha, a nga metsi nga, a nda skwi nga èhèmè?

Nombres 21:5

A ndohi ta ga na ma a va Bi Zhiklè a Moise: Kin helka nga auda te kokwar Egypte, a nga metsi nga tʼhèshèkèɗ èhèmè? Movar azɓai, iyam azbai, skwi nʼndi hèmnèk-hèmnèk haha a ngezla nga a gèɗ.

Actes 13:41

Va-pu dai, kinè ndohi nkwola ma Zhiklè, va-rzl kinè, a kin gedas kinè! Aman i da gi skwi a pats man a kinè, skwi man ko ndo ngiɗè a ngreda kinè, kin ca a ndav kinè ɓi genè.

1 Thessalonians 4:8

Ndo man a kwola ma haha, a kwola ndo ka ɓai, aman a kwola Zhiklè, man a va kinè Mèzhèɓ nengaʼa nkezlaʼa a ndav.

Josué 24:27

Josué a ngaɗa ta ndohi tèlèba: Na haha, kwa haha a gi a skwi malwuɗai a sam kinè; ma Ndo nzi pèc pècèk tèlèba man a gaɗa nga, a goɗ a samaʼa; gar haha a da gi a skwi malwudai a sam kinè, a kin da ngwoda Zhiklè kinè ɓai.

I Samuel 10:19

Aman kinè, kin kwola Zhiklè kinè a patsna, nengaʼa man a mpre kinè auda te ri matakwan a skwi mwuɗitpa tèlèba, a kin gaɗa: Aʼai, sèi ka va nga bi nga! Anai, va-zlatsa a sam Ndo nzi pèc pècèk, ara verzi ndohi ngiɗè, ara verzi ndohi ngiɗè, go-zhèm staɗ, gozhèm staɗ, gozhèm staɗ.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.