Nombres 10:9 - Ma Zhiklè

⁹ Aman ndo mayam a gi var a kinè, a ga kinè matakwan, va-tsu tolom var, a Ndo nzi pèc pècèk, Zhiklè kinè, a hér kinè, a da mbél kinè te ri mayamhi kinè.

Nombres 10:9 ပူးပေါင်းရင်းမြစ်များ

Genèse 8:1

A Bi Zhiklè a nhur Noé a skwi dak a skwi ndzham man a zhè te wurom tèlèba. A Bi Zhiklè a nzlündoko kozlar a géɗ herkeda, a iyam a nshèha va.

II Chroniques 13:12

Na haha, Zhiklè a ndohi mvi skwi a nengaʼa ta zhè a sam nga, ta zhè a ma nga, a ta tsi tolom a sam kinè. Ndohi Israel! Kin gu var a Ndo nzi pèc pècèk Zhiklè bab kinè ɓai! Nta ambaɓai.

II Chroniques 13:14

Ndohi Juda, man ta gi var a ndohi man a ma, tengahiaʼa ngiɗè ta kalka ta a va te deɓa. A ta kuɗu a sam Ndo nzi pèc pècèk, a ndohi mvi skwi a Zhiklè ta tsu tolom.

Psaumes 106:4

Ndo nzi pèc pècèk, heryè, ara man ka woy ndohi ngaya! Washkè a sam ga a skwi mʼmbel ndo ngaya,

Psaumes 106:42

Mayamhi tengaʼa ta ga ta matakwan, ta manda ta gèɗ a hai a wuɗi tengaʼa.

Psaumes 136:23

Nengaʼa man a her nga te mbelaw nga; aman pombi nengaʼa a nzi a mèdèp.

Esaie 18:3

Kin tèlèba man kin nzi a géɗ herkeda, man kinè a zhè a géɗ herkeda: Aman ta da zlatseda lamba a géɗ za, va-pu dai! Aman ta da tsi tolom, va-tsenaʼa!

Esaie 58:1

Boho a wuɗai! Ka mbatsedaha daʼai ɓai! Boho ara tolom, ka ngra ta mphömè a ndohi ga, a malihi a ndohi gi Jacob!

Jérémie 4:19

Woba ndav ga, woba ndav ga! I gudzi te ndav ga! I gudzi te ndav ga! Ndav ga a dzayè, i slaha a i nzi tètèʼa ɓai; i tsena tolom, i tsena nguzli var.

Jérémie 4:21

I rka bata nzlatseda, i tsena tolom a da ndèlè a ngèmè?

Jérémie 4:5

Va-ngreda ta ndohi Juda! Vo-goɗ te Jérusalem! Va-tsu tolom te kokwar. Vo-boho a vata! Va-haya va, ngo-dumokoy kokwarhi man ta ngala te pa!

Jérémie 49:2

Gar haha pats a di a shkè, Ndo nzi pèc pècèk a gaɗa, aman ta da cinè nguzli var a géɗ Rabbath ndohi Ammon, a ngi a dikai mʼmbeɗaʼa. Vogwa a nʼndeda dalahi nengaʼa a ma. Israel a da dzam ta ndohi man ta dzama nengaʼa, Ndo nzi pèc pècèk a gaɗa.

Jérémie 6:1

Ndohi Benjamin, va-hu auda te Jérusalem, va-tsu tolom te Tekoa, va-zlatseda lamba kinè te Beth-Hakkérem! Aman skwi mwuɗitpa a shkè te man a géɗèʼa, skwi ngédèshè ndo mbiaʼa

Jérémie 6:17

Te deɓaʼa i gaɗa: I va kinè ndohi mɓer kinè. Va-gu maya, aman tolom a tsai! Aman ta gaɗa: Nga woy a nga gi maya ɓai.

Ezéchiel 7:14

Va-tsu tolom var, va-tilda va a hai! Aman ndo a dè var azɓai, a gèɗ man ndzoan ga a shkè a géɗ tenga tèlèba.

