Nombres 10:29 - Ma Zhiklè

²⁹ A Moise a ngaɗa na Hobab, kra Réuel, ndo Madian, mèsh Moise: Nga dè a sam man Ndo nzi pèc pècèk a ngoɗa a ngaɗa i da va kinè. Washkè a verzi nga, nga woy a nga ga ka skwi man amba. Ndo nzi pèc pècèk a mpasla ta ri a ndohi Israel, a da va ta skwi man amba.

Nombres 10:29 ပူးပေါင်းရင်းမြစ်များ

Genèse 12:7

A Ndo nzi pèc pècèk a ngudoko na va a di a Abram, a ngaɗa na: Kokwar haha i woya man i va ta ndohi te verzi ngaya. A Abram a nrom sam mvi skwi a Ndo nzi pèc pècèk, man a gudoko na va a dai, a pa.

Genèse 13:15

Aman herkeda tèlèba man ka rkaʼa, i woy a i va ka a ndohi nte verzi ngaya a mèdèp.

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

Genèse 17:8

A i va ka, a ndohi verzi ngaya, herkeda a haha, man ka a mbrok te pa, kokwar Canaan tèlèba, a ka ngotso a mèdèp, a i ndi a Bi Zhiklè tengaʼa.

Genèse 32:12

Ka gaɗa: I woy a i takaha ka, a i gi verzi ngaya kumba, ara wyak te woyam, a ndo a slaha a nger ta azɓai.

Psaumes 100:1

Dimèsh nshid gèɗ. Va-wuffa na Ndo nzi pèc pècèk, ndohi herkeda tèlèba!

Psaumes 34:8

Gol Ndo nzi pèc pècèk a nzi a tsagi tengaʼa man ta gi zlau Zhiklè, a mbel ta.

Psaumes 95:1

Vo-washkè, ngo-slokoy dimèsh mwuffè a Ndo nzi pèc pècèk, a nga nzala za skwi mʼmbel nga!

Exode 18:1

Jéthro, ndo ncèsl skwai te Madian, mèsh Moise, a ntsena skwi man Zhiklè a ngau a sam Moise, a sam ndohi Israel, ndohi Zhiklè, ara man Ndo nzi pèc pècèk a helka ta ndohi Israel auda te kokwar Egypte.

Exode 18:12

A Jéthro, mèsh Moise, a nʼndara na skwi a Zhiklè, a nzla na skwi a Zhiklè, a Aaron a ndohi Israel nhalaʼa tèlèba ta shkè, aman ta ndi skwi a nda mèsh Moise, a sam di Zhiklè.

Exode 18:27

A Moise a mèsh na ta kezla gèɗ, a Jéthro a ndo a deɓa a kokwar na.

Exode 2:18

Aman ta shkè a deɓa a sam Réuel, bab ta, a ngaɗa: A patsna kin shkè ngwi tsam tsam aranta èhèmè?

Exode 2:21

A Moise a nco, a nzi a sam ndo sa, a nengaʼa a mva na Séphora, dem nengaʼa, a ngwoz.

Exode 3:1

Moise a wèr tambakhi Jéthro, mèsh na, ndo ncèsl skwai te kokwar Madian. A pats ngiɗè, a lè tambakhi a hèshèkèɗ, a mdo a sam Horeb, za Zhiklè.

Exode 3:8

A i shkèhai, aman i mbel ta te ri wuɗi ndohi Egypte, a i de ta auda te kokwar haha, a ta dè a kokwar mbiaʼa, man amba, man wa a vongwom a hi te pa, a kokwar ndohi Canaan, Heth, Amor, Phérez, Hévi a Jébus.

Exode 6:4

Nga derzla ma, i da va ta kokwar Canaan, kokwar man ta nza te pa ara mbrok.

Esaie 2:3

a ndohi man verzi ta tsaɗ a vata ta dè a pa a ta gaɗa: Vo-washkè, ngo-dokoya a za Ndo nzi pèc pècèk, a gi Zhiklè Jacob, aman a da ngra nga civèɗ nengaʼa, a nga bizhè a pa. Aman ma kita a shkè te Sion, ma Ndo nzi pèc pècèk a shkète Jérusalem.

Jérémie 50:5

Ta da jhèɗèʼa: Sion tema? Ta da pi di a civèɗ na. Vo-washkè, ngo-humdokoy va a Ndo nzi pèc pècèk, a nderzlè-ma nengaʼa a pca nga a gèɗ te deɓaʼa asaɓai!

Nombres 10:28

A ndohi Israel ta slambaɗa, a to do a ma ma, ntila aranta, ndohi var ngiɗè a ngiɗè.

Nombres 23:19

Zhiklè nara ndo ka bai, a cèkèlma azbai, kra-ndo ka bai, man a mindè ma na a deɓa. Skwi man a mpasla ri a pa, a rufaʼa azɓi dè? Ma man a ngoɗa, a giaʼa azɓi dè?

Actes 7:5

A mva na skwi nʼndi gi te pa ɓai, ko sam man a pi sak a pa. A nʼngra na, a woya a mva ta ndohi te verzi nengaʼa, ko a mya kra di ɓai.

Deutéronome 30:5

Ndo nzi pèc pècèk, Zhiklè ngaya, a da cka ka a deɓa a kokwar man babhi ngaya ta ngotso, a gi a skwi ngaya. A da ga ka skwi man amba, a da gi a ka mènè a vata a fena man a babhi ngaya.

Deutéronome 4:40

Kin da jèjèr ma nkwèr nengaʼa, a ma man a njè kinè a gèɗ, man i gaɗa kine a patsna, a kinè a wudahi kinè kin nzi amba amba, a kin nzi dai tʼherkeda man Ndo nzi pèc pècèk, Zhiklè kinè, a va kinè a mèdèp.

Titus 1:2

a ta zhèr nshèffè a mèdèp te ndav. Zhiklè – man a cèkèlma azɓai – a mpasla ta ri nshèffè sa a ndohi halaʼa.

Hébreux 6:18

Aman a skwi cèw man ta ngwèdè azɓai—aman Zhiklè a slaha a ncèkèlma azɓai—nga ngots skwi mbid nga nzuraʼa, nga man nga gshè va a nzhèrè te ndav man a zhè a ma nga.

Apocalypse 22:17

A Mèzhèɓ Zhiklè a medemi ta gada: Washkè! A ndo man a tsenaʼa, da goɗ: Washkè! A ndo man iyam a dza na, da shkè. Ko wawa man a woyaʼa, da co iyam nshèffè, ambalai.

Juges 1:16

Ndohi te verzi ndo Ken, mèsh Moise, ta shkè te kokwar Gangar a nda ndohi Juda, a to do hèshèkèɗ Arad, te civèɗ dukwaɗ, a ta nza a nda ndohi Amalek.

Juges 4:11

Héber, ndo Kén, ta kezla gèɗ a ndohi Kén, wud Hobab, mèsh Moise, a ngu gi nengaʼa a verzi wof tsna Tsanaim, a tsagi Kédesh.

I Samuel 15:6

Saul a ngaɗa ta ndohi Kéni: Va-slambaɗa, vo-do auda te kokwar Amalek, man ɓai i da gedas kinè a nda tengaʼa; aman kin takaha ta ndohi Israel, man ta shkè auda te kokwar Egypte. A ndohi Kéni ta kezla va ta a ndohi Amalek.