Osée 5:8

Va-tsu tolom te Guibea! Va-voɗo shingelèk te Rama! Va-guzlau te Beth-Aven! Ta dzar ka, Benjamin!

Lèv. 23:24

Gada ta ndohi Israel: A ki tsaraɗ, pats nshèlèkuraʼa, vo-sok va, va-tsu tolom, a ndohi a ta suna ta ɓicè va a ngolala nkezlaʼa.

Amos 3:6

Ta tsi tolom te kokwar, a ndohi ta gudzi azɓi dè? Matakwan ngidè a zhè te kokwar, man Ndo nzi pèc pècèk a sun ɓi dè?

Sophonie 1:16

Pats tolom, pats nguzli var, a géɗ kokwar nʼngala te pa, a géɗ gi ngurèʼa zlazlar sa.

Nombres 31:6

Moise a nzlinde ta a var, ndohi gozhèm te verzi staɗ; Phinées, kra Eleazar, ndo mvi skwi a Zhiklè, a nzuɓ kolongwi nkezlaʼa a tolom var te rai.

1 Corinthians 14:8

Aman tolom a slhe ɓai ɗuv-ɗuvaʼa, ntil va na a ndè var wa?

Deutéronome 20:1

Aman ka da gi var a nda ndohi mayamhi ngaya, a ka da rka plèshihi a kiki var a ndohi kumba a fena man a ngaya, ka da gu zlau ɓai! Aman Ndo nzi pèc pècèk, Zhiklè ngaya, man a cka ka auda te kokwar Egypte, a zhè a nda ka.

Josué 6:5

Aman ta da tsi tolom nslhaʼa, a kin da tsena ntsi tolom, ndohi tèlèba sèi ta tsi lalau var mbiaʼa. Te deɓaʼa zlazlar kokwar a da mbeɗ na a nasanasa, a ndohi ta da tivè a pa, staɗ staɗ a dè a pa a sam man a nzlatsa a pa.

Juges 10:12

ndohi Sidon, ndohi Amalek a Maon ta ga kinè matakwan, a kin kuɗau a sam ga. A i preka kine auda te ri tengaʼa ka ɓi dè?

Juges 10:8

Ta ɓurte ta, ta ga ta matakwan a ndohi Israel a vi sa, te deɓaʼa mvi 18, ndohi Israel tèlèba man ta nza te wud woyam Jourdain, te kokwar ndohi Amor te Galaad.

Juges 2:18

Aman Ndo nzi pèc pècèk a mpa ta ndohi kita, Ndo nzi pèc pècèk a ntakaha ndo kita, a pats nshèffè nengaʼa tèlèba, a mʼmbel ta auda te ri ndohi mayamhi ta, a géɗ man ta si Ndo nzi pèc pècèk te va, a géɗ wobau tengaʼa, a sam ndohi nʼnga ta matakwan, a sam ndohi mparaha ta.

Juges 3:27

Aman a shkè a pa, a tsi tolom te za Ephraim, a ndohi Israel ta shkèhi te za, a to do, nengaʼa a ma.

Juges 6:34

Mèzhèɓ Ndo nzi pèc pècèk a zhè a géɗ Gédéon, a ntsu tolom, a ndohi Abiézer ta ɓicko va a verzi nengaʼa.

Juges 6:9

I mbel kinè auda te ri ndohi Egypte, te ri ndohi nʼnga kinè matakwan teleba. I dzam ta a ma kinè, a i va kinè kokwar ta.

I Samuel 10:18

A ngaɗa ta ndohi Israel: Ndo nzi pèc pècèk, Zhiklè Israel, a goɗ ar haha: I helka ta ndohi Israel auda te kokwar Egypte, a i mbel kinè te ri wuɗi ndohi Egypte, te ri bihi tèlèba man ta ga kinè matakwan.